هادي حكاية اميرة و عبد المالك راهو مكتوب التعريف تاع الشخصيات في الكونت لي راحلي
.https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
بعد تسلام و تعناق من آية قعدو يحكو . نص ساعة و طبطب الباب. راحت عيشة فتحت لقاتهم سارة و هيثم و شوقي . زدمو على اميرة . بعد جزء دوزيام من تسلام و تعناق . قعدو يحكو . حتى وين نطقت اميرة . - اميرة : ارواحو ارفدو معايا الكابات. - آية : و انا راني نقول وين راهم . وقفت اميرة تخرج من الدار و الدراري موراها . فتحت طونوبيلتها و بداو يهبطو الكابات . بعد شوية وقت دخلو ڨاع الكابات و حطوهوم في شومبرة اميرة و آية . - اميرة : انا نروح ندوش و نولي . فتحت كابة صغيرة فيها غير قش لي تسحقو . جبدت ساك توالات تاعها فيها لي شومبوا و منا و جبدت سربيتة و بيجامة و راحت . بعد مدة خرجت لابسة هكا 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت لشومبرتها . فتحت ساكها رفدت تيليفونها . لقات جاك معيطلها . عيطتلو . حكاو كاش 5 دقائق بعد ماقاتلو فليل تعاودلو بسك سمعت الحس و الزغاريت التحت . رفدت تيليفونها في يدها و هبطت . هيا غير حطت رجلها فالدرجة لخرا تسمع الزغاريت لقات خالاتها و خوالها كومبلي و معاهم مريم و فاطمة يمات مريم . بدات تسلم و تعنق . من بعد جا ليها خوها امير . قاللها قالك هيثم ارواحي قدام الدار . خرجت و خرجو موراها البنات . هيا خرجت و بداو المحارق يطرطڨو . ولاد خالاتها كومبلي تماك و يطرطقو و يعيطو و النساء يزغرتو . راح هيثم رفد اميرة من جيهة و شوقي من جيهة و بداو يعيطو . المفيد دارو حالة الحومة ڨاع سمعت بلي اميرة جات . و اميرة غير تضحك و تعيط معاهم . بعد مدة حطوها و دخلو ڨاع لدار يضحكو . دخلو قعدو فالصالون يقسروا و آية راحت مع مريم يديرو القهوة و لاتاي و منا . منبعد و قالو اليوم ميديروش عشاء باسك بلال و مرزاق قاللهم نجيبلكم العشاء من الريستورون . المفيد بداو يقسروا و يضحكو و تعشاو . كانت كاش 10:30 تاع ليل . كي طبطب الباب . راح ميدو يفتح . لقاه عبد المالك و اسامة . - اسامة : واش صرا . جيت قالولي بلي كانو يطرطقو فالمحارق و الزغاريت ؟ - ميدو ؛ ادخلو و شوفو وحدكم .. دخلو لقاو اميرة قاعدة تضحك و تڨسر و منا . - اسامة يعيط : اميرة . جيتي . ناضت اميرة ليه جات راح تسلم عليه مي هوا عنقها . أيا عنقاتو . خزرت في عبد المالك لي مام هوا كان يشوف فيها . نطقت عيشة . - عيشة : اقعدو ولادي . ريحو الدار داركم . قعدو شغل اسامة و قدامو عبد المالك و قدام عبد المالك اميرة . - اسامة : ايه كيفاش حتا هبطتي . - اميرة : خممت و لقيت بلي كي نهبط شهر و نولي مراح نخسر والو . دونك هبطت . - اسامة : مليح . و الخدمة ؟ - اميرة : نورمال ميحكو والو . - اسامة : مليح . بداو يحكو حتى وين صونا تيليفون اميرة . خزر عبد المالك في تيليفونها لقاها كاتبة " Jak❤️❤️"هكا . دور راسو رفدت اميرة تيليفونها و ناضت . خزرت فيها تاع وين راكي رايحة . - اميرة : ني رايحة نحكي . - عيشة : شكون ؟ - اميرة : خدمة . - عيشة : خدمة فهاد الوقت . ؟ - اميرة : خدمتي متعرفش وقت . و اكبر مثال بابا . دوك انا نروح . رفدت تيليفونها و راحت للكوزينة . قعدت فوق البوطاجي بعد ما جبدت باطة شيبس . ( كانو يحكو آبال فيديو و بلونقلي) - جاك : اميرة توحشتك . - اميرة : مام انا توحشتك . - جاك : عمبالي . أصلا شكون لي ميتوحشنيش . - اميرة : اعطيني شوية من الكونفيونس تاعك . - جاك : نو . منقدرش . ايه احكيلي واش دارو ؟ فرحو ؟ - اميرة : فرحو كلمة قليلة . هبلو كي جيت . الحومة ڨاع عرفت بلي جيت . طرطڨوها . المحارق الزغاريت. كلشي . - جاك : و نتي فرحتي ؟ - اميرة : ايه فرحت . - جاك : شفتيه ؟ - اميرة : ايه . فهاداك الوقت دخل عبد المالك للكوزينة . خزرت فيه . - عبد المالك: جيت نشرب الماء . - اميرة : اوكي . ايه و نتا راك مليح ؟ والفت بلا بيا ؟ - جاك : نو. مقدرتش نوالف بلا بيك . توحشتك . جات راح تحكي قاطعها عبد المالك يحكي . - عبد المالك: معليش تعطيني كاس ؟ هبطت اميرة من البوطاجي و راحت مدتلو كاس و ولات قعدت فوق البوطاجي . - جاك : معامن كنتي تحكي ؟ - اميرة : عبد المالك . - جاك : اوكي . - اميرة : مام انا توحشتك بزاف . ايه احكيلي على الخدمة . واش صرا اليوم ؟ - جاك : مصرا والو من غير انو الشركة تاعنا ربحت القضية تاع ويل كاسيل . سوطات اميرة من البوطاجي . و بدات تعيط بياس . ياس . و جاك يضحك من الهيك . - اميرة : ياس . أصلا كان عمبالي بلي نربحوها . - جاك : وي . بصح شوفي نخلفهالك . كي تولي نعمرك قضايا . اشفاي . - اميرة : عمبالي بلي مديريهاش . - جاك : علاش ؟ - اميرة : باسك تحبني . - جاك : و نتي تحبيني . - اميرة : ياو ماشي غير نحبك . هكاك و تدخل عيشة للكوزينة خزرت في اميرة لي كانت تحكي فالتيليفون و عبد المالك لي كان قاعد فالكرسي يشرب فالماء شغل قهوة و يشوف في تيليفونو. - عيشة : اميرة . - اميرة : واه ماما . - عيشة : ماشي قلتيلي عيطولك من الخدمة . جاك هوا الخدمة . - اميرة : نخدم عندو نسيتي و زيد عيطلي و سقسا عليا و منا . - عيشة : اجري كوبي و ارواحي لصالون . - اميرة : اوكي . خرجت عيشة من الكوزينة . - اميرة : جاك لازم نكوبي دوك . جات ماما تعيط و تقولي بلي لازم نقعد معاهم . - جاك : اوكي . - اميرة : كي نطلع لشومبرة نعيطلك اوكي . و بالاك نعيطلك و متريبونديش . و الله غير نحي عندك ناكلك . - جاك : اوكي الشابة . - اميرة : حقا تفكرت بالاك تروح تسهر . بالاك . مارانيش تماك . مكاش شكون يجيبك . اوكي . - جاك : اوكي . و نتي بالاكي على روحك . - اميرة : اوكي . نحبك . - جاك : مام انا نحبك . - اميرة : اوكي . دوك نكوبي انا منبعد نعيطلك . - جاك : اوكي . كوبات و جات خارجة من الكوزينة حتى وين سمعت صوتو . - عبد المالك: ....... 🎥🎥🎥🎥🎥🎥🎥🎥🎥🎥🎥🎥🎥 فوت و كومونتار و نحبكمممم ❤️❤️ و رايكم فالبارت
