لحق وقت وناضو البنات راحو للشومبرة يحكو و يقسروا و الدراري لشومبرة عبد المالك قاعدين فالبالكون يتكيفو كيما العادة. دوك نروحو تسمعو واش راهم يحكو.
- عبد المالك: واش خو راك فرحان مع آية ؟
- اسامة : ايه .
- عبد المالك: و راكم سيغيو و لا تمنييك ؟
- اسامة: لالا رانا سيغيو . قلت يجوز وقت و نروح نخطب .
- عبد المالك: يسما نتا صح طحت ؟
- اسامة : بلعو . مشفتش روحك نتا .
- عبد المالك: وشبيا انا؟
- اسامة : راك طايح طيحة واعرة. كي تقعد قدامنا اميرة تاكلها . عمبالك مشفتكش .
- عبد المالك: لا لا . ق### كيما هيا جامي منطيح فيها ( نتا طيح برك في امثال حياة) .
- اسامة : وشبيها الطفلة ؟ عاقلة و شابة و بنت فاميليا وش خصها ؟
- عبد المالك: معمباليش . خلاص أخطيني منها.
- اسامة : خلاص هادي اللخرة . كي تشوفها واش تحس؟
- عبد المالك: كيفاش؟
- اسامة : واش تحس ؟ قلبك يخبط و لالا ؟
- عبد المالك: ايه يخبط و بزاف ( 😏) .
- اسامة : كمل .
- عبد المالك: و زيد نحس شغول عفايس يتحركو في كرشي ( هاد الاحساس جامي حسيت بيه . جامي ) .
- اسامة : مليح خو .
- عبد المالك: وشنو مليح ؟
- اسامة : تحبها من الدرجة الاولى خو.
- عبد المالك: كيفاش ؟ لالا ؟ راك تخلط
- اسامة : اتقبلها بلي تحبها و زيد بلاك مام هيا تحبك . نتا وين عمبالك .
- عبد المالك: العفسة اللولة مقبيل سمعتها تحكي مع واحد و قاتلي راح يجي يخطب و العفسة الدوزيام خسرت معاها بزاف .
- اسامة : منبعد نسقسي آية على هاد الولد و حكاية خسرت معاها سڨمها خو .
- عبد المالك: نشاء الله .
عند البنات . كانت اميرة متكسلة فوق البونك و حاطة رجليها فالحيط و مريم قاعدة قدام اميرة مربعة رجليها و آية قاعدة مالجيهة لوخرة تاع اميرة و دايرة مخدة عليها .
-SMS AYA + OUSSAMA :
- اسامة : آية نسقسيك .
- آية : وي .
- اسامة : اميرة راهي اون كوبل؟
- آية : لالا .علاش؟
- اسامة : مقبيل حكات مع عبد المالك و قاتلو راني أون كوبل .
- آية : هههه لالا . فالمنام و متلقاش اميرة اون كوبل . و زيد عبد المالك كانت تتمسخر بيه بسك ضاربو . سبها و ماراهمش يحكو .
- اسامة : عمبالي بلي خسر معاها . يسما دوك كان يحب يكون مع اميرة مكاش كيفاش ؟
- آية : هيا مع اللول ضد هاد العفايس و زيد كي سبها و منا انسى .
- اسامة : حتى لوكان طلب منها السماح ؟
- آية : معمباليش . خليه يسيي و نشوفو.
- اسامة : اوكي . توحشتك.
- آية : مقبيل كنا كيف كيف .
- اسامة : عمبالي . ( انا نحترم روحي الناس بداو ينحارفو و انا انسانة مربية منحبش الانحراف دونك خليني نروح نشوف اميرة واش راهي دير )
-END SMS AYA+ OUSSAMA.
جاز وقت و نطقت آية .
- آية : اميرة مراكيش حابة تولي أون كوبل ؟
- اميرة : مخصنيش تكسار الراس ختيتو.
- مريم : وشمن تكسار الراس قولي ؟
- اميرة : منحبش و خلاص . تبداي تعسي فيه و هو يعس فيك . و الزمر و كدا و انا منحبش هاد العفسة . نعيا .
- آية : انا راني أون كوبل و معييتش .
- اميرة : مليح . الله يكملك معاه و انا واش دخلني . مارانيش حابة نولي اون كوبل.
- آية: خلاص . و عبد المالك
- أميرة: وشبيه هداك. ؟
- آية : كان يدوموندي منك السماح ؟
- مريم : علاش ؟ واش دار ؟
- آية : سبها و منا.
- اميرة: واش نديرلو . يروح يرنك . يدوموندي منا لغدوة صباح منسامحش . كبريائي تأذى.
- مريم : راهي تحولت الطفلة .
- أميرة : اخطوني فرشولي خلوني نرقد. نعست .
- آية : كي جبدنا على سيرة عبد المالك نعستي ؟
- اميرة : مريم بعدي شوية خليني نرقد .
بعدت مريم شوية و دخلت اميرة بين مريم و الحيط و غمت روحها حتى رقدت . بعد مرور ساعات فطنت . ناضت نص برك و شافت مليح بدات نتفكر وين راهي حتى وين تفكرت بلي راهي عند مريم .رفدت تيليفونها لقاتها 2:30 تاع الصباح ( يعني جاية فليل و منا ) حست روحها عطشانة ( اللقطة الشهيرة فقاع ليكرونيك 😂😂😂😂 عرفتوها اللقطة ؟؟؟) بدات تنوض فمريم .
- اميرة : مريم . مريم . نوضي .
- مريم بلعقل : واش ؟
- اميرة : راني عطشانة .
- مريم : دوك نبولك . اوكي
- اميرة : راني نحكي صح . مطلعتوش معاكم الماء لشومبرة ؟
- مريم : لالا . روحي للكوزينة اشربي .
- اميرة : بصح
- مريم : اميرة روحي و خليني نرقد و الماء راهو فالفريجيدان . اوكي بونوي .
خزرت فيها اميرة مليح منبعد ناضت بلعقل . فتحت الباب بلعقل و خرجت تمشي على صباعتيها.
🎥🎥🎥🎥🎥🎥🎥🎥🎥🎥🎥🎥🎥
واو هدا البارت كتبتو فمدة قصيرة نشاء الله يعجبكم. و زيد قولولي فالكومونت ادا عرفتو اللقطة الشهيرة تاع ليكرونيك 😂😂😂 و متنساوش فوت و كومونتار و نحبكمممم ❤️❤️❤️
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
