للحب الساقي

-21-

البارت الواحد والعشرين

*في نفس الوقت ... لكن في بيت بو مريم*

كانت منسدحه على شبريتها وتلعب في شعرها وهيه تراقب هالشخص من حساباتها الوهمية عشان صاحب الحساب مايعرفها ..

وهيه تراقبه لانها هيماااانه فييه بكل حذافيره .. حتى بخطاياه ولو انها مش هايمة فيه جان ما تقبلتهن وهيه عارفه انه بدا ينحرف عن مساره الا انها تبااه !

بالغلط همست بينها وبين نفسها : واايه فدييتك سلطاني

لكن في نفس الفيديو لمحت واحد تعرفه بس ماتعرف اذا هو ولا واحد يشبهه .. ردت الفيديو ودققت و انصدمت !

قلبها طاح مصدومة مستحيل لي تشوفه صدق !

نشت من ع الشبرية وركضت علطوووول صوب حجرة اختها مزنه وفجت الباب :

مزنه رفعت راسها مصدومة من دخولها المفاجئ: هوود هود .. بلاج ؟

امنه بصدمه: مزنوووووه شوفيييي !

مزنه استغربت اندفاع اختها بس ياها فضول ...

شافت الفيديو مع امنة لي عادته مرتين وانصدمت من اللي مع سلطان !!

حارب شو يسوي معاه ؟ وليش هو هناك ؟ وليش هو في مكان مشبوه؟ مش جنه باجر عرسه غير ان سكرااااان ويترنح فالفيديو !

امنه تتطالع اختها بصدمه: مزنووووووه شو بنسويي ؟؟؟؟

مزنه ساكته من الصدمه ابداً ماتوقعتها من حارب: اسكتي

امنه انصدمت اكثر من رده فعلها: شووووه ؟ كيييف نسكت كييف ؟ انتي مستوعبه انج بتاخذين سكيير و خميير ؟؟! ولا بعد تباني اسكت ..

مزنه ساكته وماتبي ترمس لانه لو رمست بتنفجر وهيه الغصه اللي في داخلها اكبر من انها تظهرها ..

امنه: انتي اختي توأمتي مستحيييييل ارضى بهالشي ، كييف تبييينييي اسكت ؟؟؟ هذا على أساس انه يباج ومن زمان و بيصونج و بيعززج و يكرمج وبيحطج ع راسه وفعينه !

مزنه ماتحملت اكثر و زاعقت على اختها اللي مالها خص باي شي: خلاااااااصصصص خلاااص امنوه خلاااص خلاص خلاااص -بدت تصيح من استوعبت- خلاص خلاص لا تقولين اكثر ...

لحظه صمت ! امنه ابد ماشافت مزنه بهالانهيار ، حتى يوم يوزوها لحارب ماصار بها جيه ..

مزنه بعدها تزاعق وتصيح: ليييييش لييييييييييش ليييش ! ... ليييش دووم يصير فيني جيه لييييييشش !!

امنه حست بعمق الجرح وحضنت اختها علطول: فدييييتج مزنوه فديييييت رووحححجج لا تسويين جيه

مزنه صاحت اكثر لما تذكرت انها كانت تبا مايد بس يوزوها حارب غصباً عنها: الحينه شو استفادوا .. شوووو اسستتفااااددووا شووووه شوووووووه !! انا باخذ سكييييير والله يسسستر شو بيستوييي يووم بعرس باجر .. -تمت تصيح على حالها-