صوت المنبه وهو يرن للمرة الثالثة على التوالي..قفلته بتأفف ورجعت غمضت عيونها لكن بعد خمس دقايق رجع يدق معكر مزاجها.. بدأ الصداع يتسلل ويداهم راسها بسبب قلة نومها في الفترة الآخيرة
ضربت يدينها فوق اللحاف بانزعاج " اف ياربي مالي خلق للدوام بالمرة"
نزلت من سريرها الدافي والوثير الي يحتضن جسمها الصغير بكبره وسعته الي تكفي شخصين بحجمها
مشت بالغرفة المظلمة وهي ماتشوف دربها وطاحت فوق شنطتها الوردية الي اشترته امس .. مسحت بكف يدها على ساقها تخفف الالم وبمحاولة انها تكبت غضبها
لفت راسها على السرير وتنهدت .. كلها لهفة ترمي جسدها فوق السرير وترجع تنام تمتمت وهي تزفر " مسؤوليات الحياة صعبة " واتجهت للحمام
ومع دخولها انفتحت الإضاءة وناظرت لنفسها بالمرايا وهي مفتونة بجمالها
عيونها البنية الي تعشقها وتفتن كل من شافها لون بشرتها البيضاء الصافية ونعومته
شعرها الي يوصل لخصرها النحيل ومغطي على كل ظهرها من طوله وكثافته
شفايفها المرسومة والمليانة وغمازتها الي بخدها اليسار وقوامها الممشوق والرفيع
ختمتها ببوسة طايرة لنفسها عالمراية "روقت اه يالله شكثر انا اجنن"
اخذت لها شاور عالسريع وطلعت
دخلت غرفة ملابسها وراحت عند تسريحتها وبدأت تتجهز عالسريع وحطت قلوس خفيف وبلشر وردي ومسكرا وسوت شعرها ويفي ولبست لبس المدرسة ونزلت تحت
نزلت من الدرج وراحت تشيك على نفسها بالمراية الي بالممر فاجئتها وجد الي وقفت من وراها وضمتها وباست خدها
ابتسمت لها ملاذ ورجعت ضمتها وهي تضحك على حركات وجد الي دايم تغرقها بحنانها ولطفها
ناظرتها وجد بنظرات حنونة ونطقت بتساؤل "ليش صاحية بدري ؟"
التفتت ملاذ لوجد وابتسمت" صحيت اليوم بدري لأني مروقة مو لأنه المنبه أزعجني"
بادلتها الابتسامة وهي تعبث بخصلات شعر ملاذ "يارب انك دايم مروقة واشوفك ابتسامتك كل صباح "
نزلوا لتحت وشافوا فطورهم جاهز
كارمن كانت تسكب العصير .. رفعت نظرها وشافتهم واقفين عند الدرج ابتسمت ونطقت بنبرة هادية" الفطور جاهز "
تزامنًا مع جلوسهم نزلت كيان من الدرج ونطقت بعصبية "يلعن ام الحالة ذي "ووجهت نظراتها الحاة اتجاه وجد الي مااهتمت وكملت فطورها بهدوء
"شفيك عسى ماشر" نطقت وجد بلا مبالاة وهي عارفة سبب عصبية كيان
وبنبرة حادة ردت كيان عليها "مسوية ماتعرفين وانتِ كل مرة تفضين فيها وترجعين من سفراتك الرايقة تستقعدين لماكينة شعري ابي اسوي ستايل جديد لأول يوم يعني شلون ؟ وليش تخبينه عني!
"اولًا سفراتي الي تقولين عنها رايقة هي الي معيشتنا بالعز هذا ولا ناسية اننا كنا بنفلس وثانيًا ستايل جديد ؟ هو بقى فيك شعر صرتي صلعة وش تبين تحلقين اكثر من كذا " ردت وجد بكل استفزاز وبرود لكيان الي ظلت تزفر بعصبية
مسكت كيان راسها وتتحسست ملمس جذور شعرها وجوانبه الي يوخز اصابعها ولوت فمها وتنهدت بقلة حيل
كيان ردت بنبرة ترجي تحاول تستعطف فيها وجد "بس ابي اعدل من تحت واحكه زيادة"
وجد بهدوء " كيان اولًا مظهرك مايناسب كطالبة جامعية وثانيًا مظهرك ولون صبغتك فقعت لي عيوني"
كيان بابتسامة " افا مفروض اكون حلوة بعيونك بكل حالاتي " كملت كلامها برجاء " قاهرني شكلي ابغى اعدله تكفين!"
ملاذ وهي تطالع بدرامة كيان الي متعودة عليها كل صباح ورجعت تناظر وجد بنظرات بريئة والي محد يقاومه "وجدِي بليز اعطيها شوفيها كيف تحزن لاتكسري بخاطرها"
وجد هزت راسها بتسليك لكيان ونطقت بتهديد "شوفي كيان اذا ما عدلتِ من تصرفاتك بالجامعة وهروبك من المحاضرات بسوي ألعن من كذا وبحرمك من حاجات كثيرة "
كيان وعيونها تلمع فرحة " وربي مابسوي شيء قوي السنة هذي معليك"
أنت تقرأ
ملَاذ
Romanceخلـني أشوفك في قتام حياتي نجمتي خلِ قلبك لي ملاذ آمن ما أدور غيــره ... صرت ألاقي في صوتك ملاذًا لمخاوفي. مثلية gxg عامية ملاحظة .. اي تشابه في بعض الأفكار من محض الصدفة.
