- عبد المالك: ايه اميرة كيفاش ؟
- اميرة : وشنو ؟
- عبد المالك: عجبك الحال فلندن؟
- اميرة : وي بزاف .
- عبد المالك: مليح .
- اميرة : مالك نسقسيك ؟
- عبد المالك: وي .
- اميرة : ياك تزوجت ؟ صح
- عبد المالك: ايه
- اميرة : دونك علاش راك واقف دورلي كي الزربوط فالشومبرة و مخلي مرتك وحدها . ؟
ضحك عبد المالك و قال: هههه اميرة . معمبالك بوالو .
- اميرة : عليك نتا ؟
- عبد المالك: ايه
- اميرة : علاش نعرف عليك . خصني تكسار الراس واقيل
- عبد المالك: معليش . ندير روحي مسمعتش . مي خليني نقولك عفسة بلي طلقت هاديك المرأة.
اميرة حكمها الشوك مي شغول فرحت في نفس الوقت .
- اميرة : علاش؟
- عبد المالك: باسك انا تزوجت بيها بسك كانت رافدة وليدي في كرشها . مي مور ما مات الولد طلقتها .
- اميرة : مليح لي مات . تحسب حس بلي كي راح يجي راح يعاني معاكم .
- عبد المالك: اميرة نحكو سيريو .
- اميرة : استنا دقيقة برك . نبعث الدوسي و نحكو .
بعد 2 دقايق غلقت البيسي و وقفت . خزرت فيه مع هوا طويل الله يبارك . معندنا ما نحكو . المفيد .
- اميرة : احكي .
- عبد المالك: وشبيك معايا؟
- اميرة : انا وشبيا معاك ؟ سيريو مالك عندك الوجه و راك تسقسي فيا هاد لاكيستيون نورمال . قول . شغول مدرت والو . عاود ارجع شوية للور و اتفكر واش صرا .
- عبد المالك: عمبالي بلي غلطت
- اميرة : مزية لي عرفت بلي غلطت
- عبد المالك: مي مكانش عمبالي بلي راح يصرا ڨاع هكا .
- اميرة : و راك تحكي فيها نورمال . يسما لوكان مفقتلكش مع لول كان خدعتني و كملت و انا معمبالي بوالو .؟
- عبد المالك: اميرة مشي هكا .
- اميرة : كيفاش ؟ احكي
- عبد المالك: اميرة لي صرا صرا و شوفي لحكاية جازو عليها سنين بزاف . خلينا نغلقو الباصي و نبداو من جديد .
- اميرة : همم . صحا نسقسيك.
- عبد المالك: ايه
- اميرة: كيفاش حتى وين جات في راسك باش تخدعني ؟ كاش ما درتلك ؟ غلطت معاك ؟ قول . من لي بدينا كيف كيف و انا ندير ڨاع واش تقولي . قبلتك بڨاع واش فيك . سيريو مالك يا زح عندك وجه و راك جاي عندي و تقولي نمحو الباصي . واش راك داير في راسك قول ؟ واقيل راك حاسبني تجي عندي تقولي هاد الهدرة نصوطي عليك و نقولك وي مالك نبداو من جديد و ننساو واش صرا. قول واقيل راك حاسب .
- عبد المالك: اميرة شوفي صح كنت نحبك و نعشقك بزاف . يا زح كنت نتناك عليك . عجبتيني من النهار لول لي شفتك تشطحي فيه فهاد الشومبرة . من هاداك النهار و نتي في راسي . عجبتيني منبعد كي حكيت معاك لقيت روحي نطيح على راسي بلعقل موراها عرفت بلي صح حبيتك . معمباليش كيفاش حتى قدرت نخدعك . امنيني . و نتمنى يجي نهار و تسامحيني فيه على واش درت .
- اميرة : مالك كان خدعتك و جيت ليك و قتلك خلينا ننساو واش صرا راح تنسى . تقدر تنسى ؟
- عبد المالك: لالا
- اميرة : شفت . مام انا منقدرش مي مام هكا و نتمنى يجي نهار و نسامحك فيه مي كي يجي هداك النهار مراحش نولو كيما كنا من قبل . دي كوبل . نو راح نولو دي زامي . هدا مكان. . راك قابل ؟
- عبد المالك: روح . مام هادي و قابل بيها مي متخافيش يجي نهار و نتزوجو و نجيبو دراري .
- اميرة : اقعد تستنى فهاداك النهار حتى وين يجي اوكي .
- عبد المالك: راهو قريب .
- اميرة ؛: اممم . خلينا نروحو .
خرجت من الشومبرة و هو موراها . منبعد خرجو ڨاع من الدار و راحو عند فاطمة . دخلو و ريحت اميرة مع آية و مريم .
-------------------
راح ندير تسريع الأحداث بسك واش كاين دوك شغول والو دونك نروحو للاحداث المهمة:
اميرة دوك راهي واقفة قدام باب تاع دارها في لندن . وي لندن ولات . جوزت العرس تاع آية و طلعت مور ما كمل بيومين . اما آية راحت لتركيا مع راجلها . المفيد دخلت لدار شعلت ضو و راحت ديراكت لشومبرتها . تكسلت فالبونك و قعدت تخزر فالبلافون تاع الشومبرة و تخمم . و فاش راهي تخمم . في موسيو عبد المالك . وي مور هاديك الليلة دار كولشي باش تسامحو و هيا قاتلو فالعرس تاع آية بلي سامحاتو و موراها أصلا ولات للندن.
المهم رقدت و ناضت غدوا صباح على 9 . راحت دارت ماكلة ليها . فطرت و شربت قهوة منبعد دخلت دوشت و خرجت بدات دير في شعرها و الماكياج و منا . منبعد وقفت قدام الخزانة تشوف فيها . حتى وين لقات واش تلبس . المهم لبست هكا 👇👇👇
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
