ခင်ပွန်းလောင်း၏ မာယာပရိယာယ်
အခန်း (၂၁)
.
.
" တစ်၊နှစ်၊သုံး၊လေး၊ငါး၊ခြောက်၊ခုနှစ်၊ရှစ်၊ကိုး! "
📱Ti... Ti... Ti📱
" အဟင်း... ဆက်လာပြီပေါ့။မြန်ချက်ပဲ... ဦးမြှားပွေကြီး က " ဟု ဆိုပြီး... ဆယ်စက္ကန့်ဆိုတဲ့ အချိန်တိုလေးတွင်မှာ မြည်လာတဲ့... ဖုန်းလေးကို ပန်ပန် ကောက်ကိုင်လိုက်သည်က ကျေနပ်သော အပြုံးလေးဖြင့်...
" ဟယ်လို ဘေဘီ ကိုယ် ရှင်းပြမှာမို့... ဖုန်းမချလိုက်နဲ့နော်။စောနက ကိုယ့်အကောင့်ကို Tagတွဲပြီး တင်ထားတဲ့၊ပုံထဲက မိန်းကလေးကလေ... Korea က ကိုယ့်နဲ့ လုပ်ငန်းအတူတွဲလုပ်နေတဲ့ အန်ကယ်ရဲ့သမီး၊လုပ်ငန်းပိုင်နဲ့အတွေ့အကြုံ မရှိသေးတဲ့ အလုပ်သင်လေးပါ။အဲ့ညီမလေး ကိုယ့်ကိုကျေးဇူးတင်စကားပြောထားတာကလည်း ဒီနေ့ သူတို့ကုမ္ပဏီမှာ အလုပ်ကိစ္စလေးတစ်ခုကို အဲ့ညီမလေး က အမှားလုပ်မိလို့... ကုမ္ပဏီပိုင်ရှင် သူ့အဖေဆီကနေ အဆူခံခဲ့ရတယ်။ကိုယ် က သူမှားလုပ်မိခဲ့တဲ့ အမှားလေးကို အဆင်ပြေအောင်လို့ ကူညီပေးလိုက်လို့ အဲ့ညီမလေး က ကျေးဇူးတင်ကြောင်းနဲ့ သူပျော်ရကြောင်းကို ပုံလေးနဲ့ ရေးပြီးတင်လိုက်တာပါ။အဲ့ညီမလေးနဲ့ ကိုယ်နဲ့က တကယ့်ကို ရိုးရှင်းပါတယ်။ပြီးတော့ အဲ့ညီမလေးကလည်း မကြာခင် လက်ထပ်တော့မယ့် သူပါ။အဲ့ဒါကြောင့် ကိုယ့်ကို အထင်မလွဲပါနဲ့။ဘေဘီ က ပုံတွဲတင်တာကို မကြိုက်ဘူးထင်လို့... တင်ထားတဲ့
ပုံကိုလည်း ဖျက်ခိုင်းလိုက်ပါပြီ။သူနဲ့ ဘေဘီစကားပြောချင်ရင်လည်း အချိန်မရွေး ရတယ်နော်။ကိုယ် အမြန်ရှင်းပြနေရလို့... စကားတွေက
မြန်နေတာ။ရှင်းပြတာကို နားလည်တယ်မလား ဘေဘီ "
တစ်ဖက်က လူကြီး၏ လျှာခလုတ်တိုက်မိမတက်
ဖြေရှင်းလာသည့် စကားအဆုံး ပန်ပန့်မျက်နှာလေးသည်လည်း ရွှန်းရွှန်းသာနေတဲ့ ငွေလမင်းကြီးကို ဖြစ်လို့...။
ပန်ပန့်၌ အကျင့်ဆိုးလေး တစ်ခုရှိသည်။အဲ့ဒါက ချစ်ရသူတွေအပေါ်မှာဆို ကလေးဆိုးလေးတစ်ယောက်လို ဆိုးတတ်သည့် အကျင့်လေးဆိုးလေးပါ။ အခုလည်း ဖွင့်ဟ၍သာ မပြောသေးတာ ချစ်မိနေတာ သေချာသလောက် ရှိနေပြီ ဖြစ်တဲ့ လူကြီးအပေါ်မှာ ဆိုးချင်မိသည့် အကျင့်ဆိုးလေးက ပေါ်လာပြန်တော့...
