_Page 47_
*TUKUICIN SO*💞
*NA*
*BILLY S FARI*💎
Sake da baki Abba yabi mahaifiyar tasa da kallo yana mamakin kalaman dake fitowa a bakinta, me take nufi da barewa bata gudu ɗan ta yayi rarrage?, Ina zancenta ya dosa daya ji tana faɗin an wofantar dashi tare da zubar da daraja da kima agabansa?, Shi fa kansa ya kulle duk me hakan ke nufi? Ya jerowa kansa duka wuɗannan tambayoyin cike da fargabar amsar da ƙwaƙwalwarsa ke shirin basa, saurin kauda tunanin dake shirin faɗo masa arai ya yi haɗe da miƙewa ya nufi cikin ɗakin,
Zaune ya isko Hajiya bakin gado tana ta rafkar kuka ya yi saurin ƙarasawa haɗe da duƙawa gaban ta ya ce,
"Haba Hajiya! Haba Hajiya! Yanzu fisabilillahi meye abun kuka akan wannan ƴar tambayar dana yimaka?, Wlh yaron can da gani bayada tarbiya shiyasa kika ga nakasa haƙura na yimaki magana, amma don ALLAH kiyi haƙuri"
"Usman tashi ka ficemun bana son ganin ka a halin yanzu, kuma ina tabbata maka matuƙar bazaka dena wannan bangare ɗabi'ar taka ta aibanta mutane da wulaƙanta su ba, to tabbas kana gab da nemana ka rasa saboda nagaji da tarin damuwoyi da matsaltsalun ka da kullum basa ƙarewa sai hauhawa"
"Wai meye ne Hajiya kike ta waɗan nan maganganu akaina?, Me nayi maki haka? Ko me kika nema awajena na hana maki?"
"Tambaya kake yi?, To kaje kayi tunani akai domin tarin laifukan ka yawa ne dasu ba ɗaya ba balle na tsaya sanar dakai su, a ɓangarena lokaci sai daɗa ƙurewa yakeyi haka shekaruna sai ƙara hauhawa sukeyi, ina so inyi amfani da ɗan sauran lokacin daya rage mani a duniya domin gyara kura kuraina, waɗan da son zuciya da biye maka da nayi suka sakani na aikata"
Miƙewa Abba yayi tare sakin ajiyar zuciya yana naɗe babbar rigar sa ya ce,
"Yanzu na gano bakin zaren, na fahimci abunda kike nufi Hajiya, amma ina so ki sani, in har abunda zuciyata da ƙwaƙwalwa ta ke faɗa mani gaskiya ne tofa har yanzu ina nan akan bakata kuma babu abunda zan sauya a ra'ayi na, a matsayin mu na musulmai babu mu ba jinin kafirai, waɗanda akoda yaushe ashirye suke da suga bayan mu, banda abunki ma me zamuyi da tubabba acikin zuri'ar mu?, To wlh indai ina raye hakan bazata taɓa faruwa ba, taje can ta ƙarasa ita da abunda ta haifa munbar mata, ina wannan shine kuskuren da kike tunanin mun aikata har kike ganin baƙina yanzu? Sannan wuɗancan yaran da suka fita suna da alaƙa da ita shiyasa kike nuna mun ɓacin ranki don na faɗi gaskiya?, kenan ita ta turosu don ta sake shigowa rayuwar mu su gurɓata mana zuri'a ita da kafirin ɗan nata data haifa, shi kenan, kafin tayi hakan zansa a binciko mani ita duk inda take don na ƙara jamata kunne da tayi nesa damu kamar yanda nayi a shekarun baya, idan kuma ba haka ba to zan sa a ɓatar mani dasu.." kafin ya rufe baki ya ji Hajiya ta ɗauke sa da wani irin zazzafan mari jikinta har tsima yakeyi saboda tsananin ɓacin rai da ɗacin kalamansa da suka dakar mata kunnuwa tamkar a mafarki, don sam batayi tsammanin taurin zuciyarsa yakai ya iya cewa zaisa a ɓatar masa da wani, cikin zafin rai ta ce,
"Tir da halinka Usman, ai kai ne kafirin ba ita ba ba kuma ɗan ta ba, kuma daga yau kada ka sake kafurta mani jika domin ina son abuna, sannan da kake zancen tubabbiya ai ƙwanda ita ta tubarwa ALLAH ta amshi Musulunci da tsaftatacciyar zuciya, kai fa? Kana musulmi ne kawai amma duka ɗabiun da kakeyi sun sha banban dana Musulmin ƙwarai, kuma ka kasa ganewa ka tubarwa ALLAH nka, na roƙi Sarkin halitta ɗaya gyara maka halaye da kuma ɗabiu kada su kaika ga dana sani tahar abada" ta goge hawayen da suka jiƙa mata fuska haɗe da nuna masa ƙofa tana ci gaba da cewa,
"Fita kabar mun gida bana son ganin ka, kuma in ka fasa sawa a ɓatar maka da ita baka haihu ba, ina nan ina jiranka ga fili ga mai doki, maza ka fita nace" ta ƙare zancen cikin ɗaga murya haɗe dasa hannu ta turasa, ganin yana ƙoƙarin yimata magana yasa ta juya masa baya don yasan halinsa, yanzu ne zai kalallameta da maganganun da zasu iya taunar mata da zuciya taji tausayin sa kuma sam bata buƙatar hakan a yanzu, burinta kawai ya chanja ya dawo mutumen kirki yanda komai zai gyaru a yanda take so kuma take buƙata a yanzu,
