صباح الخير حبيباتي .. ممتنة لكل حلوة سألت عني سواءً بالتيل او خاص الوات
البارت كان مكتوب نصه من اسبوعين تقريبًا بس انا انشغلت حيل الفترة الأخيرة وماقدرت انزل لكم البارت
___________________
أنتِ جُرْحِي البعيد الذي لا يُمكنني مداواتِه.
قراءة ممتعة..
خلص الدوام وطلعوا البنات من فصولهم رايحين للبيت غير جيلان الواقفة تنتظر اخوها..بحسب الي صاير من تأخر اخوها فهذا يعني انه ما أخذ سيارة صاحبه وجاي مشي عشان ياخذها
تنهدت بضجر وشدت على شنطتها وجلست في الكرسي تحرك رجولها بملل
قربت منها رواد .. كانت تطالع فيها من بعيد لفترة من الوقت
وقفت قدامها ومدت لها يدها وبابتسامتها الي تسحر قلب جيلان وتلتهف لها
" تعالي معي"
رفعت راسها وطالعت فيها .. كانت لابسة كاب وجاكيت شتوي اسود عكسها هي الي كانت لابسة جاكيت خفيف وما يدفيها ولو شوي
" وين؟" تسأل جيلان
رواد " لسيارتي بوصلك "
تحضن الشنطة بقوة وتهز راسها بسرعة كردة فعل من توترها
" لا اخوي شوي ويوصل "
تبعد يدينها من فوق الشنطة وتسحبها قريب من حضنها " لا يكثر قلت لك تعالي معاي انا بوصلك"
ترفع حاجبها بذهول من حركتها وتحرك يدها من فوق يد رواد وتتطق ببرودة
" لا تغصبيني اروح معك قلت لك اخوي بيوصلني"
ظلت تطالع فيها لثواني.. ارتباكها وشفايفها الي ترجف وصاكته بأسنانها وملمس يدينها الشبيهة بالثلج من برودته
رواد بنبرة لعوبة " شكلك خايفة اسوي لك شيء لا تحاتين بس بوصلك مابسوي لك شيء"
جيلان بحدة " مو خايفة منك ولا من غيرك .. اعتقد انه بكيفي ارفض طلبك"
رواد بنفس العناد " وانا اعتقد انه مو على كيفك "
جيلان جت ترد بس صوت المعلمة الي كانت واقفة وراهم بمسافة شوي بعيدة عنهم وكانت تراقبهم " رواد والي معها سواقكم ماجا؟"
رواد بصوت عالي للمعلمة " الا جا بنطلع الحين "
رواد تشبك يدينهم وتاخذ شنطة جيلان ويطلعون من المدرسة.. جيلان حست انه اخوها بيتأخر عليها والمدرسة صارت فاضية وايش يفكها من تهزيء المعلمة لو قعدت في المدرسة اكثر من ساعة وهي تنتظر اخوها
كل معلمات المدرسة حفظوا شكلها وانها الي تتأخر وتطلع اخر وحدة من المدرسة دايم فما كان عندها قرار غير انها تروح مع رواد
ملاذ وسدن وارواد كانوا ينتظرون رواد الي تأخرت عليهم .. يلتفتون باستغراب لرواد وهي ماسكة يدين جيلان الي شايلة شنطتها وجايين صوبهم
سدن بضحكة " يبدو انه رواد عشقانة "
ملاذ تومئ موافقة لكلام سدن" والله مو يبدو انا اقول الأكيد انها عشقانة"
ارواد " بيسمعونا اصص.. بنسأل رواد بعدين"
قبل مايدخلون السيارة رواد تأشر لهم بعيونها يجلسون كلهم ورا تاركين جيلان واقفة بفهاوة جنب رواد
" شفيك واقفة ادخلي السيارة" ترد رواد وهي راكبة السيارة
تدخل السيارة بعد تردد وتركب في المقعد الأمامي
كلهم كانوا كاتمين الضحكة من حركة رواد المكشوفة والي زاد الأمر احراج لجيلان جرأة رواد وكيف خلتها تقعد قدام عندها و عدم مبالاتها انه ممكن يفهمونهم غلط
أنت تقرأ
ملَاذ
Romanceخلـني أشوفك في قتام حياتي نجمتي خلِ قلبك لي ملاذ آمن ما أدور غيــره ... صرت ألاقي في صوتك ملاذًا لمخاوفي. مثلية gxg عامية ملاحظة .. اي تشابه في بعض الأفكار من محض الصدفة.
