للحب الساقي

-5-

البارت الخامس

*نرد عند موقع الحادث*
قبض التركشن وظهر من الموتر بما انه جامته كانت مفتوحة كاملة وانقلب اربع قلبات يدام عين علي !!
علي بسرعه فتح باب السيارة وربع صوب سلطان بخوف اخوي
علي زاعق بصوت عالي: سلطططااان سلطان انته بخير !
سلطان طالع علي بفهاوة لثواني قليلة بس بعدها اتفلتت منه ضحكة طويلة:انا بخير والله !
علي توسعت عينه بصدمة وقال بنبرة خايفة:شووه بخيير احينه بيغمى عليييك !
سلطان دز ايد علي عنه ورد ضحك:ششوه يغمى علييه خووز والله بخير
تم يطالع صبع ايده اليسار اللي فالنص كيف كان ينزل كامل ورد ضحك اقوى عن قبل
سلطان:دخيلك علوووي شوف صبعي اللي اصبع فيه شستوابه
علي يحس لأول مره يرمس حد هب صاحي جيه ، والخوف ياكله اكل ع الانسان الغريب اللي حذاله !
علي حاول يضبط اعصابه:سلططان انته شارب شي ؟
سلطان بلا مبالاة:لا حشى والله فوني وين؟
علي استغرب اكثر وزادت حيرته بس سار ياب له فونه وعطاه ، سلطان ابتسم من خاطره و دخل سناب تم يصور الموتر والشارع !
سلطان بحماس: يالربع عين م صلت ع النبي انكسرت يديه
علي عصب وقال بحزم:احيينه تبغي تصور سناب انته !
سلطان تجاهله وقلب كام الفون ع ويهه وابتسم بغباء: شوفو الوييه يالربع
وبعدين طرش الفيديو علطول قروب شباب العايلة والسناب اللي علطول ولع خاصة انه حمدان اول واحد شاف اللي طرشه سلطان واتصل فيه
سلطان رد وهو يضحك:هلا هلا اخوي
حمدان بخوف اخوي صادق:شوووه اللي صار سلطان !
سلطان ببرود:ماصار شي والله فصخ التاير وانقلبت اربع قلبات
حمدان انصعق:انتو وين !
علي في هاللحظة سحب الفون من عند سلطان وقال وهو يحاول يخفي ارتباكه: حمدان اخوك هب صاحي !
حمدان بدا يخاف اكثر ويتوتر: دق يا علي ع الإسعاف انته شوه تتريا
علي بسرعة:يلا يلا باي
سكر علي من حمدان ودق ع الإسعاف ، اما سلطان فوقف وسار يشوف موتره اللي الظاهر انه خلاص يقوله باي وكان زعلان ع موتره اكثر من انه زعلان ع نفسه !
في نفس هاللحظة وقفت سيارة ريال كان خاطف قريب من هالشارع
الريال نزل جامته وقال:خير خواني شو صاير !
سلطان ابتسم له:ماعليك اخويه دقينا ع الاسعاف خلاص الأمور طيبة
الريال حاول يستوعب هاه بلاه ... وقال بنبرة تخللتها الشك:انته شارب شي اخوي؟
سلطان علطول هلك من الضحك وعلي سار بسرعه صوب الريال لانه الظاهر فشلهم هالسلطان
علي قال وهو متلوم:سامحني اخوي هذا الحادث الظاهر ضرب فمخه
الريال بشهامة: انقلكم المستشفى انزين ؟!
علي ابتسم للريال: لا لا خلاص دقينا ع الإسعاف وان شاء الله خير ، مشكور اخويه

الريال ابتسم له:العفو ولو نحن في الخدمة
سار الريال وعلي بس يطالع سلطان وهو متروع ! فونه فجأه بدا يدق مليون مره شكله الخبر انتشر وزايغين بس تجاهلو كل المكالمات لين مرت ربع ساعة ووصل الإسعاف ونقلو سلطان لاقرب مستشفى ، ما كانت وايد وايد بعيده وبدو يتاكدون من كل شي فيه خاصة انهم خافو يكون فيه نزيف داخلي وهم مايدرون ! وبعدها نقلوه للحجرة


*نرد صوب بوسالم وحمدة*
وقفت حمدة بخوف لانه خالها ناوي نية شينة بنايف وهيه مثل الصنم متروعه وايد ! و بس خطفت عليها جملة بوسالم يوم رمس وقال انه عنده مزرعة هنه وعلطول يا فبالها سلامة .. محد غيرها بيسعدها دام هاي مزرعة ابوها واكيد تعرف وينها !
ربعت بأسرع ماعندها لين داخل الميلس وحاولت تكون هاديه وسارت لين شافتها هناك وما كان في مجال للتفكير علطول سارت ترمس بكل ثقة وهيه تتكتم على الخوف اللي في داخلها
حمدة بنبرة ود:سلامة حبيبي عادي اسألج ؟
سلامة طالعتها باستغراب بس قالت بسرعة: عيونيي !
حمدة وهيه تمنع الربكة تبان عليها: ممممم انتوا عندكم مزرعة هنه صح؟
سلامة سكتت شويه بعدين قالت: هيه بس هب فهالمنطقة فالمنطقة الثانية اللي صوبها علطول
حمدة ابتسمت: هييه حلو ، والله خاطريه اروح هناك ابوج توه يقول لي انها وايد حلوة وعوده
سلامة ابتسمت لحمدة: عادي بدليج تعالي ويايه
حمدة زاغت فبسرعه قالت: لا لا ماله داعي انتي دليني وانا بروح وبعطيج رايي فيها اذا نفس اللي تخيلته ولا لا !
سلامة ما كانت حاطه في بالها انه حمدة ممكن يكون وراها شي ... ودلت حمدة بطيب نية على مزرعتهم و حمدة من عرفت انسحبت انسحاب تكتيكي وراحت تربع لين ميلس الشباب ودخلته واللي استغربت منه انه مافي ولا حد!
بس ماهمها وحمدت ربها وراحت بسرعة تدور على كندورة وحصلت اصغر كندورة مع سفرتها ماتدري مال منوه بس شلتهم وربعت للصوب الثاني وشلت سويج سيارة البيدار وظهرت بدون محد يحس بها ...
وقفت السيارة على صوب ولبست الكندورة وفجت شعرها ودخلته تحت الكندورة وتلثمت عساس تغطي شعرها وملامح ويها ، وحركت لين مزرعة بوسالم الثانية ع حسب وصف سلامة لها ... وبعد ما وقفت بعيد شافت انه فيه ريالين برع وراحت من الصوب الثاني ومحد موجود ونزلت بسرعه وراحت بتنط من فوق اليدار ونطت الحمدلله بس تفاجأت باللي كانوا واقفين !!!!
تقربوا منها الرياييل وهم يبون يعرفون منوه اللي يعرف هالمزرعة وياي داخلها وبكل جرأة ! مع انها مزرعة بوسالم ومحد يدخلها يعني كيف هاه يدخل !
وحمدة من الزيغة ماعرفت شوه تسوي كل دقيقة يتقربون منها اكثر واكثر ولحد ما وصلوا صوبها وما صار بينهم غير خطوة جان حمده تصارخ بصوت عالي !