"حيرتني بين وصلها وفرقاها
مدري تبي غيري ولا تبيني"
قراءة ممتعة..
دخلت البيت بدرعمة مو قاعدة تشوف شيء قدامها .. صعدت الدرج بخطوات سريعة ماتدري وش سبب عصبيتها قاعدة تقاوم ماتنحر شاد بيدينها
شافت ملاذ وصحباتها جالسين بالغرفة الي معتادين يجلسون فيها كلمرة يجونهم
ملاذ شافت كيان واقفة عند الغرفة .. نطقت بصوت عالي"غريبة راجعة بدري اليوم هاه"
كيان مررت نظرها عليهم وردت بهدوء عكس المعتاد "الحفلة كانت تطفش ورجعت"
ملاذ باستغراب من حال اختها "طيب تاكلين معنا ولاتعشيتِ؟"
كيان"مالي نفس ابد"
ملاذ"يعني مو ماكلة؟"
كيان صعدت الدرج وبصوت عالي"لا ماابي" دخلت غرفتها واخذت من فوق الكرسي باكيت دخانها وطلعت لحديقة بيتهم
حبة ورا حبة تدخن مافي شيء يطفي غضبها ويخمده .. مسكت الدخان بيدها وحرقت اصابعها ببرود"عقابي لنفسي" تمتمت بينها وبين نفسها بحسرة
رواد" وشفيها اختك معصبة وقالبة الدنيا والبيت فوق وتحت"
ملاذ رفعت كتفها بمعنى مااعرف ورجعت كملت اكل
سدن"بنات خلونا نشغل فلم"
ارواد"لا ماابي فلم ابي انمي"
ملاذ"خلاص نصوت من يبي فلم ومن يبي انمي؟ انا بختار انمي"
ميرال"انا بختار فلم"
رواد طالعت على ارواد الي كانت تهددها"ااممم انا بختار فلم"
ميرال رفعت حاجبها بإستغراب"مو انتِ تحبين الأفلام؟"
رواد باستفزاز"قررت الحين احب الأنمي" وتنزل رأسها بمستوى ميرال بحكم انها اقصر منها "ولاتكلميني مو كلمرة نتهاوش فيها ترجعين تكلميني طبيعي ولا كأنه حصل بيننا شيء"
ميرال بصدمة"الحين الي صار قبل شوي تحسبينه هوشة؟ بعدين انتِ الغلطانة مو انا"
رواد طالعت بعيون ميرال "ايي اعتبرها هوشة"
سدن "ممكن افهم انتوا ليه علاقتكم كذا تتهاوشون وبعدين مدري انتوا غريبين!"
ميرال تكتفت بزعل"بروح البيت"
"بالليل الحين مع منو تروحين؟ خليك!"
ملاذ لفت لرواد وزفرت "رواد شفيك عليها؟"
ارواد"صادقة رواد خلاص السالفة ماتسوا"
رواد بحدة " يالله شفيكم!"
ميرال طالعت الأرض ولا قالت شيءو رواد راحت جلست جمبها"امزح تعرفيني احب اتغشمر وياك"
ميرال بزعل"وخري عني قهرتيني مرة"
ارواد نطت بينهم بالوسط"ماعاش الي يقهرك يعمري"
رواد بشهقة ونطقت بدرامية"يعني انا اموت؟"
سدن ردت عليها بضحكة"كويس عارفة انها تقصدك"
ميرال ردت بابتسامة "ترا بزعل عليك لو عدتيها مزحك بايخ ويلا نتفرج"
وفي الصباح راحوا كلهم بيوتهم عشان يتجهزون للدوامات
ملاذ رسلت بقروبهم"شرايكم نسحب والله ماكفاني النوم"
سدن"حتى انا بس توه اول الأسابيع ومن الحين نسحب؟بنودع درجاتنا"
ميرال"انا قاعدة احط ميك اب خلونا نفتح كام"
ارواد"لا يكفي اشوف خشوشكم بالمدرسة واصبح عليها ماابي الحين بعد"
ملاذ"حظه فوق مرة فوق الي يصبح علي اول مايصحى"
رواد"زي نياد علينا الحصة الأولى"
ملاذ قرأت الرسالة وغصت بالحليب الي تشربه.. طالعت بشكلها في المراية
هالاتها وبشرتها الي تحسه فجأة صار مو حلو وشعرها المنكوش
قفلت جوالها ورمته فوق السرير"قرقرقتهم مافادتني بشيء"
بدت تستشور شعرها وسوته كيرلي
رسمت ايلاينر وحطت وروج وردي وبلشر خفيف .. فتحت جوالها ودخلت سناب وبدت تتصور وتتميلح
كيان كانت واقفة عند باب الغرفة تطالع فيها بملل"هيه ملاذوه اخلصي علي السواق برا"
ملاذ بخوف "وجع طلعي صوت ونتي داخلة خرعتيني"
كيان"تبغيني ارقص سامري وأنا داخلة لغرفتك؟"
ملاذ اخذت شنطتها وردت"افف ماقلت كذا"
أنت تقرأ
ملَاذ
Romanceخلـني أشوفك في قتام حياتي نجمتي خلِ قلبك لي ملاذ آمن ما أدور غيــره ... صرت ألاقي في صوتك ملاذًا لمخاوفي. مثلية gxg عامية ملاحظة .. اي تشابه في بعض الأفكار من محض الصدفة.
