ချစ်သော...မိုး
Part - 6
ကိုးကွယ်ရာ ကျိန်းစက်နေသည့် မျက်ဝန်းတို့ကို အားယူဖွင့်လိုက်စဥ် မူးနောက်နေသည့် ခေါင်းကြောင့် လူက ရှူံ့မဲ့သွားရသည်။ ဆိုဖာပေါ် ရောက်နေရင်းမှ မလှမ်းမကမ်းတွင် ထမင်းပွဲပြင်နေသည့် မိုး ကို မြင်လိုက်ရသဖြင့် ညက သူ့၏ ဇွတ်တရွတ်အနမ်းတွေကို သတိပြန်ရသွားရသည်။
" ဦးကွယ် နိုးပြီလားဟင်။ ဒီမှာ မိုး မနက်စာပြင်ထားတယ်။ "
ကိုးကွယ်ရာ သူ့ကို ပြုံးပြနေသည့် သူမလေးအား ကြည့်ရင်း လူက ရှက်စိတ်ဖြင့် ထူအမ်းနေရသည်။ သူမလေးကတော့ မသိသလိုလေးဖြင့် ဟင်းရည်အိုးနွှေးနေတာ မြင်ပေမယ့် နှုတ်ခမ်းလေးက နီးမြန်းထူအမ်းနေသယောင်ပင် စိတ်က ထင်မိသည်။
" ဦးကွယ် မျက်နှာသွားသစ်လေ။ မိုး သွားပွတ်တံအသစ်ဝယ်ပြီး သွားတိုက်ဆေးထည့်ပေး ထားတယ်။ ပြီးရင် လာခဲ့နော်။ "
ကြောင်အမ်းအမ်းဖြင့် သူ ခေါင်းငြိမ့်မိရင်း ရေချိုးခန်းလေးထဲ ဝင်လာခဲ့မိသည်။ စိတ်တို့က ဒွိဟလွန်ဆွဲနေကာ မသင့်မှန်းသိပေမယ့် သူ့ နှလုံးသားက သူမလေးအနားသာ ရှိနေချင်သည်။ တကယ်ပဲ သူ ဘာဆက်လုပ်လို့ လုပ်ရမှန်းကို မသိ။
မိုး မျက်နှာသစ်ပြီး ပြန်ထွက်လာသည့် ဦးကွယ်ကို မြင်သည်နှင့် မုန့်ပန်းကန်ထဲ ဟင်းရည်ပူပူအား လောင်းထည့်ပေးလိုက်သည်။ မုန့်ဟင်းခါးအနံ့က မွှေးခနဲ လှိုက်တက်လာရင်း ငါးဖတ် ဘဲဥဖတ်လေးတွေ က စားချင်စရာ။
" မိုး ချက်ထားတာလား။ "
သူ့ အမေးကို လှစ်ခနဲ ပြုံးလိုက်သည့် မိုး ကြောင့် ကိုးကွယ်ရာ မျက်စပင့်ကြည့်မိသည်။ ရယ်သံလွင်လွင်လေးနှင့် သူမက.....
" မဟုတ်ပါဘူး.....အောက်ထပ် မုန့်ဟင်းခါးဆိုင်က ဆင်းဝယ်ထားတာ။ "
ကိုးကွယ်ရာ ပြုံးမိသွားရင်း စားလက်စ ဆက်စားနေကာ စကားကို ဘယ်က စ ပြောရမလဲ မသိဖြစ်နေရပြန်သည်။
" နောက်ထပ် မိုး ဆီကို မလာနဲ့နော် ဦးကွယ်။ "
ကိုးကွယ်ရာ မျက်လွှာပင့်ကြည့်မိတော့ သူ့ကို ခပ်အေးအေးလေး ပြုံး၍ မျက်ရည်လေး အဝဲသားနှင့် ငေးကြည့်နေသည့် သူမလေး။
ESTÁS LEYENDO
မာယာထောင်ချောက် ( Complete)
Romanceမိုး ဆိုသည့် လှပသော မိန်းမငယ်လေးတစ်ယောက်။ သူမကို ချစ်သော ယောကျာ်းလေးယောက် နဲ့ သူမ၏ အချစ်။ သိပ်ကို လောဘကြီးတဲ့ မိန်းကလေး မိုး။ ဒီဇာတ်လမ်းဟာ မင်းသမီးကို ဖြူဖြူစင်စင်မြင်ချင်သူများ မဖတ်စေချင်ပါဘူး။
