افتقدت تعليقات البعض منكم بالبارت السابق):
"رغم خوفي من الحُب حبيتك"
قراءة ممتعة حُلواتي..
مرت ثلاث شهور .. كيان رجعت لبيتها و وجد ماسألتها ولا حسستها انها تعرف بموضوع ادمانها كانت تنتظر منها تقول لها من نفسها
وجد عرفت تنها تعالجت وعشان كذا ماتدخلت بالموضوع كثير ..
وجد وملاذ علاقتهم صارت اقوى ومافيها اي مشاكل
ووجد صارت رسمية شوي مع كيان..
وكيان صارت ماتعارض كلام وجد وصارت هادية بشكل غريب
وصلت الجامعة و ابتسمت بسخرية وهي تطالع عالبنات وبزوايا المبنى
"ناشبة اطلع من المركز عشان اقابل وجيه تسد النفس والرزق"
انمار شافتها وراحت لها .. حاوطت ذراعها بكتف كيان
"لك وحشة توقعت مابشتاق لك"
كيان لفت عليها"دارية تقطعتوا من الشوق عشاني"
انمار طالعت عليها وبعدت عنها شوي "وربي جسمك ووجهك صاير يخقق اختفيتِ ورجعتِ لنا كنك مودل"
انمار ماتدري انه كيان نحفت ووجها وعظام فكها برز بسبب الادمان وفقدانها للشهية..بس تهاني عطتها نظام غذائي وادوية فيتامينات عشان وجهها يكون حيوي ومشرق ومحد يشك
كيان بغرور"ادري اني اجنن وبنظرة مني اخلي بنات الجامعة بحضني"
انمار بسخرية"صح صرتِ احلى بس الشخصية خرا نفس ماهي"
كيان ابتسمت بثقة " وهذا الي يميزني مااتغير بس ماحزرتِ في انه شخصيتي خرا"
انمار كانت تمشي جنبها"ايوا كيف كانت السفرة "
كيان بغمزة "حلو كثير"
انمار ردت بضحكة"من الغمزة واضح فيه حركات وبركات..كم بنت بالله اصدميني "
كيان "يمكن بنت وحدة بس مو بنات كثر"
انمار اشرت عليها باصبعها من فوق لتحت"انتِ مع بنت وحدة بس معقولة؟"
كيان التفتت بالممرات وكانها تدور على شخص"وين البقية"
انمار عرفت انها تدور على كادي وردت"البقية قصدك منو شلتك حقت الجامعة؟"
كيان"يب"
انمار"تلاقينهم جالسين بنادي كرة السلة تجين؟"
كيان"يلا مشينا"
دخلوا الملعب و انمار لوحت من بعيد لكادي "شوفي من شرف واخيرًا داوم"
كادي كانت واقفة قدام ليم وتضبط لها ربطة شعرها لأنها كانت بالملعب تتدرب عالمباراة
ليم باست خد كادي "اذا خلصتِ منهم تعالي لي"
كيان كانت تطالع فيهم باستهزاء وحاطة ايدها بجيوبها..كادي مشت عندهم بخجل بسبب ليم الي باستها قدامهم
كادي طالعت بكيان بانبهار وقلبها نبض بقوة من تغير ستايلها و شعرها وكل شيء .. كانت مشتاقة لها حيل
تغيرت ملامحها وصارت حادة اكثر ونحفت وجسمها صار فيه شوية عضل بسبب ضياء الي غصبتها تتمرن معها .. قصت شعرها وحكته اكثر من الجوانب
كادي طالعت بكيان بصدمة"كأنك زعيمة عصابة"
كيان ويدها بجيب بنطلونها .. نطقت بضحكة" أنمار قالت عني مودل عديتها لها بس زعيمة عصابة اغرب تعليق جاني"
انمار تطالع فيهم الاثنين صارو رسميين مع بعض وكأنه كادي رسمت حدود وبنت حواجز بعلاقتها مع كيان
كادي "كيف كانت السفرة ان شاء الله انبسطتِ؟"
أنت تقرأ
ملَاذ
Romanceخلـني أشوفك في قتام حياتي نجمتي خلِ قلبك لي ملاذ آمن ما أدور غيــره ... صرت ألاقي في صوتك ملاذًا لمخاوفي. مثلية gxg عامية ملاحظة .. اي تشابه في بعض الأفكار من محض الصدفة.
