كرونيك " القدر لا يسأل" 💞

26

كملو السوايع و كانت 4:30 تاع العشية . كانو يمشو فالطريق راجعين لدار .
- مريم : اميرة ارواحي باتي عندي اليوم.
- اميرة : معمباليش .
- مريم : هايا تعيشي . عندنا بزاف مبتناش كيف كيف.
- اميرة : نسقسي عيشة و نقولك . اوكي.
- مريم : اوكي .
كملو يحكو . لحقو لدار دخلت اميرة رمات قشها عند الدخلة تاع الباب . سمعت الهدرة فالكوزينة . راحت لقات هيثم قاعد يشرب فالقهوة و عيشة مقابلاتو.
- اميرة : هيثم .؟!
- هيثم : اميرة .
و ناض يعنق فيها .
- هيثم : وشبيك ؟ عندك بزاف مبنتيش ؟ و مراكي تعيطي . ما تسقسي .
- اميرة : راني عيانة .
راحت جبدت كاس و بدات تكب القهوة . قعدت و هوا قعد .
- عيشة : اميرة علاش مقلتيليش بلي هيثم و سارة راهم كيف كيف . ؟
- اميرة : هوما قالولي متحكيش . ماما شي . قاتلي مريم ادا تجي تباتي معايا اليوم باش نقراو و زيد غدوة الجمعة . هايا ماما تعيشي .
- عيشة : تقراو ؟ راكي sur ؟ مراحش دوري مع عبد المالك ؟
- اميرة : نو . أصلا واقيل راح نحبس معاه .
- هيثم : علاش ؟ واش صرا؟
- اميرة : هكاك .
و خزرت فيه خزرة تفهمها برك هيا و آية و سارة و شوقي و هيثم . مام هوا فهمها أيا سكت .
- عيشة :خلاص روحي . مي غدوا مطوليش . بسك راح تروحي مع هيثم .
- اميرة : وين ؟
- هيثم : كيما العادة .
- اميرة : وحدنا ؟
- هيثم : ايه .
- اميرة : ياس . اوموا عفسة طلع المورال . المفيد ماما انا نطلع لشومبرة . هيثم ارواح .
ناض هيثم و هيا راحت رفدت قشها لي كان مرمي عند الباب .و طلعو لشومبرة . غير غلقت الباب . خزر فيها .
- هيثم : وش كاين ؟
- اميرة : واقيل راو يخدع فيا .
- هيثم : راكي sur؟
- اميرة : ايه . شوف البارح صباح قالي نجي نديك على الوحدة . كي لحقت الوحدة ملقيتوش دونك عيطتلو . كاش 6 خطرات باش ريبوندا . و البروبلام ماشي هوا لي ريبوندا .
- هيثم : شكون؟
- اميرة : طفلة معمباليش . شكون .
راحت فتحت الباب تاع البالكون و الريدو باش يدخل الهوا .
- هيثم : ايه .
- اميرة : غير سقسيتها شكون هيا جا عبد المالك. كي سقسيتو عليها بدلي ڨاع الحكاية . و كي سقسيتو وين راه قالي راني مع جماعة فريستورون.
- هيثم : سقسيتيه البلاصة ؟
- اميرة : باينة خو . قالي راهو في *****.
- هيثم : اصبري . هادا الريستورون لي حاكمو مرزاق ؟
- اميرة : ايه . هوا . مي اصبر مزال مكملتش .
- هيثم : مزالت طويلة الحكاية ؟
- اميرة : ايه . طويلة و راح تزيد تطوال . المفيد كوبيت عليه و عشية رحت نقرا ليكوغ.  خرجت على 6 لقيتو جا باش يدينا انا و مريم . أيا مريم ركبت و انا لالا . أيا هبط يحكي معايا باش نروح معاه .
- هيثم : متقوليليش ركبتي ؟
- اميرة : منيتك خو . المفيد عاودت سقسيتو على الطفلة أيا زاد بدلي السوجي منبعد بدا يعيط و قالي نتي جايحة و منا و علاجال حكاية تاع طفلة درتي ڨاع هاد السمير و منا . دونك رحت و خليتو .
- هيثم : مليح .
- اميرة : واه مليح . مي قتلتني الشتا صاحبي . بسيف لالحقت لدار . اميرة و اليوم صباح عيطتلي مريم بدات تحكي معايا منبعد غلطت و قاتلي بلي كان يحكي مع وحدة البارح فليل . و على الوحدة كي رحت عندها باش نروحو كيفكيف . كان يحكي فالتيليفون و انا كنت فالصالون مريحة . أيا قال لوحدة و لا لواحد بلي يتلاقاو في ***** .
- هيثم : استناي . هاد البلاصة ؟!
- اميرة : واه . سواسوا كيما راك تخمم. .
- هيثم : عطاي . دوك واش راح ديري ؟
- اميرة : راح نستنا مي قبل لازم نروحو نشوفو الكاميرات تاع الريستورون. هايا هيثم .
- هيثم : باينة . امشي قدامي .
هبطت تجري و كانت رافدة غير تيليفون  . و هوا موراها .
- اميرة بلعياط : ماما راني رايحة مع هيثم .
