كرونيك " القدر لا يسأل" 💞

2

-عند البطلة :
راحت اميرة عند آية باش تحكي معاها .
- اميرة : آية .
- آية : اممم
- اميرة : شفت وحد الزل دوك . يا آية توحدي ربي . زينو وحدو و زيد جاي شعرو طويل . آي طحت فيه سيبون .
- آية : نتي لبنادم لي تشوفيه ولا و شعرو طويل طيحي فيه .
- اميرة : لالا هدا صح طحت فيه . بصح ميحشمش . معندوش ڨرام حشمة . يالزح . خارج للبالكون معريلي على صدرو  مي عندو وحد ليزابدو آييي . راني سيغيو و زيد قاعد يخزر فيا بغل .
- آية : اميرة ختي روحي كملي شومبرة باش نحطو لقش و منبعد نحكو على هاد الزمر .
المفيد بعد مدة زمنية طويلة كملو ڨاع الميناج و بداو يحطو فالقش . كانت 6 تاع العشية جا حمد .
- حمد : رانا معروضين عند صاحبي. 
- عيشة : متقوليش محمد ؟
- حمد : ايه هوا .
-اميرة : شكون هادا ؟
- عيشة : صاحب باباك محمد و مرتو فاطمة صحبتي .
- اميرة : عندهم بنات ؟
- عيشة : ايه .
- آية : شكون ؟
- بلقيس : ياربي و تكون عندهم طفلة قدي فالعمر .
- امير: هداك واش تحوسي عليه نتي. 
- اميرة : غموه . ماما قولي . واش عندهم ؟
- آية : شغل راكي تحكي على حجر ماشي عباد .
- اميرة : دوك نتوما متسكتوش . ماما احكي
- عيشة : وليدهم لكبير اسامة موراه عبد المالك موراه مريم  قد اميرة و حسام .
- أميرة: الصح كومبلي كي كاينة طفلة قدي . نشاء الله تكون تصلح برك . المفيد انا نروح ندوش راني نفوح جافال .
راحت اميرة دوش و خلاتهم وحدهم . كملت لبست روبة عاملة هكا 👇👇

و طلقت شعرها و دارت lip stick غوز . و هبطت عندهم .
- اميرة : راني واجدة . وقتاش نروحو .
- عيشة : دوك شوية نروحو .
- آية : راني جيت  . وين راه امير نلبسلو .
- عيشة : لبستلو و راح هو و حمد باش يشرو جي و ڨازوز و منا .
- آية : اوكي . المهم كيفاش راني ؟
كانت لابسة هكا 👇👇 👇

- اميرة : راكي شابة . و انا؟
- آية : هادي الروبة لي غير كيما شريناها صح ؟
- اميرة : ايه ؟ كيفاش راني شابة ؟
- آية : ايه راكي زلة. 
دخل الاب من الباب متوجه للعائلة في الصالون .
- حمد : أيا نروحو .
خرجو من الباب منا دخلو لباب منا . قالتلهم ديراكت محمد .
- محمد  و هو يسلم على حمد : ادخلو صاحبي .
- حمد : ايه .
دخلو لدار لقاو فاطمة و مريم و حسام  بداو يسلمو و يعرفو على رواحهم.  دخلو لصالون و قعدو يڨسرو . شويا و جا اسامة. 
- اسامة من الباب : يا ما واش كاين عشا ؟
- فاطمة : اسامة ارواح تسلم على الناس. 
دخل اسامة لقاهم بدا يسلم و كي لحق لآية تبسم على جنب و سلم عليها و قعد يخزر فيها .
- اميرة بهمس لآية: كلاك ماكلة .
- آية : شكون؟
- اميرة : اسامة .
خزرت فيه آية و دارت عند اميرة : يروح يرنك .
- اميرة : تعرفو بعضاكم ؟
- آية : تشفاي كي كنت جاية ملخدمة و قريب دخلت فيا طونوبيل. 
- اميرة : ايه ... آه حبسي . متقوليليش هوا .
- آية : هوا حمار بغل .
سكتت اميرة و قعدت تحكي مع مريم نساجمو بزاف بحكم في نفس لعمر و يقراو نفس لماتيار . شويا و ناضت فاطمة .
- فاطمة : مريم نوضي عاونيني نحط الطابلة. 
- مريم : ايه .
- عيشة : اصبري فاطمة . اميرة نوضي عاونيها .
- فاطمة : مكلاه .
- عيشة : علاه حنا برانية ؟ ياكل قريب خاوة . اميرة نوضي .
ناضت اميرة مخلوعة . ضيفة و تخدم . دخلت للكوزينة بدات ترفد معاهم الطباسة . كانت وحدها فالكوزينة هكا و تحس واحد دخل . دارت لقات نفس لوجه لي شافتو صباح . و عريان ملفوق .
- اميرة : بسم الله الرحمن الرحيم .
- عبد المالك: وشبيك شفتي جن ؟
- اميرة : نتا اون باغسون جن . يالزح . غطي روحك.  كل منشوفك نلقاك عريان . واش هادا ؟
- عبد المالك: راني فدارنا جابلي ربي . اصبري مشي نتي الطفلة تاع الصباح .
- اميرة : و جاي تقول فيها بلا حشمة بلا والو. يالزح .
هكا و تدخل فاطمة .
- فاطمة : احشم يا ولد . روح اللي تريكوك .
- عبد المالك: راني عاجز نطلع نجيبو عيطي لحسام يجيبهولي . حقا ما . شكون هادي ( و خزر في اميرة ) .
- فاطمة : ايه نسيت . اميرة هاد وليدي عبد المالك . عبدو هادي اميرة بنت صاحب باباك .
- اميرة : الله يبارك طاطا .
- عبد المالك: يبارك فيك . هادو لي جاو يسكنو هنا ؟
- فاطمة : ايه و دوك روح البس تريكوك و غسل وجهك و سڨم روحك و سلم عليهم راهم فالصالون .
- عبد المالك: ايه .
- عبد المالك يحكي:
نضت مالرقاد على 8 تاع ليل . كنت عيان . هبطت للكوزينة باش نشوف واش دارو عشاء حتى وين نلقا زلة مقابلتني فالكوزينة . عندها وحد لاطاي تهبل . المهم هي غير دارت لقيتها تان زلة تهبل . مع اللول متفكرتهاش مي منبعد تفكرت . عجبتني كي قاتلي كل مانقابلك نلقاك عريان 😂   .
🎥🎥🎥🎥🎥🎥🎥🎥🎥🎥🎥🎥🎥🎥
هاي ڨايز وليت ببارت جديد  عمبالي بل بلي بارتو ماشي طوال مي راني نسيي نطول فيهم . المفيد متنساوش لي عندو عفسة على الرواية يجي بريفي يقولي . و متنساوش فوت و كومونتار ❤️❤️❤️💞 نحبكم