هادي حكاية اميرة و عبد المالك راهو مكتوب التعريف تاع الشخصيات في الكونت لي راحلي
.https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
شوية و عيطلها هيثم قالها تهبط . هبطت هيا و مريم . فالطريق لقاو عبد المالك خارج من الكوزينة . خزرت فيه و كملت طريقها . - عبد المالك: وين بيها ؟ - مريم : راهي رايحة . - عبد المالك: وين ؟ علاش ؟ - اميرة ؛ مدخلكش . بغل . و راحت فتحت الباب و خرجت و هوا و مريم شافوها من الباب كي راحت تجري دخلت فالطونوبيل . - عبد المالك: شكون هاذا ؟ ( سقسا بسك كان داير هيثم الفيمي ) . - مريم : هيثم . جا يديها عند ختو باسك راهي مريضة . - عبد المالك بغيرة: كاين غير هيا ؟ - مريم : معمباليش . أيا انا نروح . باي . مريم طلعت لشومبرة و عبد المالك غلق الباب و طلع كيف كيف. بدا يتكيف . اما اميرة و هيثم . راحو طريق كومبلي و هوما ساكتين . حبس هيثم عند الحانوت . هبط شرا دخان ليه و شرا كوكا و شيبس و منا . عاود دخل لقاها قاعدة . كملو طريق كومبلي و هوما ساكتين . لحقو للبحر . ڨارا الطونوبيل و فتح التاقة شوية باش يدخل الهوا . دار ليها و دورها ليه . - هيثم : متحكيش ؟ خزرت فيه اميرة . - اميرة : واش نحكي ؟ خلاص عييت . حكملها يديها و خزر فيها مليح . - هيثم : اميرة . احكي واش صرا . اوكي . - اميرة : سمعتو يحكي معاها و قاللها نتلاقاو بسبت . قالها نفطرو كيف كيف و نكملو النهار كيف كيف . - هيثم : واش قالك ؟ - اميرة : منيش حابة نحكي عليه . خلاص . كرهتو . - هيثم : خلاص كيما تحبي . منحكوش عليه . ارواحي عندي . فتحلها يديه زعما باش يعنقها . و هي راحت عندو عنقاتو . قعدو ليل كومبلي يحكو و ياكلو . و هيثم سيا ينسيها فواش صرا حتى وين رقدو فالطونوبيل . لحق الصباح. ناض هيثم لول . شاف اميرة لقاها راقدة على يدو . سڨمها . و ديمارا الطونوبيل و راحو . - تسريع الأحداث: لحق نهار السبت . اليوم ناضت اميرة بكل حماس و نشاط . سقسوني علاش ؟ باسك راح تحكم عبد المالك يخدع فيها . ناضت غسلت وجها و لبست هكا 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت شربت قهوة . و قعدت فالصالون تكونيكتي . دخلت عليها عيشة . - عيشة : واش لالة ؟ - اميرة : ماما راكي مليحة ؟ - عيشة : راني هايلة و نتي . ؟ وين راكي رايحة ؟ - اميرة : راني مليحة و راني رايحة مع هيثم و شوقي باش نشوفو دار لشوقي . عمبالك بلي راح يخرج من عند خالو . - عيشة : مطوليش . - اميرة : باينة . قعدو هكاك يحكو حتى وين جا هيثم و شوقي . دخلو سلمو على عيشة و راحو خرجو . راحو للبلاصة لي راهو رايح ليها عبد المالك . قعدو يستناو كاش نص ساعة و جا عبد المالك . هبط من طونوبيلتو و دخل للريستورون . قعدو يستناو محبوش يدخلو دوك . كاش 45 دقيقة و خرج عبد المالك مع هاديك الطفلة . ركبو فطونوبيلتو. تبعوه هيثم و شوقي و اميرة . لحقو للاوتال . هبط عبد المالك يضحك و الطفلة كيف كيف و اميرة تشوف و حاسة قلبها راح يطرطق . هبطو موراهم . بداو يمشو سمعوه كي دا المفتاح تاع الشومبرة لي كان النيميرو ديالو 25 . خلاوه يطلع و طلعو موراهم . لحقت اميرة عند الباب تاع الشومبرة و هيثم و شوقي معاها . .حطت وذنها على الباب . و بدات تسمع . سمعتهم يضحكو . دارت بيدها لشوقي و هيثم تاع نستناو شوية . قعدو كاش 15 دقيقة و عاودت حطت وذنها سمعت اصوات مخلة بالحياء . المفيد خزرت فيهم و طبطبت و بعدت للطرف هيا و شوقي و هيثم باش ميشوفهومش من هاديك الثقبة تاع الباب . شوية و قال . - عبد المالك: شكون ؟ - اميرة بدلت صوتها: خدمة الغرف . - عبد المالك: علاش؟ - اميرة : كل يومين فالشهر نديرو هدايا للعملاء ديالنا . - عبد المالك: دقيقة . خزرت اميرة فيهم و ستنات . كاش دقيقة و تفتح الباب . هكاك و يلقا قدامو اميرة و هيثم و شوقي . الشوك لي كان في وجهو وحدو . تشوكا . خزرت فيه اميرة من الفوق لتحت . كان لابس سروالو برك و كانت رقبتو معمرة غوجالاف . طبعت الباب و دخلت و لوخرين موراها . راحت وقفت فالشومبرة و خزرت فالطفلة لي كانت مغطية روحها بغطا . - اميرة بنظرة تاع عفت: اععع عفت . واش هاد الخماج . - عبد المالك: اميرة . واش راكي ديري هنا ؟ - اميرة : واش راني ندير . دوك نقولك . جيت نشوف بعيني بلي راك تخدع فيا . باش ماشي كي نحبس معاك نندم و نقول علاش حبست معاه . دوك عندي سبة . - الطفلة هاديك : عبدو شكون هادو ؟ - اميرة: نتي تغميه. فهمتي . معفونة . اخخخخ متحشموش ديرو فهاد العفن هنا . قولو . عيب و الله . زيد مام انا مكنتش دايرة في بالي بلي حبيت واحد خامج كيما نتا. آخخخ . - عبد المالك: شفتي واش حبيتي تشوفي ؟ دوك اخرجي . - اميرة : لالا مزال مكملت خدمتي . راحت وقفت قدامو و طلعت يدها طاتو الكف اللول وجهو دار . خزر فيها و جا راح يضربها . حتى وين حكمو شوقي من جيهة و هيثم من جيهة . حكمتلو اميرة وجهو بزوج صباعتين. - اميرة : عفت نمسك . خايفة كان تعديني بخماجك . . شوف عبد المالك. العفسة لي درتها دوك نخلفهالك فهمت . و أصلا مام الخماج لي راك دير فيه راح تندم عليه كاش نهار . و راح تجي تحوس عليا مي مفاجأة . مراحش نكون . راح تلقا روحك وحدك . حتى يماك و مراحش توقف معاك . باباك اخطيك كان يعرف واش راك دير يقتلك . هيثم شوقي اطلقوه . طلقوه و خرجو كومبلي من الشومبرة خلاوه وحدو مع خماجو . 🎥🎥🎥🎥🎥🎥🎥🎥🎥🎥🎥🎥🎥🎥 هاي . راني نكتب البارت فالتوالات . دخلت لتوالات نكتب . ههههههه. باسك مكاش كيفاش ندير كل ما نحكم جد التيليفون يبداو . صوفيا صوفيا . اسمي و كرهتو علاجالهم . المفيد . اكتبولي فالكومونت رايكم فالبارت . و تان اكتبولي واش شريتو لليكول و منا . نحبكممم