خرجت عيشة من الكوزينة : وين ؟
- هيثم : رايحين عند مرزاق .
- عيشة : مطولوش .
- اميرة : ايه متخافيش .
خرجت و هوا موراها . جات راح تركب الطونوبيل قابلها عبد المالك يغلق فالطونوبيل . خزر فيها مليح . اما هيا غير فتحلها هيثم الطونوبيل طلعت .  و هوا كان مزالو يخزر فيها . ركب هيثم و راحو . اما عبد المالك . كان حاب يعرف وين راهم رايحين . دونك ركب فالطونوبيل و بدا يتبع فيهم .
خزرت اميرة فالمراية لي قدام الطونوبيل باش تسڨم شعرها . حتى وين طرطقت بالضحك .
- هيثم : وشبيك ؟
- اميرة : راهو يتبع فينا ؟
- هيثم : شكون ؟
- اميرة : مالك . شكون من غيرو زعما ؟
- هيثم : مليح خليه يتبع .
- اميرة : ياك مزالنا رايحين عند مرزاق ؟
- هيثم : ايه .
هكاك و يلحقها ميساج من عندو .
- اميرة : ليك الكلب و يزيد يقولي وين راكي رايحة .
بعثتلو اميرة ميساج .
- اميرة : علاش؟
عيطلها عبد المالك . خزرت فالتيليفون منبعد فهيثم .
- هيثم : ريبوندي .
- اميرة : وي .
- عبد المالك: وين راكي رايحة ### ؟ سقسيتيني باش تخرجي ؟ قولي ؟ و زيد معامن ؟ مع وليد خالتك ؟
- اميرة : واش دخلك ؟ نتا كي تكون خارج تسقسيني؟ لالا؟ و لا كي تكون نتا برا نسقسيك معامن راك خارج ؟ مام هادي لالا؟ دونك غير مكلاه تبدا حكاياتك . يرحم في باباك .
- عبد المالك: انا راجل و نتي مرا . اوكي . و مدام راكي معايا دونك تقوليلي وين راكي رايحة فهمتي ؟
- اميرة : روح ترنك اوكي .
و كوبات عليه . اما هوا لي هبل . سباتو منبعد كوبات عليه . ولا يعيطلها و هيا والو .
- هيثم : طفي التيليفون. صدعلي راسي .
- اميرة: مام انا .
- هيثم : علاش قلتيلو روح ترنك ؟
- اميرة تحكي بصوت عبد المالك: انا راجل و نتي مرا . و مدام راكي معايا تقوليلي وين تروحي . فهمتي . يروح يرنك . عطاي . و عندي الوجه و الفم و يحكي معايا . كان جيت فبلاصتو منخرج قدام روحي لحياتي كومبلي .
- هيثم : و لوكان القائد روحك ظلمتيه ؟
- اميرة: مظلمتوش . راني متاكدة من هاد العفسة كيما اسمي .
- هيثم : نشاء منكونوش حنا الغالطين .
- اميرة : راني نقولك مراناش غالطين .
وقت و لحقو.  ڨارا هيثم الطونوبيل . و هبط هوا و اميرة . و دخلو . موراه بزوج دقايق ڨارا عبد المالك الطونوبيل . دخل مام هوا لقا روحو فنفس الريستورون لي قالو لأميرة . دخل يجري يحوس عليها مي ملقاهاش . ني هيا ني هيثم .
اما اميرة و عيصم لي هبطو يجرو و دخلو يجرو . راحو يجرو البيرو تاع مرزاق . لقاواه يشوف فالورق.
- مرزاق : طبطبو قبل .
- هيثم يلهث: معندناش وقت . اسمع مدلي المفتاح تاع الشومبرة تاع الكاميرا.
- مرزاق : علاش ؟
- اميرة : مرزاق خويا . حكاية موت و لا حياة والله .
- مرزاق : قولو علاش قبل ؟
- اميرة : دونك شوف . انا راني معا واحد و راني شاكة بلي راهو يخدع فيا هيا ماشي شك مي راني متاكدة بلي راهو يخدع . دونك انا عيطتلو البارح قالي راني فهاد الريستورون و زيد ريبوندات عليا طفلة مع اللول . منبعد اليوم صباح قاتلي ختو بلي ليل كومبلي يو هوا يحكي فتيليفون و ا زيد كان يحكي مع واحد و لا وحدة يقولولها نتلاقاو فوحد البلاصة . هادي الحكاية . دوك تمدلنا و لالا لالا. ؟
- مرزاق : صرعتيلي راسي . و زيد شكون هاد الطحان ( سمحولي على الكلمات مي) .
- هيثم : واحد اخطيك منو دوك و مدلنا المفتاح .
راح مرزاق للبيرو رفد المفتاح و مدهولهم . داوه و راحو يجرو لشومبرة . فتح هيثم الباب . دخلت اميرة و هوا موراها . غلقت الباب . قعدت اميرة فالكرسي و بدات ترجع.للبارح على 12 . قعدو مدة و هوما يشوفو حتى يوم لحقو كي دخل عبد المالك و هوا ....
🎥🎥🎥🎥🎥🎥🎥🎥🎥🎥🎥🎥🎥🎥
يتبع.....