ملَاذ

P17

قراءة ممتعة حلواتي..

_________

عطرك اللي على عنقك يجيب الويل.

منسدحة فوق سريرها وتبكي من ساعتين..امها تدخل كلشوي غرفتها تتطمن عليها بس سدن كانت مطنشة مالها نفس تقابل احد .. كانت متنرفزة ومعصبة وزعلانة ومتضايقة ومشاعر كثيرة تحس فيه بنفس الوقت وتراكمات كثيرة بقلبها على حاجات كانت تسكت عنها ومن اهلها
"ابفهم وش سبب بكائك وليه حالك انقلب كذا" نطقت ريَان مكتفة يدينها واقفة عند باب غرفتها
سدن قامت بسرعة من سدحتها ومسحت عيونها وريَان قفلت باب غرفتها بالمفتاح وراحت لها
" اششش خلاص انا هنا " ريَان حاولت تهديها ..مسحت على شعرها وباس خدها

سدن طالعت فيها بصدمة"كيف جيتِ بيتي وامي كيف سمحت لك تدخلين غرفتي؟"
ريَان حاوطتها بجسمها وحضنتها "مو قلت لك ابي اخطفك.."
سدن خبت نفسها بحضن ريان اكثر"خذيني من هنا احس بكتمة"
ريَان تهديها" حاضر يقلب ريان"
سدن عدلت شعرها"دخلتِ فجأة وشفتيني بأسوء حالاتي"
ريَان بعثرت شعرها"بكل حالاتك حلوة بعيوني"

سدن بعبوس"خربتِ شعري"
ريَان بابتسامة "هو من اول خربان"
سدن بعناد " لا عدلته من شوي"
ريَان"تعالي اسوي لك شعرك واعدله"
سدن قامت تجيب المشط وقعدت قدام ريَان..اخذت المشط منها وسرحت شعرها
كانت تمسك شعرها برقة وتعامل سدن وكأنها اغلى شيء عندها وبينكسر

ريَان التفتت على سدن " خلصنا أميرتي"
سدن رجعت ارتمت بأحضانها"اسفة لأني عصبت عليك "
ريَان مسكت يدها" ماقلتِ لي ليه كنتِ تبكين ومن ضايقك؟"
سدن"نفسيتي فجأة قلبت ومن امس كنت انتظرك تردين وبالمدرسة صارت هوشة لصحباتي مع بنات  وامي راحت المدرسة وهاوشتني بالسيارة وقالت تبي تنقلني لمدرسة ثانية بسبب المشكلة ذي وكمان سبب ثاني "
ريان"وش هو؟"
سدن نطقت بدلع" انك بترجعين امريكا"
ريان" ومن قال لك اني برجع "
سدن"انتِ قلتِ بتقعدين بس شهر"

ريان " اخذت اجازة من شغلي لشهور ابي املي عيوني بشوفتك لأطول فترة"
سدن ابتسمت بوسع ونطقت بصوت عالي" احبببككككك"
ريان باست خدها" اعشقك" وتسألها بهدوء "وزعلانة لأنك بتنقلين؟"
سدن هزت راسها " لها فترة تقول تبي تنقلني واني مااهتم لدروسي وبعد الهوشة وفصلي لأسبوع من المدرسة قررت خلاص"
ريان"لا تشغلي بالك امك وتقدرين تغيرين رأيها "
سدن ميلت فمها"اممم صح ممكن هي بس تهدد عشان تخوفني"
ريان" كنتِ تسألين ليه اتحملك وما أعصب عليك ولا اهاوشك؟"
سدن حطت يدها بوجهها " انسي رياااان كنت متضايقة"

ريان باست يد سدن " لأني ابغاكِ تفضفضين لي دايم وابغاكِ معي دايم "
سدن " يعني؟"
ريان" لو هاوشتك وعصبت عليك بتسكتين ومابتكملين فضفضتك ولا بتجيني بوقت ضيقتك .. وبكل مرة تحسين نفسك متضايقة اهربي عندي "
سدن باست رقبة ريان" بس بتعبك معاي كذا "
ريان قربت منها" احلى تعب يجيني من عندك"
سدن " طيب قولي لي كيف اقنعتِ امي ودخلتِ غرفتي وكيف صدقتك؟"
ريَان ترفع رفعت " قلت لها اني قريبة وحدة من صحباتك وجاية اخذك لبيتها"
سدن كانت ترمش بسرعة من الصدمة" وامي صدقتك؟"
ريَان " امك سولفت معها وسألتني وش اشتغل وكم عمري سوت معي تحقيق ولما عرفت اني دكتورة  خلتني افحصها بعد"
سدن قلبت عينها من حركات امها" دايم كذا هي يهمها المنصب.. اكيد بتصدقك دامك دكتورة"
ريان"نقضيها سوالف بغرفتك ولا نطلعك لمكان حلو ينسيك الضيقة وكل مافيها"
سدن "وجودك معي ينسيني الدنيا وضيقته وكل مافيها حبيبي"