للحب الساقي

-6-

البارت السادس

*في بوظبي وبالتحديد ملحق مايد*
كانوا يالسين الشباب وعافيسن الصالة ويلعبون ورقة وكالعادة حشرة وصريخ بس عشان اللعب .. ع أساس انها عزيمة لسلامة سلطان بس قلبوها قعدة بيت و وورقه ! ..
سلطان طالع كل الشباب ورفع حايب: وييت ويت مب جنها عزيمه سلامتي !
مايد بلا مبالاة: يابوي سييييرر نحن الحينه نلعب
منصور باندماج: اصبر اصبر بس قيم باقي
علي صارع: لااااااااااااااا افففف شوهالنححسس
مايد بوناسه: احححسسسسننن عيل اونه تنافسني
سلطان كان طفران صدق قال بضجر: قوموا قوموا خلونا نظهر والله مليت من البيت امايه ماتخليني اظهر
زايد وهو مندمج باللعب: يااخخيي سلطوونن
حمدان طالع اخوه بنظرة سريعه وضحك: لا والله صدقه هالمره امايه تتحسبه ياهل
نهيان طلع من المطبخ: انا يوعاان .. ميوود شوها ماشي اكل فمطبخك كيف عايش انته!!
مايد وهو يطالع أوراقه بتركيز حذر: المطبخ هناك مش هنه وبعدين انا عممك
سلطان طالع نهيان: قوم نطلع انا ونته بسس
زايد عق كروته وعدل يلسته: نعم وين تبون انا وياكم !
منصور طالعهم وابتسم: رييلي ع ريلكم
حمدان وهو عينه ع فونه وقال ببتسامه خبيثه: مب متفيق لكم الحب تترياني
مايد عطا حمدان نظرةاستخفافيه وقال بلا حيلة: امري لله بيي وياكم
طلعوا الشباب ورا بعض فسيارة وحدة وكان مايد اللي يسوق وحذاله منصور و ورا سلطان و زايد و نهيان وجوهم حماسي من الاخر ناسيين كل شي وراهم ..
اهم شي الأغاني اللي بصوت عالي ومنصور و نهيان يرزفون وهم يالسين و مايد يغني مع المغني بطري وحماس غير سلطان اللي يصور سنابات ويضحك ، مب مهتمين باي شي ثاني غير وناستهم في هاللحظة
نهيان وقف رزيف وطالعهم: ايييه انا ييووعااانن
منصور يقصر ع صوت الأغاني: تبون الصدق حتى انا
زايد باستياء من هالشباب اللي تفكيرهم في معدتهم: وانتوا كله يواعه
مايد وهو يعدل سفرته: وشو تبون حضرتكم ؟
سلطان وهو حاط ايده ع بطنه : عاد انا مشتهي اكل بحححررييي
نهيان عض شفايفه: ونا أبا اكل ههندي حاار من الخااطر
منصور عطاهم نظرة بعدين قال بعيلة: انا أبا مشاوي وحمص و تبولة
زايد حط ايده تحت ذقنه وطالعهم باستنكار: ويتشرطوون بععد !
مايد: زيود والله انته فاهمني
زايد ضحك وطالع مايد: اللي بالي بالك؟
مايد ضحك ضحكة شريرة: اكيييييد !
نهيان فهم عليهم: لاا تستههببللووونن !
سلطان يحس عمره ضايع بينهم: شسالفه؟
مايد بحماس: بأكلكم احححلى اكل فالعااالم
منصور ولأنه دال الدرب قال بنبرة لا مبالايه: هيه وااااضح انه احلى اكل فالعالم
مايد ضحك بهسترية وبين ضحكته قال: هييه والله بسكم شوه تبون اكثر 

مايد ضحك بهسترية وبين ضحكته قال: هييه والله بسكم شوه تبون اكثر !
سلطان مفهي: عن ششوووه ترمسوون انتوا
منصور ببرود: مافي لا اكل بحري ولا اكل لبناني ولا هندي شي براتا وجبن وفي كيما لو تبا
سلطان وزع نظرات صقرية عليهم كلهم وقال بتهكم: مااااالت عليييكم لو تام فالبيت وااايد اححسسن
زايد ضحك عليهم : شوو وايد تتشرطون انتوا
نهيان حاس بوزه: عالاقل كنتاكي ولا ماك مب براتا
مايد ببرود أعصاب ينرفز: اذا خلصتوا تحرطيم قولو شو تبون من المطعم
منصور طالع ربيعه: ها شكله مفلس عسب جيه
سلطان ضحك: هييه والله يبتها
بعد ما مايد طلب لهم وخذو الطلب راحوا عالبحر وقعدوا وتموا يشلّون ويغنون ويعدون قصايد بعد وغيرو جو فعلًا و الوناسه توب عندهم ..

*نرد للي فالمول..صوب حمدة*
...: حلو بيظهر عليج
لفت راسها وانصدمت منو اللي يرمسها بكل هالجرأة .. انرسمت شبه ابتسامه وانصدمت !!!
حمدة باستنكار: اننته شووه تسويي هنه ؟!!!
...: اترقب حبيبة سلطان اللي ماتدري عن حبيبها ومع منوه يطلع!
حمدة ما اعارت له انتباه: وانته شوه تبا خلاص حّل عني
نايف وبابتسامة صغيره: لا لا ماهقيتها منج .. كنت اتحسبج تعرفيني عدل!
حمدة بانزعاج واضح لنايف: ماعرفك ولا اتشرف اني اعرفك .. خوز عني
نايف لحقها بعد ما تخطته: ليش كل هالزعلل .. ترا امنه....
حمدة قاطعته علطول بنبرة عصبية متهكمة: مايخصك انته وبعدين كيف تعرف كل شي عني وشو اسوي و وين اروح وكل مره تظهر قبالي !!
نايف وقف وطالعها وابتسامه هادية مرسومه على ملامحه: سر المهنة مانقول نحن
حمدة طنشته ردت ع اتصال مهرة الللي دقت عليها في هاللحظات: هاه عيوني؟
مهرة بعصبية: وينج انتي ؟
حمدة بارتبارك: لا لاتيين انا بييج .. وينج؟
مهرة هدت في هاللحظه: تمام .. رايحه ستاربكس
حمدة: تمام دقايق واكون صوبج
حمدة هدت الادرس وراها وخلت نايف برايه ... وراحت لصوب ستاربكس عن اختها تفهم شي بما انها قوية الملاحظة ومهرة ما تتطوف عليها هالسوالف شرات سلامة او العنود ..
وهيه رايحة تمت تلتفت يمينها ويسارها تخاف نايف يلحقها ويفضحها يدام اختها بس اتطمنت انه مايحلقها وراحت صوب اختها علطول وطلبت لها وعقب ظهروا من المول وراحوا يتعشون فالمنتجع ..

*نرد صوب الشباب مرة ثانية*
بعد ما لمّوا اغراضهم من ع البحر و وصلوا بيت بو سالم دخلوا ملحق مايد ورتبوا المكان عالسريع وكل واحد خذ له زاوية و حطوا الفلم وكل واحد عنده اكله اللي هو عبارة عن سناكات للموفي ..
وبين اندماجهم مع الموفي ... رن فون سلطان وكانت حمدة متصلة ف سلطان !!