كرونيك " القدر لا يسأل" 💞

6

كانت 10 كانو قاعدين ڨاع فالصالون يحكو حتى وين صونا تيليفون اميرة . لقاتو نيميرو متعرفوش . كوبات . عاود عيطلها . خرجت لجاردان و ريبوندات .
START TILIFON-
- اميرة : الو .
- ..: ...
- اميرة : ياو آلووو .
- ...:....
-END TILIFON-
كوبات و بدات تسب فيهم و دخلت . ريحت وين كانت هي و آية و هيثم و شوقي .
- شوقي : شكون ؟
- اميرة : معمباليش . زمر يعيطو و ما يحكوش .
- آية : اخطيك منهم . بس نروحو نريحو فالبالكون .
- هيثم : ايه .
- اميرة : انا نريح فالكرسي فهمتو .
- شوقي : لالا انا نقعد فيه .
- اميرة : قلت انا .
- أية : و انا نجيب عفايس مالكوزينة و اميرة  متنسايش تجبدي السقايط لي في شومبرتنا .
ناضو   راحو للبالكون تاع الشومبرة و آية زادت شوية و لحقتهم حطت السقايط و الڨازوز و اميرة جابتلهم الشيشة . قعدو يڨسرو و يضحكو و منا و الدراري يتكيفو  . حتى وين وصلت 12:44 تاع ليل خرج عبد المالك و اسامة للبالكون و كانو بلا تريكو كان عبدة لابس شورت زرق و اسامة كحل  شافو الجماعة تضحك و كي شاف واش كانت لابسة هبل ( هبل السيد هبل) .
أميرة هكا 👇👇👇👇

