ياليت لو اقدر ابوسِك على قد مَا افكر فيك.
قراءة ممتعة..
واقفة قدام المراية تجفف شعرها
بعدت القميص عن رقبتها تبي تلبس قلادتها الذهبية بس صغرت عيونها بتركيز وهي تطالع بالإحمرار واثار العضات الخفيفة على رقبتها
"شلون صار احمر كذا فجأة" رفعت كتفها بدون اهتمام ورجعت تستشور شعرها
نزلت تحت وسمعت اصواتهم العالية "كأنهم يتهاوشون؟"
وجد جالسة وفوق طاولة الطعام ايباد تشتغل فيه وكيان واقفة قدامها تتهاوش معها
كانت وجد مطنشة كل كلام كيان ولا ألقت له اهتمام رفعت راسها وبإبتسامة خلت قلب ملاذ الرهيف يدق"صباح الخير يَ دنيتي نمتِ كويس؟"
"صباح النور .. اي نمت كويس"ردت وسحبت الكرسي وجلست
"اجل دايم بنومك بحضني"بإبتسامة جانبية ردت وجد
ملاذ حاولت تخفي ابتسامتها وسوت نفسها مشغولة تصب الحليب لنفسها
جلست كيان اخر الطاولة تهز رجلها بغضب"قاعدة اتكلم انا"
"تكلمي اسمعك" ردت وجد ببرود
كيان بتأفف"ليييه الغيتِ كل بطايقي تدرين وقفت سيارتي بوسط الشارع مااعرف احد ويمكن يصير لي شيء لاسمح الله يمكن انخطف طلعت من البيت كذا بدون ولا ريال بس معي البطايق ابي اعبي البنزين مقدر البطاقة مافيها شيء ساعتين وانا انتظر سيارة تمر .. شاحني خلص ومقدر ادق على احد صرت زي المشردة"
كانت تشرب من الاسبريسو وتسمع حلطمات كيان وتنتظرها تخلص
ملاذ ماقدرت تكتم ضحكتها"كيان من العاقل الي يبي يخطفك"
كيان قلبت عينها"ممكن تنطمين لأني مو قاعدة اكلمك"
وجد انفجرت عليها اخيرًا وتضرب الطاولة بيدها بأقوى ماعندها وبعصبية"وش الي حدك تطلعين من البيت بدون شيء هااه مو لأنك تبين تنحاشين مني بدون اي تفكير هربتِ من البيت مع البنت الي تلعبين عليها ولا اعطيتينا اي اعتبار .. هذا عقابي لك مو عاجبك انقلعي بستين داهية لأنك طفشتيني بحفلاتك والبنات الوصخات الي تجيبينهم..حركاتك هذي سويها بمكان ثاني بعيد عننا وعن ملاذ"
كيان وقفت وبنفس نبرة الصوت"ذليتينا خلاص ماابغى شيء خلي فلوسك لك"
"الحين كل كلامي الي قلته طنشتيه بس تحسستِ على موضوع الفلوس؟" انهت كلامها بدون اي تعابير
"لأنه هذا الي قاعدة احسه" ردت كيان بعصبية
"طيب بالله ليه ماحسيتِ على نفسك انك تسوين اشياء غلط بغلط..لعبك عالبنات وانذاراتك الي بالجامعة وبارتياتك المليانة وصاخة..بس تتحسسين على سالفة الفلوس وطبيعي جدًا اعاقبك على افعالك لازم احط لك حدود وابي اوضح لك نقطة يا كيان الفلوس الي تتكلمين عنها مو فلوسي فلوسكم انتوا انا فقط مسؤولة عنها لفترة عبال ما تنضجين وتعقلين وقتها يمديك تتصرفين فيهم زي ماتبين وانا يستحيل علي اذلكم عليها"حاولت وجد ماتقلب الطاولة عليها وتتكلم بهدوء مصطنع عكس العصبية الي بداخلها
أنت تقرأ
ملَاذ
Romanceخلـني أشوفك في قتام حياتي نجمتي خلِ قلبك لي ملاذ آمن ما أدور غيــره ... صرت ألاقي في صوتك ملاذًا لمخاوفي. مثلية gxg عامية ملاحظة .. اي تشابه في بعض الأفكار من محض الصدفة.
