မာယာထောင်ချောက်
Part - 29 ( Final Part )
ဆက်တိုက်မြည်နေသော ဘဲလ်တီးသံကြောင့် မိုး အိပ်နေရာမှ ထကာ နာရီကို လှမ်းကြည့်မိသည်။ မနက်သုံးနာရီ.....ဒီအချိန်ကြီး ဘယ်သူပါလိမ့်။ အတွေးနဲ့အတူ အခန်းထဲမှ ထွက်လာရင်း မိုး ချောင်းကြည့်ပေါက်မှ ကြည့်မိတော့ လူက ဟင်ခနဲ။
ကမန်းကတန်း တံခါးဖွင့်ကြည့်မိတော့ မိုး ရင်ခွင်ထဲ တန်းပြိုကျလာသည့် မောင်။ အရက်နံ့တွေ မွှန်ထူနေသလို မိုးကို ခပ်တင်းတင်း တွယ်ဖက်လာသည့် မောင့်လက်တွေ။
" မောင့်....."
" မ......ခင်ဗျား....ခင်ဗျား ရက်စက်တယ်။ ကျွန်တော် ကတော့ ချစ်လိုက်ရတာ,....ခင်ဗျားက ဘာလို့ လှည့်စားရတာလဲ ၊ ဘာလို့ မချစ်ရတာလဲ....ဘာလို့ ကွာရှင်းချင်ရတာလဲ။ "
မူးမူးရူးရူးဖြင့် မိုးကို အတင်းအကြပ်ဖက်ပြီး ငိုရှိုက်နေသည့် မောင်ဟာ ခုကျတော့ တကယ့် ကလေးလေးတစ်ယောက်ပမာပင်။ လိုချင်တာမရလို့ ဂျီကျဆူပူနေသည့် တကယ့် ကလေးဆိုးလေးနဲ့ တူသည်။
မိုး မောင့်ကိုယ်ကြီးကို တွဲကာ အခန်းထဲက ခုတင်ပေါ် တင်ပေးလိုက်ရင်းမှ မောင့်ကို ငေးစိုက်ကြည့်နေမိသည်။ မောင့်ပါးပြင်ကို ခပ်ဖွဖွ ပွတ်သပ်မိရင်း အင့်ခနဲ နာကျင်စွာ ငိုရှိုက်မိပြန်သည်။
" မ....မရယ် မောင့်ကို မထားခဲ့ပါနဲ့။ "
မိုး လက်တွေကို ကယောင်ကတမ်း လှမ်းဆွဲသည့် မောင့်လက်တွေကို ခပ်တင်းတင်းဖိဆုပ်ပေးထားရင်း မိုး ကိုယ်လေးက မောင့်အားကြောင့် မောင့်ကိုယ်ပေါ် ကိုင်းကျကာ နှုတ်ခမ်းတို့က ပူခနဲ။ ကယောင်ကတမ်း အထိအတွေ့ နဲ့ အတ္တပြင်းပြသော အချစ်ထုထည်ကြား မိုး မောင့်ကို ကြည်ဖြူပေးခဲ့ပါသည်......နောက်ဆုံးအကြိမ်။
--------------------------------
ကိုးကွယ်ရာ ကွန်ဒိုရှေ့ ကားရပ်လိုက်သည်နှင့် သူ့ကားပေါ် တက်လာသည့် မိုးလေး။ ပန်းဆီရောင် မြန်မာဝမ်းဆက်လေးဖြင့် ဆံနွယ်တို့ကို ကျစ်ဆံမြီးလေး တစ်ချောင်းထဲသာ ကျစ်ထားရင်း ပုံစံလေးက ရှင်းသန့်နေ၏။
" မောင်းတော့လေ...."
ကိုးကွယ်ရာ သက်ပြင်းချမိရင်းမှ ကားလေးကို မောင်းထွက်လာခဲ့သည်။ သူ ကိုယ်တိုင် လိုက်ပို့ရသည့် ငရဲလမ်းဟာ သူ့အတွက်တော့ မသိ... သူ့အတွက်ကတော့ ရင်တစ်ခုလုံး တင်းကြပ်ဆို့နင့်စွာ ပူလောင်မြိုက်နေရသည်။
YOU ARE READING
မာယာထောင်ချောက် ( Complete)
Romanceမိုး ဆိုသည့် လှပသော မိန်းမငယ်လေးတစ်ယောက်။ သူမကို ချစ်သော ယောကျာ်းလေးယောက် နဲ့ သူမ၏ အချစ်။ သိပ်ကို လောဘကြီးတဲ့ မိန်းကလေး မိုး။ ဒီဇာတ်လမ်းဟာ မင်းသမီးကို ဖြူဖြူစင်စင်မြင်ချင်သူများ မဖတ်စေချင်ပါဘူး။
