"أودُ تقبيلكِ بشدةٍ حتى ترتخي مفاصلكِ بين يداي..
أن أسحب روحكِ نحو فمي."
قراءة ممتعة*
وقفت قدام البوابة تنتظر السواق وتأففت بملل"كالعادة بيتأخر اكيد لازم اخلي وجد تهاوشه"
طلعت برا المدرسة .. شافت السيارات الرايحة والجاية ولمحت سيارة وجد جاية صوبها..اخذت شنطتها وركبت
وجد كانت جالسة ورا وبيدها ايبادها وتتكلم بالجوال ملاذ طالعت فيها وبتفاصيل ماكانت تركز عليه من قبل..شعرها ولون بشرتها وعيونها الرمادية وعروق يدها واصابعها الطويلة والنحيفة.. فكها الحاد عرض اكتافها وكاريزمتها الطاغية وقد ايش هي مهتمة بشغلها كل شيء فيها كان فخم..
وجد مدت لها مرهم"حطيه برقبتك"
كانت ملاذ مفهية تطالع فيها بس تداركت الوضع واخذت المرهم منها وحطته بالشنطة
ملاذ"اذا رجعت البيت بحط"
وجد مسكت رقبتها "بس كأنها خفت "
ملاذ طالعت من المراية الصغيرة"اوه مرة خفت .. ارواد تقول العلامات هذي من الجني العاشق"
وجد بضحكة"وليه جني عاشق يمكن بشري عاشق"
ملاذ بشهقة حطت يدها بقلبها"يمههه"
وجد بخوف"بسم الله عليك يروحي شفيك شهقتِ كذا"
ملاذ "يعني حرامي دخل بيتنا اذا طلع بشري عاشق"
وجد حطت يدها بعيونها تضحك على فهاوة ملاذ
وبصوت خفيف"لو بس تركز شوي"
ملاذ قربت عندها شوي وجلسن بحضنها"شنو وش تقولين"
وجد لفت عليها وباست خدها وعضت خشمها برقة"ولا شيء يقلبي"
ملاذ جمدت من حركة وجد
وجد رجعت باست خدها"ابوسك عشان تصحصين من فهاوتك"
ملاذ مسكت خدها ونزلت راسها بخجل"ههههههههه كنت افكر بسالفة الجني"
وجد "مصدقة انه جني"
ظلوا ساكتين مدة
وجد قررت تسألها بعد تردد "من نياد"
ملاذ وجهها شحب"كيف تعرفين نياد؟ "
وجد تطقطق عالأيباد"سمعت من بنات في حفلة كيان انكم سوا؟"
ملاذ رجعت شعرها ورا"لا مجرد اشاعات انا وهي نزلنا مع بعض من الدرج وقالوا اننا مع بعض تافهات والله"
وجد"هي صديقة كيان؟"
ملاذ"اي وتطبق بمدرستنا اظن اخر سنة لها"
وجد رفعت حاجب واحد "تطبق في مدرستكم يعني تدرسك"
ملاذ توترت من نظرات وجد الثاقبة اكثر"يب بس مو كليوم اغلب المرات المعلمة الأساسية هي الي تدرس"
وجد حست براحة بعدما عرفت انه مافي شيء بينها وبين نياد
وصلوا البيت وقبل ماتنزل ملاذ من السيارة وجد اشرت للسواق ينزل من السيارة و شالت ملاذ وقعدتها بحضنها "انا البشري العاشق الي عشقك وحبك بجنون" وغمزت نهاية كلامها" وكان يسرق منك بوسات بوقت نومك "
ولما ما سمعت اي رد من ملاذ باست شفايفها بوسات خفيفة ومتتالية
ملاذ قلبها صارت دقاته تعلى وتنحت بصدمة "هاه"
وجد اخذت يدها وحطته فوق صدرها"سرقتِ قلبي وجا دوري اني اسرق قلبك" وحطت راسها عند كتف ملاذ"احبك"
ملاذ بصدمة "تحبيني؟!"
وجد ميلت راسها وباست رقبة ملاذ بوسة عميقة"قلبي ينبض بحبك"
ملاذ غمضت عيونها مو عارفة هي تستحي ولا تنصدم من جرأة وجد واعترافها المفاجئ !
أنت تقرأ
ملَاذ
Любовные романыخلـني أشوفك في قتام حياتي نجمتي خلِ قلبك لي ملاذ آمن ما أدور غيــره ... صرت ألاقي في صوتك ملاذًا لمخاوفي. مثلية gxg عامية ملاحظة .. اي تشابه في بعض الأفكار من محض الصدفة.
