Into Your Soul

Capitulum 9

Capitulum 9

Habang pinapanood ko ang Pegasus racing sa napakalaking monitor, parang gusto ko ding sumali. Sayang lang dahil hindi pwede. Sobrang saya kasi lalo na kapag nanonood. Panay ang sigawan ng mga kaluluwa kaya napapasigaw na lang din ako. Mas lalo kong nilakasan ang aking sigaw nang makita kong nangunguna si Beat. Sumunod sa kanya ang isang Spiritus Raptor na may malaking katawan at tadtad ng tattoo ang braso. Sa likudan naman niya ay sina Xeno, Tao at Seth na hindi rin nagkakalayo sa isa't-isa. Malapit na silang lahat sa finish line ngunit nangunguna pa rin si Beat.

Kaunti na lang maaabutan na ni Seth ang lalakeng kasunod ni Beat. Habang papalapit sila sa finish line ay palakas nang palakas ang sigawan ng lahat. Maging ako ay nakikisabay na din sa kanila. Hindi ko na kasi mapigilan ang sarili ko. Mukhang si Beat ang mananalo.

Ngunit sa hindi malamang dahilan, kumabog ng malakas ang aking dibdib. Napahawak ako dito. Napansin ko din na kinikilabutan ako dahil sa nagtataasan kong balahibo. Nangunot ang aking noo dahil sa nangyayari sa'kin. Kaya ba ako nagkakaganito ay masyado lang akong nasasabik sa kung sino ang mananalo? Pero hindi.

Kaagad kong nakuha ang kasagutan sa sarili kong tanong nang tumingin ako sa kalangitan ng Regnum Animae. Kung noon ay napapalibutan ito ng Aurora Borealis, ngayon ay natatakluban ito ng malaking butas na kulay itim. Lahat ng hangin ay napupunta doon at nagsimulang lipadin ang iilang gamit dahil doon.

Mas lumakas pa ang hangin. Hinawi ko ang buhok na humaharang sa aking mukha. Ngunit ang ipinagtataka ko lang ay panay pa rin ang sigawan ng mga kaluluwa kahit na mukhang may masamang mangyayari.

Napatingin ako kay Kyrie na nakangiti at kalmadong nanonood sa Pegasus racing na para bang walang nangyayari. Ibinaling ko naman ang aking tingin sa malaking screen. Nanalo na si Beat ngunit mukhang hindi din nila napapansin ang malaking butas mula sa kalangitan.

Hinawakan ko ang laylayan ng damit ni Kyrie para kunin ang kanyang atensyon. Lumingon siya sa'kin na may ngiti sa labi. Nag-alangan akong sabihin sa kanya ang nakikita ko dahil mukhang wala talaga siyang ideya.

"K-Kyrie,"

Saglit akong lumingon sa kalangitan. Nanlaki ang aking mga mata nang makakita ako ng dalawang malaking puting kamay na may matatalas na kuko na nakakapit sa gilid ng butas hanggang sa unti-unting lumabas ang ulo ng isang demon. Kumpara sa mga demon na nakasalamuha ko, sobrang laki nito.

"What is it, Alaizabel? You looked pale," Hinawakan niya ang aking pisngi. "Are you okay? Do you want to go home?" puno ng pag-aalalang tanong niya.

Umiling ako. "There's a huge demon coming from a black hole in the sky and it sucking up all the things in Regnum Animae," Kinagat ko ang aking ibabang labi. "I-It's slowly coming out from the hole!" sigaw ko nang makitang unti-unting lumalabas ang demon mula sa butas.

Nanginginig ang aking mga kamay habang nakahawak kay Kyrie. Hindi ko magawang ialis ang aking tingin sa malaking demon sa kalangitan. Natatakot ako na baka sirain niya ang napakagandang mundong ito. Sa laki niya, siguradong madaming kaluluwa ang mapapahamak. It's ironic to think that souls can be hurt to but as I watched them laugh, cry and smile, there's a feeling inside me that I want to protect them.