ခင်ပွန်းလောင်း၏ မာယာပရိယာယ်
အခန်း (၉)
" ဘေဘီ "
ပခုံးတစ်ဖက်ကို လှုပ်နိုးခံလိုက်ရတာမို့...
မှေးကနဲ အိပ်ပျော်သွားသည့် ပန်ပန်တစ်ယောက် နိုးလာခဲ့သည်။
" အင်း... အိပ်ပျော်သွားလိုက်တာ အိမ်တောင်ရောက်လာပြီပဲ။လိုက်ပို့ပေးတာ အတွက် ကျေးဇူး "
" ခဏလေး... ဘေဘီ "
ပန်ပန် ကားပေါ်ကနေ ဆင်းမလို့ကို...
လူကြီးက ပန်ပန့် လက်တစ်ဖက်ကို ဆုပ်ကိုပြီး
ခဏလေးဆိုတာကြောင့်...
ကားပေါ်ကနေ မဆင်းသေးဘဲ...
လူကြီးဘက်ကို မျက်နှာပြန်လှည့်ကြည့်ပြီး...
" ဘာလဲ... "
" ဘေဘီ ကားပေါ်မှာပဲ နေမှဖြစ်မယ်။ကားအောက်ကို ဆင်းရင် အန္တရာယ်များတယ်။အပြင်မှာ အရမ်းမှောင်နေတယ် "
လူကြီးစကားကြောင့် ပန်ပန် မျက်မှောင်ကြုတ်
လေးနဲ့ စိတ်တိုသွားရသည်။ဟုတ်သည်လေ အိမ်ရောက် ကားပေါ်ကနေ ဆင်းတာပဲလေ။အဲ့ဒါကို အန္တရာယ်များလေ၊ဘာလေး လာပြောနေတော့... ဘယ်သူက စိတ်မတိုဘဲ ရှိမလဲလို့...။
" ပန်ပန့် အိမ်ပြန်ရောက်နေတာကို ဘာလို့ အန္တရာယ်များရမှာလဲ။ကားပေါ်ကနေ မဆင်းဘဲ
နေရင်သာ ရှင့်လို မျက်နှာများတဲ့ နှာဘူးကြောင့်ပဲ
အန္တရာယ်များချင်များမှာ "
အဟက်! မျက်နှာများတဲ့ နှာဘူးတဲ့လား...။
ရည်စားများခဲ့လို့ မျက်နှာများတယ်လို့ ပြောတာကိုတော့ လက်ခံနိုင်ပါတယ်။နှာဘူးဆိုတာကတော့.. သူလက်မခံနိုင်။ဘာကြောင့်ဆို သူမှ နှာဘူးမထခဲ့တာကိုး...။
" ကိုယ်မျက်နှာများတာကို လက်ခံပါတယ်။ဘယ်ကလေးအပေါ်မှ နှာဘူးမထခဲ့လို့... နှာဘူးဆိုတာကြီးကိုတော့... ကိုယ်လက်မခံဘူး။အာ့ကြောင့်
ကိုယ့်ကို နှာဘူးလို့တော့ မပြောနဲ့ "
လူကြီးစကားကြောင့် ပန်ပန် နှာခေါင်းလေးရှုံ့ကာ... 'အပိုစကားတွေလည်း သိပ်ပြောတတ်တဲ့
လူကြီးပဲ။တွေ့ရာ မိန်းကလေးနဲ့ တွဲကပြီး သူ့ကိုယ်သူ နှာဘူးမထဘူးဆိုပဲ။အားကြီးကြီး ယုံချင်စရာကြီးပဲ။လူကြီးစကားကို တခြားသူတွေက ယုံချင်ယုံလိမ့်မယ်။ပန်ပန်တို့ကတော့ နိုးပါ အန်ကယ်'
ВЫ ЧИТАЕТЕ
ခင်ပွန်းလောင်း၏ မာယာပရိယာယ် Completed
Любовные романыဦးနဲ့ ချာတိတ် ရိုရို ချိုချိုလေး 😘
