ស្នេហ៍គ្មានទីបញ្ចប់

ភាគទី ១០

ក្រោយលឺជីស៊ូនិយាយបែបនេះលីសារាងភ្ញាក់ខ្លួនបន្តិច រួចក៏ចាប់ដៃជេននីនិងញញឹមខ្សោះៗព្រមទាំងដកដង្ហើមធំ។

"មែនហើយ" អេស៍រីងាកទៅមើលលីសាដែលអង្គុយក្បែរជេននី។ លីសាមិនបាននិយាយអ្វីទាំងអស់គ្រាន់តែអង្គុយឱនមុខចុះដូចជាកំពុងគិតរឿងអ្វីមួយ។ ភ្លាមនោះជេននីក៏បានលូកមាត់ចូលនិយាយទៅកាន់ពួកគេ។

"ម៉េចក៏សួរលីសាបែបនេះ!? អ្វីដែលសំខាន់គឺខ្ញុំមិនបានស្រលាញ់មីណូទេ! មនុស្សដែលខ្ញុំស្រលាញ់គឺកំពុងអង្គុយនៅក្បែរខ្ញុំទីនេះ" នាងបាននិយាយដោយកែវភ្នែករលីងរលោង។

"អូហូ!! លើសឈាមខ្ញុំស្លាប់ឥឡូវហើយនៀក" អេស៍រីវាចាទាំងធ្វើកាយវិការព្រឺសម្បុរ។

"ឯងគិតថាប៉ាមីណូព្រមឱ្យឯងផ្តាច់ពាក្យហ្ន៎" ជីស៊ូនិយាយទៅកាន់មិត្តរបស់នាង។

"ភ្ជាប់ពាក្យគ្រាន់តែជាលេសមួយប៉ុណ្ណោះ"

"ថាម៉េច?!!" គ្រប់គ្នាភ្ញាក់ផ្អើលនឹងឆ្ងល់ជាខ្លាំងនៅអ្វីដែលជេននីបាន ប្រាប់អម្បាញ់មិញនេះ បន្ទាប់មកនាងក៏និយយបន្តថា...

"ដោយសារតែប៉ាមីណូដឹងថាប៉ារបស់ខ្ញុំធ្លាប់ជាម្ចាស់ភាគហ៊ុនធំមួយក្នុងសម្ព័ន្ធMNB ដូច្នេះទើបរៀបចំរឿងនេះឡើង"

"តាមខ្ញុំស្មានប៉ាមីណូចង់ឱ្យនាងភ្ជាប់ពាក្យ ដើម្បីទុកប៉ារបស់នាងប្រើប្រាស់ក៏ថាបាន" អេស៍រីនិយាយរួចអ៊ែមប៊ឺក៏បន្ថែមពីក្រោយ។

"អ៊ីចឹងបានន័យថា គេទុកប៉ារបស់នាងជាអាយ៉ងហើយយកគាត់ធ្វើជាស្ពានដើម្បីចូលទៅក្នុងសម្ព័ន្ធធំ"

"ប៉ុន្តែបើសិនគេចង់ធ្វើជាម្ចាស់ភាគហ៊ុនធំទីពីរក្នុងសម្ព័ន្ធMNB យ៉ាងហោចណាស់ក៏ត្រូវមាន២០០លានដុល្លារដែរ" លីសាងាកទៅមើលមិត្តរបស់ នាងទាំងពីរ។

"ចាំខ្ញុំឆែកមើលសិន" អេស៍រីដកទូរស័ព្ទពីហោប៉ាវរួចក៏ដើរចេញទៅ ខាងក្រៅបន្ទប់។

"លីសា! ប៉ារបស់នាងធ្វើផ្នែកអីនៅក្នុងសម្ព័ន្ធធំMNB?" ជីស៊ូសួរ។ លីសាក៏ងើបចាកចេញពីជេននីដើរសំដៅទៅរកអ៊ែមប៊ឺ។

"សុំទោស ខ្ញុំមិនអាចប្រាប់នាងនៅពេលនេះបានទេ"

"ប៉ុន្តែតាមខ្ញុំទាយតំណែងរបស់គាត់ក៏មិនតូចដែរ"