ခင်ပွန်းလောင်း၏ မာယာပရိယာယ်
အခန်း (၁၃)
" လူကြီး က အရမ်း တရားလွန်တာပဲ "
" ဘာကွ! "
တရားလွန်တယ်လို့ပဲ ပြောရသေးတယ်။လူကို
အော်လိုက်တာများ... လိပ်ပြာတောင် လွင့်တော့မလို့...။
" အလုပ်မအားလို့ မအားဘူးပြောတာကို ဘာလို့ ပန်ပန့် ကို အော်ရတာလဲ လူကြီး က "
စူပုတ်ပုတ် မျက်နှာလေးနှင့် သူ့အား မေးခွန်းထုတ်လာသည့် သူမ။
" ဘာလို့ အော်တာလဲ ဟုတ်လား။မင်းအလုပ်များတာထက်၊ကိုယ်က အလုပ်များတယ်ကွ။အဲ့ဒါကို မင်းက ကိုယ့်ဘက်ကို မတွေးပေးဘဲနဲ့၊မင်းအလုပ်များတာကို အကြောင်းပြနေလို့... စိတ်တိုလို့ အော်လိုက်တာပဲ "
သူ့ရဲ့ ရှင်းပြချက်ကြီးကြောင့် ပန်ပန် နှာခေါင်းရှုံ့မိ၏။
" မိန်းကလေးတစ်ယောက်ကို တကယ်ချစ်တဲ့
ယောက်ျားလေးတွေက သူတို့ရဲ့ အလုပ်တွေထက်
မိန်းကလေးဘက်ကို ပိုဦးစားပေးတယ်လို့... ပန်ပန် ကြားဖူးတယ် "
" အဲ့တော့... မင်းပြောချင်တာ က! "
" မပြောချင်ပါဘူး။ပန်ပန် လက်ထပ်ရမယ့် သူက
ပန်ပန့် ကို ချစ်တဲ့သူ မဟုတ်ဘူးဆိုတာကို တွေးမိလို့... ဒီတိုင်းလေး ပြောလိုက်ရုံပါပဲ "
စကားတတ်မလေး... သူ့ကို ပြောချင်တာကိုများ
တည့်မပြောဘဲ ကွေ့ပတ်ပြီးတော့ ပြောနေတာက
တကယ့် အသည်းယားစရာလေး။
ကိုယ်ကလည်း သူမထက်လည်လို့ ကို သူမ ကို
ကိုယ့်ဇနီးအမြန်ဖြစ်လာအောင် ကြံရွယ်နေတာမဟုတ်လား။
" မင်းအလုပ်များလည်း ကိုယ့်ဘက်က မင်္ဂလာပွဲကို ရက်ထပ်မရွှေ့ပေးနိုင်ဘူး။ကိုယ်လည်း ဒီလထဲမှာ အလုပ်တွေများတယ်။အလုပ်တွေများတဲ့
ကြားကနေပဲ မင်္ဂလာပွဲကို ပြင်ဆင်နေတာ။အဲ့ဒါ
ကြောင့် မင်္ဂလာပွဲကို သတ်မှတ်ထားတဲ့ ရက်မှာပဲ လုပ်မယ် "
အတ္တကြီးလိုက်တဲ့ လူကြီး၊သူများဘက်ကို နည်းနည်းလေးမှ တွေးမပေးဘူး။ထမင်းစားရင် လျှာကိုက်မိပါစေ ဟွန့်။
