ស្នេហ៍គ្មានទីបញ្ចប់

ភាគទី ១៧

ឡេហ្សឺអៀវរ៉ូសរួចពួកគេក៏បានដើរចេញទីនេះ។ នៅពេលកំពុងធ្វើដំណើរចាកចេញ លីសាបានងាកក្រោយហើយក៏ឃើញមនុស្សម្នាក់ដែលនាងបានស្គាល់តែនាងមិនបានហៅម្នាក់នោះឡើយ ព្រោះត្រូវនាំរ៉ូសត្រលប់ទៅផ្ទះ។

ពេលមកដល់ផ្ទះភ្លាមលីសាក៏ឱ្យឡេហ្សឺយករ៉ូសទៅដាក់ក្នុងបន្ទប់របស់នាង។

"បងឱ្យនាងគេងនៅទីនេះហើយ"

"ចុះឯងទៅគេងនៅឯណា?"

"ខ្ញុំចង់ទៅខុនដូរបន្តិច"

"ចាំខ្ញុំជូនទៅ" ឡេហ្សឺប្រុងងើបឈរ តែរ៉ូសក៏ចាប់ដៃនាងជាប់។

"មិនបាច់ទេ បងនៅកំដរនាងទៅ ជួបគ្នាពេលក្រោយ"

បន្ទាប់ពីលីសាដើរចេញទៅបាត់ រ៉ូសក៏កាន់តែឱបដៃឡេហ្សឺខ្លាំងទៅៗធ្វើឱ្យនាងមិនអាចកំរើកទៅណាបាន។

"ក្មេងម្នាក់នេះ ស្រវឹងប៉ុណ្ណឹងហើយនៅកម្លាំងខ្លាំងទៀត" នាងរអ៊ូទាំងគ្រវីក្បាលតិចនិងបញ្ចេញស្នាមញញឹមចុងមាត់។

"...ជី...ស៊ូ...ជីស៊ូ..." សម្លេងរ៉ូសនិយាយមមីមមើល។

"នាងនិយាយអីនឹង?"

ដោយចង់ដឹងថារ៉ូសនិយាយអី ឡេហ្សឺឱនទៅជិតរ៉ូសដើម្បីស្ដាប់ថានាងនិយាយអី តែពេលនោះរ៉ូសក៏យកដៃតោងកឡេហ្សឺ។

"ខ្ញុំស្រលាញ់....ខ្ញុំស្រលាញ់....."

"ស្រលាញ់ក្បាលនាងអី ទៅដេកទៅ!"

ដោយនៅពេលនេះកម្លាំងឡេហ្សឺខ្លាំងជាងរ៉ូស ទើបនាងអាចប៉េះដៃដែលរ៉ូសតោងកនាងចេញបាន ហើយនាងក៏បានយកទឹកក្ដៅមកជូតមុខឱ្យរ៉ូសនិងមើលថែនាងនាយប់ត្រជាក់នេះផងដែរ។

+++

ទីងតង់!!

"លីសា ហេតុអ្វីមកទាំងយប់បែបនេះក្រែងឯងដេកនៅផ្ទះឯងមែនទេ?"

"ខ្ញុំមកយកសម្លៀកបំពាក់និងរបស់ខ្លះ" និយាយចប់លីសាក៏ដើរទៅបន្ទប់របស់នាងរៀបចំអីវ៉ាន់ដែលត្រូវយកទៅ ពេលដែលកំពុងរៀបចំអីវ៉ាន់ នាងក៏ក្រឡេកឃើញប្រអប់មួយហើយនាងបានទាញវាយកមកមើល។

"តើប្រអប់នេះដាក់អី ហេតុអ្វីបានជាមានសោរជាអក្សរកូដសម្ងាត់អញ្ចឹង? អ៎! ប្រអប់នេះអេស៍រីធ្លាប់យកមកឱ្យខ្ញុំមើលម្ដង" លីសាមិនគិតច្រើនទៀតក៏យកប្រអប់នោះនិងអីវ៉ាន់ចេញទៅខាងក្រៅ។