ស្នេហ៍គ្មានទីបញ្ចប់

ភាគទី ២៤

ទីងតង់!! ទីងតង់!!!

"លីសា បងឡេហ្សឺ ចូលក្នុងមក" អ៊ែមប៊ឺបានស្វាមន៍ពួកគេ។

"ជីស៊ូនៅទីនេះដែរ?" លីសាធ្វើទឹកមុខភ្ញាក់ផ្អើលនិងឆ្ងល់។

"ភ្ញាក់ផ្អើលណាស់ទៅអី ពេលឃើញខ្ញុំនៅទីនេះ"

"មិនមែនទេ ចុះឯណាអេស៍រី?" លីសាងាករកមើលវត្តមានរបស់មិត្តម្នាក់ទៀតតែមិនឃើញសោះ។

"គេខានមកទីនេះជិតកន្លះខែហើយ" អ៊ែមប៊ឺឆ្លើយតប។

"គេ​ទៅណា?"

"ខ្ញុំមិនដឹងទេ!" អ៊ែមប៊ឺឆ្លើយតបទាំងដើរទៅផ្ទះបាយ។

"ខ្ញុំដល់ម៉ោងទៅមើលហាងហើយ លាសិនហើយ!" ជីស៊ូនិយាយ។

"អឹម!!"

ក្រោយពីជីស៊ូបានចាកចេញទៅបាត់ លីសាក៏ដើរទៅរកអ៊ែមប៊ឺនៅផ្ទះបាយ។

"ថ្មីៗនេះ ឯងមិនដែលជួបគេទេឬ!?"

"អ៎!! ប្រហែលប៉ុន្មានថ្ងៃមុន ខ្ញុំបានជួបគេនៅក្លឹបតែពេលនោះគេព្យាយាមគេចពីខ្ញុំ ឃើញគេគេចបែបនេះ ខ្ញុំក៏មិនតាមសួរនាំគេដែរ"

"ហេតុអីមិនតាមគេ! ឯងមានរឿងអីលាក់នឹងខ្ញុំទៀត"

"ទោះមិនចង់ប្រាប់ឯង ក៏ពេលនេះត្រូវប្រាប់ឯងដែរ" គេនិយាយទាំងដកដង្ហើមធំ។

កន្លះខែមុននៅក្នុងក្លឹប....

"ម៉េចមកអង្គុយផឹកម្នាក់ឯងនៅទីនេះ?" អ៊ែមប៊ឺយកដៃទៅដាក់លើស្មាអេស៍រី។

"ដកដៃឯងចេញទៅ ថ្ងៃនេះខ្ញុំអារម្មណ៍មិនល្អទេ កុំមករំខានខ្ញុំ"

"អូហូ...យើងខំមកកំដរឯង តែឯងបែរជាដេញយើង! តើអាចប្រាប់បានទេថាឯងមានរឿងអី?"

អេស៍រីលើកែវស្រាផឹករួចក៏ងាកមើលអ៊ែមប៊ឺដែលកំពុងសម្លឹងមើលគេ។

"ឯងដឹងទេ...យើង...យើងស្រលាញ់ជីស៊ូខ្លាំងណាស់ តែនាងបែរទៅស្រលាញ់ឆេយ៉ុងទៅវិញ ហេតុអីទៅ!? ខ្ញុំខំកែខ្លួនដើម្បីនាង តែនាងបែរជាមើលមិនឃើញ"

"កែខ្លួន?! ហ៊ឹក...កុំបែបនេះអីឯងស្រវឹងហើយចាំខ្ញុំជូនឯងទៅផ្ទះ" គេខំទប់សើចនិងចង់ជួយគ្រាហ្ម៍មិត្តត្រលប់ទៅផ្ទះវិញតែត្រូវអេស៍រីទះដៃចេញ។