و آية هكا 👇👇👇

و كان عندهم نورمال يلبسو هكا بحكم متربيين مع بعض . . هكا و رمات اميرة عينها على البالكون تاع عبد المالك لقاتو هو خوه يحكو مي كان يشوف فيها .
- اميرة : آية .
- آية : اممم.
- اميرة : راو خرج طرزان و خوه .
- هيثم : هههه طرزان . شكون طرزان ؟
- آية و هي تشوف في اسامة : مي عندو السلعة .
- هيثم : حبسو راكم تحكو على عبد المالك و اسامة ؟
- اميرة : ايه . طرزان
- شوقي : شكون طرزان ؟
- اميرة : مالك .
- آية : مالك ياه ؟ تطور ملحوظ .
- اميرة : آية يرحم باباك أخطيني .
- هيثم و هو يضحك : علاش تقوليلو طرزان؟
- اميرة : باسك كل منتلاقى بيه نلقاه عريان . حمار
- شوقي : عريان عريان ؟
- اميرة : لالا هبلت نتا . هداك مبقا نشوف ...
- آية : ادا شافتو عريان كومبلي تلقاو طفلة ماتت .
- هيثم : عمبالنا .
- اميرة : واش عمبالكم ؟ آهه انطقو .
- شوقي بالضحك: خلاص متتقلقيش. 
- اميرة : مي نحكو الصح . فيه ڨاع المواصفات تاع الراجل لي راني حابة نتزوج بيه .
- هيثم : نتي تتزوجي ؟ جامي . زيد احكيلي واش عندو .
- اميرة وهي تخزر في عبد المالك و تاكل فالشيبس الحار : شعرو طويل و عينيه اخاه منحكوش عليهم . مقبيل قريب ذبت .
- آية : وقتاش؟
- اميرة بتوتر: خلوني نكمل. و زيد هدوك لي زابدو . آخخخ عليا . و زيد قاري و يابس .
- شوقي : و نتي كيفاش عمبالك بلي يابس ؟
- اميرة : يالزح اخطوني .
و ناضت تجري و بدات تحكي .
- اميرة : البنادم يحكيلكم و يندم .
و راحت .
- هيثم : اميرة وين راكي رايحة؟ اميرة ؟
عاودت ولات رفدت تيليفونها و  وقفة و قالتلهم .
- اميرة : وزيد علاش منتزوجش ؟ واش خصني ؟ الزين و لاطاي و الدراهم و كلشي . زمر .
-شوقي : هاي راحت . باينة بلي زعفت .
- آية : تعرفوها شوية و تولي تحكي نورمال .
- هيثم : واه .
اما اميرة راحت لتوالات حشاكم. و غسلت يديها و ولات قعدت معاهم شغل مصرا والو .
- اميرة ؛ نلعبو أكسيون ولا فريتي؟
- هيثم : مالڨري هدا لعب تاع الدراري مي روح .
- شوقي : واه خلي نلعبو و نتي آية . .
- آية : ايه .مي باش نلعبو .
- اميرة : هاي القرعة تاع الما فارغة .
بداو يلعبو دورو القرعة لولة طاحت في هيثم و اميرة .
- هيثم : اكسيون و لا فيريتي ؟
- اميرة : أكسيون .
- هيثم : نمدلك النيميرو تاع عبد المالك و احكي معاه .
- اميرة : نو نبدل . فريتي.
- شوقي : لالا .
- اميرة : واش نقولو . ؟
- هيثم : لي جات مي لازم تحكي معاه يالوكان 5 دقائق .
- اميرة : اوكي .
مدلها النيميرو و هي تكتب فيه في تيليفونها لقات بلي النيميرو لخر لي عيطلها هو نفسو تاع عبد المالك . ابتسمت بخبث و عيطتلو . و بقات تشوف فيه و هو يشوف فيها
- -START TILIFON-
-اميرة : آلو .
- ...: ....
- اميرة : مالك عمبالي بلي نتا .
- عبد المالك و هو يضحك و يشوف فيها  : واش حكاية مالك هادي ؟
- اميرة تشوف فيه : نفحتلي نقولك مالك.  جينيتك ؟
- عبد المالك: لالا . ايه علاش عيطتيلي ؟
- اميرة : رانا نلعبو أكسيون فريتي و طاحت فيا و قالولي عيطي لعبد المالك .
- عبد المالك: ها اوكي . راح نكوبي .
- اميرة : حبس . بغل . طرزان . .
- عبد المالك: تفكرت واش حكاية طرزان هادي ؟
- اميرة بابتسامة صغيرة و الجماعة تشوف فيها : كل ما نتلاقى بيك نلقاك عريان علابيها سميتك طرزان .
- عبد المالك ضحك ضحكة ڨاع سمعوها .
- اميرة : علاش راك تضحك ؟
- عبد المالك: والو . ههه جيست ضحكتيني .
- اميرة : راك تشوف فيا نضحك .
- عبد المالك: لالا . 
- اميرة : اممم .
- عبد المالك بعد على خوه شوية : متقوليش هديك لاممم ديالك تخليني نسخن .
- اميرة وجها رجع حمر : همممم .
- عبد المالك: اميرة حبسي .
-اميرة : اعععع مالك حبس و زيد انا واش دخلني . انا نحكي هكا اوففف سامط . بغل . جايح . طرزان . سيبون باي .
و كوبات عليه
-END TILIFON-
خزرت فيه من البالكون و طلعت صبعها الوسطاني و قاتلو بفمها fuck you . و ضحكت معاه اما هو ضحك معاها و ولا قعد فبلاصتو .
- هيثم ؛ واش قالك حتى وليتي حمرا هكاك؟
- اميرة : والو .
- آية : عشت و شفت ختي حمرا و حشمانة .
- اميرة ؛ محشمتش . و سيبون اغلقو عليا هاد الحكاية 
- شوقي : خلاص .
و كملو يلعبو لحقت 4 تاع صباح باش دخلو لشومبرة يرقدو و عبد المالك و خوه دخلو على 2 يرقدو .
- البطل يحكي :
اميرة.  آخخخ يالزح جامي مشفت طفلة كيما هيا . تخليك تخمم فيها وحدك . مالڨري محكيتش معاها بزاف مي عجبتني و عجبتني بزاف الهدة تاع البحر بسيف باش حكمت روحي . ولا طرزان قتلتني بالضحك . رحت نرقد مي مقدرتش قعدت نتلقب فالفراش . بسيف باش رقدت .
🎥🎥🎥🎥🎥🎥🎥🎥🎥🎥🎥🎥🎥🎥
نتمنى يعجبكم البارت و زيد حبيت نقول عفسة راني نشوف بلي كاين عيباد راهم يقراو و ميفوتيوش واش تخسروا كي تعبزوا فهاديك النجمة . آههه . المهم هكاك و مزالني نحبكم ڨاع . ياو نبغيكم ❤️❤️❤️❤️❤️ الزلات دياولي .