- اميرة : سارة وشبيك ؟
- سارة : أنور .
- اميرة : واش دارلك ؟ عيطلك ؟
- سارة : هداك هو البروبلام معيط ما سقسا . عمبالك واش دار .
- اميرة : واش؟
- سارة: شوفي لكونت ديالو تعرفي .
- اميرة : اوكي . اصبري .
خزرت اميرة في آية و قالتلها .
- اميرة : آية شوفي الكونت تاع أنور.
- آية : اوكي .
دخلت للكونت ديالو لقاتو حاط تصاويرو مع حياة .
- آية : متقوليليش راهي تبكي كي راهو مع هادي الكلبة .
- اميرة : ايه . سارة عينيا نتي كوبي دوك نعيط لهيثم نقولو يجيبك عندنا كونكوا ماما تسحقك فهمتي.
- سارة : ايه .
كوبات و بدات تشوف فالتصاور .
- مريم : وريلي نشوف .
دورتلها اميرة التيليفون باش تشوف و مع زهرها كان عبد المالك يشوف فالتصاور لي راهم يحكو عليهم . كي شاف التصاور فتح عينيه مشوكي . بسك الطفلة كانت حياة . رفد التيليفون من عند اميرة و بدا يشوف فيهم مليح . شافت فيه لقاتو عينيه حمورة و مقلق . رجعت مدت التيليفون لآية و جات نايضة .نطق عبد المالك .
- عبد المالك: طاطا نقدر نروح للجاردان نحكي تيليفون ؟
- عيشة : روح وليدي .
ناض هو و ناضت اميرة تان باش تروح للجاردان تعيط لهيثم . كي شافها بلي راهي تمشي موراه . دار ليها .
- عبد المالك: وين بيها ؟
- اميرة : جاردان .
- عبد المالك. : علاش؟
- اميرة : نحكي بالتيليفون .
وراحت و خلاتو . خرجت و عيطت لهيثم . شوية و ريبوندا .
- هيثم : اميرة . صفا ختيتو . ؟
- اميرة : وي صفا . هيثم وين راك ؟
- هيثم : راني مع شوقي . علاش؟
- اميرة : اوكي تقدرو تروحو تجيبو سارة مدار لعندنا. تعيش .
- هيثم : علاش ؟ وش صرا؟
- اميرة : كي تجيبها نحكيلك .
- هيثم : اوكي بصح تخلفيهالي .
- اميرة : ايه
- هيثم : اوكي . دوك نروح . حقا واش راهي دايرة خالتو عشا ؟
ضحكت اميرة : غراتان و سلاطة .
- هيثم : ديك هيا نجيبوها و نجو نتعشاو .
- اميرة : اوكي جيبها برك .
كوبات عليه و مع دارت باش تدخل لقات عبد المالك يحكي فالتيليفون و يعيط و هيا عرفت معامن راهو يحكي.
- اميرة مع روحها : نشاء الله برك متحشيهالوش بزوج كلمات.
و دخلت ريحت . شوية و دخل هو . وقت و ناضت عيشة و فاطمة للكوزينة . موراها بخمس دقايق سمعت لاصونات . ناضت تفتح الباب . لقاتها سارة عينيها حمورة و هيثم مقلق و شوقي كيف كيف .
دخلو راحت اميرة و سارة و مريم و آية لشومبرة . بدات سارة تبكي بسيف باش حبسوها .
- آية : سارة خلاص . حبسي ميستاهلش تبكي عليه هكا .
- سارة بسيف باش تقول كلمة : بصح .... حبيت.و علاش دارلي هكا ؟
- اميرة : ماشي كنتي مليحة . دوك علاش وليتي هكا ؟ تبكي عليه . كاين بزاف عيباد يحبوك .
- مريم : صح سارة . مالڨري منعرفوش بصح يبان بلي طحان . ماشي راجل . و زيد شفتي خوك و هيثم كيفاش كانو مقلقين .
- اميرة : ايه . شوفي نوضي اغسلي وجهك مليح و ريحي روحك و انا نهبط نقوللهم كاش كذبة . اوكي .
- سارة : ممم .
ناضت اميرة هبطت لصالون لقات الدراري يڨسرو . غير شافها شوقي و هيثم . ناضو يجرو ليها . جرتهم معاها لصالون الدوزيام .
- هيثم ؛ علاش كانت تبكي ؟
- اميرة : مريضة .
- شوقي : واش من مرض يخليها تبكي هكاك .
- اميرة: كاين مرض نحسو بيه غير حنا البنات .
هيثم و شوقي فهمو علاواش كانت تحكي سكتو. منبعد نطق شوقي.
- شوقي : و دوك راهي مليحة ؟
- اميرة : ايه راهي مليحة شوية .
- هيثم : اوكي . نخرجو .
- اميرة : ايه امشي . خليناهم وحدهم . عيب .
خرجو لقاوهم قاعدين يكونيكتو . قعدت اميرة و قعدو الدراري . دقائق و هبطو البنات راحو قعدو . و سارة ساكتة . عيطتلهم عيشة باش يتعشاو . ناضو راحو غسلو يديهم و قعدو عيشة و حمد و فاطمة و محمد و ميدو و حسام و امير و بلقيس فالدار و اللوخرين راحو ياكلو فالجاردان بسك الطابلة لي فدار متكفيش . بداو ياكلو و يڨسروا من غير عبد المالك لي كان ساكت . المفيد كملو غسلو الماعن و منا و راحو قعدو فالصالون . حتى وين ناض عبد المالك.
- عبد المالك: اميرة معليش تجي معايا نحكيو ؟
- اميرة : اوكي .
ناضت راحو لصالون الدوزيام .
- اميرة : واش كاين ؟
- عبد المالك: علاش راكي بعيدة عليا ؟ مراكيش تحكي معايا . تضحكي معايا؟
- اميرة : معمباليش .
- عبد المالك: كيفاش معمبالكش هادي ؟ المفيد حبيت نقولك ادا بغيتي نولو صحاب ؟
- اميرة : كيفاش؟
- عبد المالك: قصدي نولو دي زامي. نحكو و نخرجو كيف كيف . فهمتي ؟
- اميرة : ايه فهمت . اوكي نولو .
- عبد المالك: اوكي . نولو .
- اميرة : ايه نولو.
راحو دخلو و عبد المالك يتبسم وحدو و اميرة كيف كيف مي مداخل مقلقة و مشوكية . و حاسة روحها متناقضة . ماهيش فاهمة روحها واش راهي دير و لا واش راهي تحس و راهي خايفة تكون هدرت هيثم صحيحة . خايفة تكون تحبو .
🎥🎥🎥🎥🎥🎥🎥🎥🎥🎥🎥🎥🎥🎥
هاد البارت تاع غدوة . باسك غدوة راح نروح للبحر مكاش كيفاش نكتب . دونك حبيت نحطو اليوم و فوت و كومونتار و نحبكمممم ❤️ ❤️💞💞❤️❤️💞💞❤️❤️💞
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
