للحب الساقي

-2-

البارت الثاني ...

حمدان حس براحة ويلس شويه قريب منها بس بعدها المسافه بينهم:واخيييرًا قلبج رضى علينا ! والله تولهت عليج وايييد ، كم أسبوع احينه هب شايفنج ؟
شيخة استحت:حمدان عاد !
وفي هاللحظة انفتح باب الحمام وظهر بوسالم وملامحه بتتفجر من العصبية
بو سالم:يالجلاااااااببب !
شيخة تروعت: عمييهه !
بوسالم: هيييهه عمج يالجلببة -يرفع صوته- قليلة ادب ، ياللي ماتستحين ع ويهج ، والله حرام تربية اهلكم فيكم ..
حمدان: عميييهه عيب عليك
بوسالم عصب زيادة: وانننتتتهه لكك وييه ترمسس بعععددد ! وهب اصغغر عيالك انا هنه عسب تعلمني العييببب
شيخة منزلة راسها وماترمس ابد ، وبوسالم بعده يهزبهم: خخخرااا عليييكممم ..
وهنه كلهم تيمعوا عليهم فالميلس ومحد عارف شسالفه و ليش بوسالم محتشر عليهم !
بو علي: عسى ماشر؟ ليش تصارخ؟
بو سالم: لاااا والله لييش اصاارخخ ! جووفوو عيااللكمم يالسين هنه ويتغزلون ببعض
وكلهم لفوا على شيخة لانها معروفة انها ماتسوي هالاشياء ...
بو حمدان: حمممدداننن ، عمك شو يقول ؟
حمدان: انتوا فاهمين كل شي غلط
بو سالم عصب زيادة: يعني شووه بتجذبنيي؟ ولا بتجذب اذني اللي سمعتكم ولا عيوني اللي شافتكمم !
بو علي وبنبرة صارمة: شيييخخة داخخلل بسرعة
شيخة ما رمست وعلى طول حمدة و وديمة راحوا عندها و ودوها وياهم فوق بحجرتها ...
بو حمدان: ياخويه انته هد وتعال الميلس خلنا نعرف اصل الموضوع
بو سالم: الموضوع نفس ما قلت لكم
بوحمدة: هد انته الحينه وتعال الميلس وخلنا نتفاهم ومايصير الا الخير ان شاءالله
راحوا الرياييل الميلس وكانوا الشباب متيمعين وكل واحد متوتر مايعرفون سبب الصراخ لي ما دخلوا الرياييل والجو متكهرب وخصوصاً انه بوسالم معصب وايد ...
بوحمدان: يلا انته اشرب ماي وخبرنا
بوسالم: ماريد ماي .. حمدان وشيخة لازم يتزوجون!
الكل انصدم وتم يطالع حمدان و بو سالم ، حمدان ماقدر يمسك نفسه: عميه ! مو أي شي جفته يعني لازم انته تبرره على كيفك اسمعني عالاقل
بوحمدان عصب: ححمممدددااانننن ! احتترم عمك عييبب
بو سالم: هاه شفتوا حتى ما يبي يعترف بغلطه
حمدان: اننااااا مماااغلللطططتت ولا شييخخة ... انتوا اسمعووننيي اوول
سالم: هدو هدو ، حمدان قول الصدق
حمدان تنرفز كنه يجذبونه: صحح انا وشيخة نحب بعض ونا ناوي اتزوجها بس مو الحيييننن !
بو علي: لااااا والله ، عيل متى ان شااءالله
سلطان: ترا لازم الولد يأسس نفسه ولازم يكون عنده مصروف و شغل عسب يقدر يصرف عليه وعلى حرمته
بوحمدان: سلطان انته خلك برا الموضوع
بو سالم: انا قلت كلمتي تتزوجها يعني تتزوجها ، ولا شو تبا يقولون عنا الناس هاه !

حمدان ضحك بإستفزاز: انتوا كل هذا هممكمم صحح ؟ الناس شو قالوا و الناس شو سوو ! انتوا متى بتفهمون انه كلام النااس ماااييهمننااا و خلوهم يقولون اللي يقولونههه
بو علي: بس انا مارضى يتكلمون عن بنتي
بو سالم: جان عيل عرفت تربيها عدل وما تختلي بولد عمها !
بو حمدة يحاول يهدي الوضع: يااا جماعة خلاص اللي صار طاف خلونا نتفاهم
بو علي: على شوه ان شاءالله بنتفاهم هاه !
علي: ابوية ، عمامي خلاص اصبروا خلونا نشوف راي الحريم بعد واهم شي راي شيخة هي اللي بتتزوج مب نحن
بو سالم: لو بتمشي على راي الحريم جان ما خلصنا
بو علي: يلا حمدان اشرح لنا الموضع ! شو السالفه
حمدان: كم مرة بقول ؟ تر احنا ما سوينا شي غلط
بو سالم: لااا والله كل هذا و ما سويتوا شي غلط؟ عيل شو الغلط دام هذا هب الغلط
بو حمدان: حمدانن خلاااص عاادد
حمدان: و قراركم الاخيير !
بوعلي: انته بتزوج شيخة وخلصنا
كل الشباب يعرفون وضع حمدان وشيخة بما انهم يحبون بعض من وهما يهال ف بعد اللي سووه عيب ...
حمدان عصب: هذا هب قراركم يعني شوه مانريد نتزوج غصب وبعدين الزواج قسمة و نصيب
بوعلي: يعني ماتريد شيخة وبس تلعب عليها !
بو حمدان متلوم واايد من بوعلي و بو سالم صح انهم خوانه بس وايد متلوم ومايعرف شو يقول والمشكلة انه حمدان يراددهم بعد ومايشوف نفسه غلطان وهذا قاهرنه لانه ما ربى عياله ع هالشي
بو سالم: هاه بو حمدان شو قررت ؟
بو حمدان بدون ي حية: والله انا ما كنت اريد جيه بس الموضوع زاد عن حده و كلام بو سالم صح
زايد ونهيان و سلطان وعلي و سالم كلهم انصدموا من قرار بوحمدان لانه يتفهم الأمور اول وعقب يقرر بس اليوم صدمهم بهالقرار !
حمدان صوته استوا اعلى: ابوووييييية !
بو حمدان فوّل: شوه ابوية شوهه؟ بعد ما نزلت راسي فالارض ! ولا بعد ما اختليت ببنت عمك و مب راضي بغلطك ولا شووهه خبببررننيييي
حمدان تم مصدوم اول مره ابوه جيه يكلمه وكان صدق معصب ، مب بس هو اللي انصدم كلهم وخصوصاً سلطان اللي اول مره يجوف ابوه بهالحالة
حمدان ببرود: حتى انته يا ابوية .. حتى انته ! ترا الحب هب حرام وانا بتزوجها بس اتريا أكون نفسي وافتح لي بيت روحي وهي تبا تخلص دراستها ولا لو مب جيه كنتوا بتشوفوني الحينه خاطبنها وماكنت بتريا حد ، بس انا صبرت عشانها لانها تبا تكمل دراستها ... انا فكرت فيها قبل لا افكر بعمري بس انتوا !
بو سالم: شو احنا شوه كمل !
بو علي: خلااص .. بنشوف الحريم الحينه بعد بس تأكد انه هالقرار بيستوي رضيتوا ولا انرضيتوا !


*في صالة الحريم*
ام سالم يالسة وهي تدعي انه مايستوي شي جايد لانها تعرف ريلها وتعرف اطباع بو سالم