ملَاذ

P12

"وكأنها الجنة وانا كل التائبين للدخول اليها"

قراءة ممتعة..

كانوا جالسين بالساحة يذاكرون قبل موعد الإختبار بساعة
رواد قفلت الكتاب ووقفت "اقسم بالله مو حياة هذي قاعدين نذاكر للاختبار كننا دوافير"
ميرال قفلت الكتاب وراها ووقفت جنب رواد"اتفق معك انا مش دافورة فقررت مااذاكر"
رواد عطتها هاي فايف"كفو عليك انتِ توأمي الحقيقية مو زي بعض الناس"انهت كلامها مناظرة ارواد بمكر
ارواد"لو صرت غنية وتوظفت لاتجين عندي تبكين عشان الفلوس"
رواد"جحدتني!"
ميرال"معليك انا بصرف عليك"
ارواد طالعت فيها من فوق لتحت "انتِ جحدتيني اول تقولين لميرال توأمك الحقيقية"

ملاذ حطت يدها بأذنها وبصراخ"بس بس خلوني اذاكر"
سدن وهي تقلب الصفحات"ملاذ غريبة مو مذاكرة كالعادة"
ميرال رجعت جلست"ووش سالفة الشاش الي عرقبتك"
ملاذ لا ارادي مسكت رقبتها..الاثار مو كثيرة مرة وخفت حيل بس ملاذ خايفة احد يشوفه
ارواد "هي تجيها اثار حمراء وماتدري من شنو قلت لها من الجني العاشق مو مصدقتني"
ملاذ نزلت راسها عالكتاب بتوتر كانت خايفة يقفطونها"لامو جني عاشق فيني حساسية"
سدن"ارواد لا تخرطين علينا شلون جني عاشق"

رواد جلست قدام ملاذ وباستقعاد "وريني  ابي اشوف"
ملاذ بتوتر"لا حطيت لها مرهم وتعورني"
ميرال طالعت فيها بشك"مو طبيعية هذي الأيام انتِ"
ملاذ قامت من عندهم وبتأفف"متى كنت طبيعية بنظركم لكم شهرين ترددون نفس الكلام "
رواد ببرائة"وش قلنا عشان تنفس"
ارواد "من حقها تعصب نشبتوا لها بحلقها"
ميرال "طالعة منها انتِ"
ارواد تطلع لسانها"اي"

--------

دخلت الشركة بإبتسامة واسعة صبحت على الموظفين المصدومين من روقانها ..
سامنثا وبيدها الملفات كانت تمشي وراها تعطيها الجوال عشان ترد على مكالمة
رغد كانت جالسة عالرسبشن وقدامها شوق تتكلم معها وبيدها كوب قهوة سوداء .. لابسة تنورة مزركشة وردية شفافة تظهر ساقها عكس ملابسها الرسمية الي لبستها بمقابلة العمل..سرحت شعرها وحطت ميك اب ناعم زادها لطافةً وانوثة

رغد حطت يدها عخدها تطالع بوجد"تتوقعين بعلاقة؟"
شوق حركت كوب القهوة بيدها"من تقصدين؟"
رغد كانت تتأمل وجد الواقفة عند المصعد "وجد من غيرها"
اخذت شوق رشفة من قهوتها"اعتقد لا .. من شخصيتها واضح انها مهتمة بشغلها يعني مو لاقية وقت حتى للعلاقات والحب"
رغد بهمس"تتوقعين عندنا فرصة"
شوق" احنا مو متأكدين اذا ميولها بنات"
رغد رجعت تتأمل وجد " شوفي لبسها وكاريزمتها واضح احس انها ليزبيان"
شوق بهدوء"مستحيل شخص مثلها يلتفت لنا نحنا تحت تحت مرة وهي فوق فوق مرة"

رغد حركت لسانها بداخل فمها وبنكران"ممكن فيه فرصة لا تكوني متشائمة كذا .. الحب يزورك فجأة"
شوق"همم ممكن صح بس خلينا نكون واقعيين واتركينا من خيالاتك هذي"
رغد طنشت كلامها"شفتي لما صبحت علينا اهخخخ تجنن .. انا خفت من مزاجها الحاد طلع كله اشاعات"
شوق التفتت لها "مافهمت اشاعات ايش"
رغد"سمعت من احمد انه دايم تكون معصبة منهم و طباعها حادة "
شوق ترفع كتفها"يمكن مزاجية"