للحب الساقي

-17-

البارت السابع عشر

روزا ابتسمت: ادري ع راحتي -وسحبت من ايدها الكتاب- وانتي يلاااا
مهرة تنحت: شو يلا؟
روزا: يلااا اجهزج بتروحين معاي تراج !
مهرة سكتت لثواني وبعدها قالت باحتقار: شووووووووووو؟ خسيييي اسيييييييير
روزا بوزت: نعم ! ليكون تتتوقعين بطيع شورج؟
مهرة رفعت حايب بغيض: اقوول ! رديني رديني السكن بس
روزا بعناد: بتييين يعني بتين
مهرة زفرت بضيق: روزا دخيلج اعتقيني ! ما اقدر اسير انا شرفي واسمي وعرضي ما يسمحون لي اسير هالاماكن فلو سمحتي يعني ممكن شوي تحترمين هالشي!
روزا سكتت لثواني وطالعت مهرة بنظرات مبهمة ... وبعدها ربعت بسرعه داخل حجرتها بزعل من كلام مهرة اللي اساسًا قالته بدون قصد !
مهرة توترت وحست باللي قالته جان تسير تربع ورا روزا
مهرة بلوم: روووزا ... رواضييي
وتمت ادق الباب بس ما سمعت صوت منها ! جان تحاول تفتح الباب وفتح وعلطول دخلت وشافت روزا تعق كعبها العالي وربعت صوبها بسرعة
مهرة: حللللفت عليييج يا روضووه ما تعقيينه
روزا رفعت نظرها وطالعتها بنفس النظرة المبهمة
مهرة كانت هالنظرات نقطة ضعفها ... حرفيًا ما تحب حد يطالعها جيه لانها تتلوم وايد
مهرة بنبرة مرتبكة: روزا والله هب قصدي ترا اني اهينج او أقول شي عنج !
روزا بنبرة باردة: لا عادي ...
مهرة بلعت ريقها: لا والله هب عادي ... وعشان اثبت لج انج فهمتيني غلط بيي معاج
روزا اول شي ما استوعبت كلام مهرة بس فجاءة توسعت عيونها ع الاخر
روزا: من صجج !
مهرة ابتسمت بارتباك: هييه والله
روزا وجنه الروح ردت لها علطول مسكت ايادي مهرة وقفزت: يسسس يسسس يسس فاينلي !
مهرة ضحكت: بس ترا ما بحط ميكب
روزا بحماس: لا تحاتيين مجهزة لج ماسك للعيون عشان ما احط لج ميكب
مهرة: بعددد مزهبه كل شي الغاليه !
روزا ضحكت: اكيييد اضبطج
ابتدت هنيه روزا تعدل مهرة بكل حماس وجنها وصلت لغايتها الليلة ...
لبستها ادرس اسود طويل مخصر بس بسبب جسمها الضئيل كان واسع وكانت ياقته تستر الرقبة وفيه خط ابيض شبه عريض فالنص من ياقة الادرس لين تحت... وعليه قطعة ثانية شرات الشال قطنيه وفيها ريش اسود ناااااعم ...
غطت ب التوربان الأسود شعرها وحاولو يسحبونه لجدام شوي عشان يغطي اذنها بعد ... لبستها الماسك اللي كان بس ع العيون وطبعًا ما تكون روزا اذا ما حطت لمساتها بالميكب !
رسمت كونتور على خد مهرة برز عظام ويها اكثر ولونت شفايفها بروج عنابي غامج ... ما رضت مهرة تلبس كعب فتمت بجوتيها السبورت اللي أصلا ما يبين تحت الادرس الطويل خاصة انه بعد لونه اسود
روزا طالعت مهرة بانتصار: يه يه يه شهالزيين !
مهرة: روزوه هب جنه الروج بالغتي فيه !

مهرة: روزوه هب جنه الروج بالغتي فيه !
روزا بوزت: بصفعج لو مسحتيه والله انه معطنج لوك فخم !
مهرة تنهدت: امرنا لله
روزا ردت ابتسمت: يلاااا نروووح البارتيي
مهرة: نروح نروح !
ظهرن اثنيناتهن وركبن سيارة روزا وتوجهن بالتحديد لفلة ذياب اللي هيه المكان اللي بيصير فيه البارتي !
كانت الفلة حرفيًا غيييييييير ... ذياب اثبت انه صدق صدق اشتغل ودفع عشان يغيير الفلة ويهيئها لهالمناسبه!
كانت الحديقة كلها منثور فيها اليقطين مع ممرات متشابكة غير شباك العناكب المنتشرة مع أشجار الخريف المرعب الخالية من الورق لانه اوراقها البرتقالية مالية ارجاء الحديقة وطرقاتها ...
يا غير انه قلب لون المسبح للون الاسووود وحاط على سطحه أوراق دائرية مالت الضفادع وشموع تطفو بعد على سطح المسبح اللي لون مايه تحول لاسود بعد كأنه مجرة او نفق عميق ... والبار طبعا كل ديكوراته تحولت لديكورات هالوين و كل أنواع المشروبات الكحولية والغير كحولية متوفرة ... وجدام البار وتقريبًا يعني قريب من المسرح فيه طاولات متوزعه سطحها على رسمة شبكة العنكبوت للضيوف ...
وداخل الفلة اول شي ع المدخل جمجمة عوده معلقة ع الباب وعلى الاطراف يقطين متوزع مع جرتين نار وخلفهم علطول مكتوب بخط عود عمودي trick وع العمود الثاني treat وتحت الجمجمة اللي ع الباب مكتوب or عشان تتوسط الكلمتين ...
كان حرفيًا صابغ كل اليدران باللون الأسود مع الإضاءة الخافتة المكان كان صدق يدب الخوف ويحسسك باجواء الهالوين المرعبة ...
اللوحات الهالوينيه والغامضه في ارجاء المكان غير انه شايل اغلب الديكورات العاديه والله يعلم وين وداهم ومعلق الاشباح البيضة في السقف مع العناكب الاصطناعيه اللي كل دقيقتين ينزلون ويردون لمكانهم !
والهياكل العظمية في التابوت موقفنهم بشكل عمودي على اغلب اطراف المكان ...
وكان حاط ستيييييييج عود وحذاله ستييج صغير حق الفرقة الموسيقية الصاخبة وشايلين البقعة باغانيهم ...
وفي وحده من الصالات المتداخله كان فيها البوفيه اللي يتميز بحلوياته *حالويات الهالوين* الغريبة مع الاكلات بشتى أنواعها الغربية والعربية
على هذا، الطابق اللي فوق ما شمل ديكورات الهالوين لكنه فتح كل الغرف الموجودة للضيوف وخاصة للعلاقات الحميمية اللي دايمًا تصير في حفلاتهم الغربية !
بس غرفته وغرف ربعه قفلهن ...
انذهلت مهرة من الديكور اللي شافته ... وانذهلت اكثر من الكم الهائل من الحضور ! يمكن نص الجامعة حاضرييين وكل حد فيهم ابدع بالستايلات من بنات وشباب وكان فيه تنوع كبييير صدق الغرب تفننو
مهرة تشبثت فروزا: رويض شو هالمكان صدقيني هاي هب فلة ذياب