للحب الساقي

-22-

البارت الثاني والعشرين

*يوم الثلاثا ... الساعة عشر المسا*
جهزت وديمه الصينيه وتاكدت انها حطت كل شي وشلتها وصعدت لجناح شيخه وحمدان بما انه شيخة تعبانه وايد وما رامت تنزل ف هانت عليها اتم بليا عشا،
فتحت الباب ودخلت حجرتها و شافتها تعباااانه من الخاطر ويهها اصفر واضح عليها التعب حرفيًا ، قربت وديمه من شيخه ومسحت على ويها
وديمه بحنيه: فدييييتج شواخي شو بلاج؟
شيخه وهيه تكابر الألم لي تحس فيه: ماشي حبيبي بس عوار خفيف شرات كل مره
وديمه خافت عليها لانه ابدًا مش مبين انه طبيعي: لا فديتج بروح ازقر امايه وضعج مايبشر بالخير
شيخه مسكت ايد وديمه: لا تروحين ماعليج هالفتره كله جيه اصلًا
وديمه ماسمعتها و راحت لامها: امايه تعالي شوفي شواخ وايد تعبانه
ام حمدان توسعت عينها: واااايي ليكون بتربي تراه بعد كم يوم موعدها !
وديمه خافت: اماااايييه تعاليييي عن يصير بها شييي
ركضت ام حمدان ويا وديمه صوب جناح حمدان وشيخه و من دخلوا عليها شافوها تصارخ من الويع ..
ام حمدان تشتت: وييديييييييه شواااخ فدييتج خذي نفس خذي نفس .. -والتفت صوب وديمه- دقققييييي لاخوووج قوليييله حررممتتك بترربيييييي
وديمه متووووتره ماتعرف شو تسوي و تدق لاخوها بس مايرد عليها: امااااايه ماييرردد حمداااننن
ام حمدان عصبت عليها لانه شيخه خلاص الويع واصل حده: اتصصليييي ف ابووج واذا مارد روحي شغلي موترج مانروم نتريا اكثر عن جييه
وديمه شويه وبتصيح متنحه وماتعرف شو تسوي خصوصاً انها بتمر فهالموقف بعد شهور وهالشي خلاها تتوتر اكثر وترتبك ، دقت لابوها بس بعد فونه مغلق ومايرد وهنيه تذكرت انه ابوها مسافر الكويت يومين عشان دوامه جان تربع رغم انها حامل وسارت تلبس عباتها وزاعقت: امااايه لبسييها العباه بروح اشغل الموووتتررر
ام حمدان اول ماسمعت وديمه قالت جيه ربعت وخذت عباه شيخه ولبستها عالسريع ونزلتها شويه شويه من الاصنصيل و سدحتها ورا عريلها وتحاول تهديها و وديمه روحها متوتره وخااايفه ماتعرف شو تسوي و كيف تسوق بس الحمدلله وصلوا المستشفى بسلامه و علطوووووول نقلوها غرفه الولاده وكانن غيرها حرمتين و ثنيناتهن شرات حالها واخس ...مرت دقايق معدوده و الكل متوتر الحرمه الأولى بدت تصارخ و شيخه مستحيه ودها تصارخ بصوت عالي بس وايد تستحي وبدت تخاف من صريخ هالحرمه ..
الحرمه الأولى: دككتوووووووررررره .. ويييينننننننكممم اااااااااااايييي ويييينكمممممم !!
يت النيرس: انتظري انتظري الحينه بنوديج غرفه العمليات

يت النيرس: انتظري انتظري الحينه بنوديج غرفه العمليات
يو البقيه وسحبوا شبريتها و جان تصارخ الحرمه الثانيه: نيييييييييررسسس تعااالللييييييييي حووووووه .. ااايييي اااااااااخخخ اااا .. دكتوووووووور
شيخه زاااااااغت خافت ايي دورها و بدت تصيح من التوتر ، النيرس الأولى تبهدلت ماتدري تلحق عالحرمه الاولى ولا الحرمه الثانيه .. جان اييون طاقم ثاني من مكان ثاني مايخصه فالولاده و سحبوا شبريتها و ودوها الغرفه الثانيه مالت العمليات بس ما وحى لهم وجان تزاعق شيخه من الويع..
شيخه وهي تصيح: امااااااييييييه ... لاااا لااااا .. -تصيييييييح- ودووووووووووووممممم
وديمه دخلت من الزيغه من صريخها: هااااه فديييتتتجججج ؟؟؟
شيخه تصييح والدموع ع خدها: بريييييييييي ماتحمملل ودووووووممم
وديمه ظهرت برع و زاعقت متجنبه الرياييل: نيييييررررسس؟؟؟؟
النيرس من جهة مختلفه: يس ؟
وديمه عصبت: شوهاذااا الحرمه بتربي ونتوا ماتدرون عن الدنيا
حان تييها نيرس ثانيه: السموحه منك عندها ثلاث حوامل نفس الوقت والوضع مكتض هنيه
ام حمدان زاعقت: لاتسولفييييين روحي شووفيييها
النيرس زاغت و راحت علطول صوب شيخة اللي تحتاج لعملية قيصرية ولازم توقيع حمدان !
برع في استراحة النساء
كانت يالسه ع اعصابها مع أمها وادق من الصبح في اخوها حمدان بس مول ما يرد وطالبين حضوره ضروري عشان يوقع على ورقة العملية وحضرته محد !
وديمة بتوتر:ما يرد ما يرد مايرد ياربيييه !
ام حمدان روحها كانت مرتبكة: اتصلي اتصلي في عممج بو عليي ماشي فايده منه هالهرم
وديمة يت بدق ع عمها بو علي جان يرن فونها والمتصل كان حمدان علطول ردت عليه وانفجرت
وديمة: انتتتتتتتته وييييين!
حمدان باستغراب: الو مرحبا
وديمة قاطعته بعصبية: تعاااال وقققعععع الحينه
حمدان زاد استغرابه: أوقع ع شو! وقعت ع الأوراق اللي ابويه خلاهم لي قبل لا يسافر الكويت
وديمة خاطرها تصفعه لانها هيه وين وهو وين
وديمة شوي وبتصيح: تعاللل شواااخ بتربيييي بس لازم توقع ع العملية القيصرية عشان تربي
حمدان توسعت عيونه بصدمة: شوووووووو! انا الحينه ياي أي مستشفى انتووو!
وديمة قالت له المستشفى و خلال دقايق حضر حمدان لي علطول سار يوقع ودخلو شيخة غرفة العمليات وتأخرو هناك ما خلصت العملية بسرعة
حمدان رفع راسه و تم يدلك يبهته: ياخيي طولوو
ام حمدان: اصبببرر يا حمدان اصبر ...
وديمة: اخببر عمي بو علي وحرمته؟
ام حمدان قاطعتها: لا لا لا ! اصبري لييين تربي شواخ بالسلامة وبعدها خبريهم ... واحس لو ما نخبرهم احسن شوفي الوقت وايد متأخر بنخبصهم ويانا !