-هيثم : تعرفو بعضاكم ؟
- عبد المالك: ايه . جاو يسكنو قدامنا .
- هيثم : حبس حبس. يسما نتا ... خلاص .
- عبد المالك: ايه انا هو . ملڨري معمباليش علاواش راك تحكي مي روح . ايه اميرة مدامتك ؟
- هيثم : لالا . بنت خالتي.
- اميرة : ولد الخالة انا نروح نشري و نتا اقعد احكي معاه .
- هيثم : ايه راني نستناك .
- مايا : ميرا تشريلي شيكولة .
- اميرة: ايه . نشري لعينيا . أيا نروحو .
راحت تشري و ولات لقات هيثم وحدو .
- اميرة : راح ؟
- هيثم: لالا دوك يولي .
- اميرة : علاش ؟
- هيثم : قتلو يجو يقعدو معانا .
- اميرة : هو و شكون؟
- هيثم: هو وخوه .
- عبد المالك: واش خو طولنا عليك . ؟
- هيثم : لالا . هيا نروحو .
- مايا : خالو ارفدني .
- هيثم : ارواحي عمري .
راحو و اميرة قالبة وجها . و عبد المالك موراها يضحك هو و خوه . لحقت اميرة قعدت قدام آية. و قعدو لخرين
- آية بهمس: واش جابو هذا؟
- اميرة : خرج صاحب هيثم .
- آية : داك واش خصنا .
- اسامة : آية .
- آية : اسامة . عبد المالك. صفا .
- اسامة : حمد الله و نتي ؟
- آية: كنت مليحة مي كي شفت وجهك تبدلت .
- هيثم : آية .
- شوقي : واش خو كيفاش ؟ وين غبرت ؟
- عبد المالك: كنت نخدم. عمبالكوم بقا عام و نكمل لافاك . راني نوجد فالدراهم باش نفتح شركة .
- هيثم : عندك الحق خو.
- عبد المالك: ايه . ايه اميرة كيفاش ؟ راكي مليحة مور البارح ؟
- اميرة : راني داخلة نعوم .
نحات روبتها و دخلت و عبد المالك عينيه خرجو فلطاي تاع اميرة . اما اميرة كارهة القعدة معاه علابيها دخلت تعوم . شوية و ناض .
- عبد المالك: مام انا ندخل نعوم شويا .
- هيثم : اممممم .
دخل فهداك لوقت كانت اميرة مبعدة بزاف و تعوم برك . طلعت راسها باش تتنفس و قعدت تشوف وين راهي . كاش 3 دقائق و خرج عبد المالك قدامها.
- اميرة : يالزح .
- عبد المالك: وشبيك ؟
- اميرة : والو .
جات راح تكمل تعوم حتى وين حكمها من خصرها و لسقها فيه مليح .
- عبد المالك: وين راكي رايحة يا بنتي ؟
- اميرة : نبعد عليك .
- عبد المالك: بعدي عليا فلرض ماشي فالما . مشفتيش وين راكي . بسيف باش لحقتك .
- اميرة : شكون قالك الحقني ؟ و زيد نحي يديك عليا .
- عبد المالك و هو يمس في ظهرها : منحيش .
- اميرة : بعد يديك عليا سينو ..
- عبد المالك: سينو واش ؟
- اميرة : ندير عفسة تضمنلي بلي راح تبعد يديك المسخين عليا.
- عبد المالك: واش ديري ؟
حبطت اميرة يديها على صدرو و بدات تحبط بلعقل و كي كانت قريب تلحق ل... نطق .
- عبد المالك: اميرة واش راكي ديري. ؟
- اميرة : مالك واش راك دير؟
- عبد المالك: نحي يديك .
- اميرة : نحي يديك نحي يديا .
خزر فيها عبد المالك مليح و طلق اميرة و هي بعدت عليه .
- اميرة : بعد عليا و متزيدش تدنا ليا . فهمت .
- عبد المالك: مفهمتش .
- اميرة : واش ندير انا ادا نتا حابس ؟ طرزان ؟
- عبد المالك: واش قلتي ؟
بدات اميرة تعوم باش تخرج من البحر .
- عبد المالك يحكي مع روحو : طرزان ؟ شكون طرزان ؟ يالزح . اميرة اصبري نحكمك و نوريلك طرزان على اصولو. فرخة كيما هيا رجعتني مهبول .
راح يعوم . مدة و خرج لقا اميرة معنقا مايا و تكونيكتي .
على 6 تاع العشية رفدو رواحهم و راحو لدار . و باينة عبد المالك و خوه بطونوبيل و اميرة و جماعة بطونوبيل .
- شوقي : بس جماعة ليوم راح نباتو عندكم .
- آية : صح ؟ هايلة. و خالتو ؟
- هيثم : مام يما تبات . بعثتلي حنان ميساج مقبيل قاتلي بلي راحو هوما و خلاو معانا مايا . أيا قلت نبات معاهم و زاد شوقي قال نبات .
- مايا : ياس حالة .
- اميرة : ياس حالة. نباتو ڨاع كيف كيف كيما بكري.
- شوقي : ايه . توحشتهم هدوك ليامات .
-آية : مام حنا . و الله مي رانا عاودنا تلمينا .
- هيثم : ايه .
🎥🎥🎥🎥🎥🎥🎥🎥🎥🎥🎥🎥🎥🎥
هادا هو البارت . نشاء الله يعجبكم و كيما نقوللكم كل مرة رايكم نتقبلو . مليح و لا ماشي مليح نتقبلو . و متنساوش فوت و كومونتار و نحبكمممم ❤️❤️❤️❤️❤️❤️❤️❤️❤️ نتلاقاو غدوا نشاء الله .
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
