مجنونه الصعيد
الحلقه الاولي
👑لا إله إلا الله وحده لا شريك له له الملك وله الحمد وهو على كل شيء قدير 👑
في واحده من البلاد الريفيه وتحديدا في مزرعه الحاج قاسم الجمال
تسمع صوت صريخ وواحده بتجري زي المجنونه وشعرها منكوش أو بالمعني الادق هي مجنونه
الحج قاسم مسك بنت ابنه ( هنادي ) : بسس اهدي يا بتي
هنادي : هيضروبوني يا جدي
الجد: محدش يقدر .. وقف انت وهي . بعدو عنها
وقف اخوها وامها بعد ما كانو بيجرو وراها علشان يمسكوها
كارم ده اخو هنادي الكبير عنده : ٢٦ سنه ..
كارم: ياجدي يرضيك أكده مش عايزه تروح للدكتور
الجد : ليه أكده بس يا بتي
هنادي بتعيط: عااا . هيضربني ويطفي السجاير في جتتي
الجد: وه. محدش يقدر
الام بتعب: يا بتي لازمن تروحي. هتتعافي كيف
هنادي. : معيزاش يا جدي .. قولهم ..قولهم
طبطب عليها : بسسس. اهدي يا بنتي .محدش ليه صالح بيها هي معتروحش في مكان.
كارم : وهتتعالج كيف يعني
الجد. : هنشوف دكتور يجي لحد أهنا . خير ربنا كتير المهم تتعافي
...
قعدو ياكلو
وهنادي بتخبط علي الطبق وبتغني
كارم نفخ وبصوت عالي : هناااادي.. بس . وجعتي رأسي
خافت هنادي .. الجد : مش أكده يا ولدي .
كارم ؛ يرضيك اللي هتعمله ده
الجد ؛ ليس علي المريض حرج يا ولدي .. وهي ربنا يشفيها
هنادي خدت الطبق ودلقته علي راس جدها وهي بتضحك : ههههه. كول يا جدي
كارم ضربها علي أيدها : كده غلط ..غلط
هنادي عيطت : عااااا.. كلب
كارم : انا
هنادي : اه
قام يجري وراها وهي جريت راحت وقعت الكرسي
اخوها وقع علي ضهره
هنادي صقفت : احسن.
كارم وقف وهو ماسك ضهره.. الام : بس بقي كفايكم عاد
الجد : خلاص يا ولدي . سبها هي معتفهمش حاجه
....
دخلوها أوضتها وقفلو الباب عليها بالمفتاح
وكارم والجد خرجو يتابعو الشغل في أرضهم
الجد : انا كلمت واحد. صاحبي وقالي أنه خابر دكتور زين هيشيع يجيبه لهنا.. يشوف هنادي يمكن ربنا يجعله في ايده الشفا
كارم : يارب يا جدي . والله قلبي عيتقطع عليها
الجد : نصيب يا ولدي . عنقول ايه يعني
أنت تقرأ
حكايه و روايه (مجموعه قصصيه)
Hayran Kurguقصص قصيره ( كوميدي . دراما ) ١(مجنونه الصعيد)٢(حسنات) ٣(الصياد)٤بيت السلايف ٥(عاهات وتقاليد)٦( عفريت بكر)٧(حراميه ولكن)٨(خطا غير مقصود)
