على 4 راحو لبنات لدار سارة جابت لبستها و راحو لدار . راحت اميرة مع مريم لدارهم باش تجيب لبستها . و سارة و آية راحو لدار . دخلت اميرة مور مريم .
- مريم : واقيلا دار راهي فارغة .
- اميرة : واقيل . راهو سكات . حنا جامي متلقاي عندنا هاد السكات .
- مريم : هههه . امشي ندورك فالدار.
وراتلها ڨاع الدار بقات غير شومبرتها و شومبرة عبد المالك. لي جايين قدام بعضاهم.
- مريم : ادخلي نتي شوفي الشومبرة تاع عبدو و كي تكملي تلقايني فالشومبرة .
- اميرة : اوكي .
دخلت اميرة لشومبرة بلعقل . بدات دور فيها و تشوف حتى وين لقات فالقجر تصويرة حياة و عبد المالك كيف كيف . شافت فيها مليح منبعد خرجت تغلي. راحت عند مريم . لقاتها ترفد فالشارجور .
- مريم : هيا نروحو .
- اميرة : اوكي .
فتحو الباب باش يخرجو قابلهم عبد المالك داخل لدار . خزرت فيه اميرة خزرة تخوف . اما هو شاف فيها و خزر في ختو .
- عبد المالك: راكي رايحة دوك ؟
- مريم : اممم .
- عبد المالك: شكون يديرلنا العشاء ؟
- اميرة : دير وحدك و لا يديك مكسرين .
- عبد المالك: منعرفش نطيب .
- مريم. ؛ اشرو من برا .
- اميرة : خمم كيما ختك .
خزر في مريم و قاللها : مريم روحي لدار دوك شوية و تلحق بيك اميرة.
- اميرة : لالا متروحيش . استناي هنا .
خزرت فيهم و راحت وقفت تشوف في تيليفونها . اما عبد المالك دنا لأميرة .
- عبد المالك: وش بيك نتي معايا ؟
- اميرة : مبيا والو . زعما واش راح يكون بيا . اههه .
- عبد المالك: معمباليش سقسي روحك .
- اميرة : اخطيك مني انا . نتا راك اون كوبل ؟
- عبد المالك: ايه .
- اميرة : ماشي هداك النهار قتلي منيش اون كوبل .
- عبد المالك: لقيت وحدة تعجبني .
- اميرة: راك مع هديك الطفلة لي جيت معاها هديك الخطرة ؟
- عبد المالك: ايه . حياة .
- اميرة : اممم حياة. راك داير فيها كونفيونس ؟
- عبد المالك: اميرة وين راكي حابة توصلي بهدرتك هادي؟
- اميرة : والو جيست حبيت نعرف و دوك نقولك ربي يكملك معاها و نزيدلك عفسة ؟
- عبد المالك: وش كاين تان؟
- اميرة : مديرش فيها كونفيونس بزاف. و دوك باي. مريم أيا نروحو.
راحت و خلاتو حاير في هدرتها . اما هي راحت دخلو لدار . سلمت مريم على عيشة. .
- عيشة : اميرة راهي جاية خالتكم ؟
- اميرة : اما وحدة .؟
- عيشة : فتيحة .
خزرت فيها اميرة بشوك منبعد نطقت .
- اميرة : وحدها؟
- عيشة : قاتلي راح يجي معاها شوقي و هيثم .
- ضحكت اميرة و قالت : يسما يجو يجو .
- مريم : ماشي قالولنا منجوش .
خرجت سارة و آية من الكوزينة كانو مزالهم بلبستهم .
- سارة : ياو هادوك الشيطان ميقدرلهمش .
- آية : وي كيما قالت . وقتاش يجو ماما؟
- عيشة : دوك شوية يلحقو .
- سارة : دونك حنا نطلعو نبدلو و نهبطو نعاونوك عمتو.
- عيشة : مكالاه . راني دايرة رشتة . مريم كيفاش راهي يماك ؟
- مريم : مليحة . راحت عند خالتي ليوم باش تبات .
- عيشة : مليح . كي تجي ندير نهار و نعيطلكم تتعشاو عندي.
- مريم : هه اوكي طاطا .
هكاك و صونا الباب . راح امير ( خو اميرة و آية الصغير) فتح الباب لقا باباه ( حمد) و خالتو فتيحة و هيثم و شوقي . دخلو سلمو عليهم . حمد راح لشومبرتو و فتيحة راحت مع عيشة للكوزينة و. هيثم و شوقي قعدو فالصالون و البنات طلعو يبدلو .
بدلو و لبست اميرة هكا 👇👇👇
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
