ប្រុសម្នាក់នោះជាអ្នកណា?
សម្លេងស្បែកជើងកែងចោតលាន់ក្លិកក្លក់សំដៅទៅរកទ្វារកញ្ចក់ដែលមើលឃើញគ្រប់យ៉ាងក្នុងបន្ទប់ច្បាស់។ ម្ចាស់ស្បែកជើង រុញទ្វារចូលទៅក្នុងដោយមិនបង្អង់យូរ ជាមួយនឹងទឹកមុខចងកំហឹង។
ផឹប!
នាងបោះកាមេរ៉ាច្រើនសន្ធឹកទៅលើតុរួចច្រត់ដៃទាំងពីលើតុអោនមុខទៅរកប្រុសកម្លោះ ហើយពោលទាំងមុខស្មើ។
«ខ្ញុំមិនចាំថាបានសន្យានឹងលោកពីរឿងលាក់កាមេរ៉ាទាំងនេះក្នុងផ្ទះខ្ញុំ»
«អ្ហា៎...» គេលើកដៃជញ្ជក់មាត់ ធ្វើខ្លួនមិនចាប់អារម្មណ៍ រួចហើបខ្លួនពីកៅអីបន្តិច ច្រមុះដែលខ្ពស់ស្រាប់ទង្គិចនឹងថ្ពាល់ផ្កាឈូកព្រឿងរបស់ស្រីស្រស់ ធ្វើអោយនាងរហ័សគ្រលាស់ខ្លួនថយពីគេ។
«អធិប្បាយ?» នាងឈរអោបដៃរង់ចាំស្តាប់ការបកស្រាយរបស់គេ។
«នាងក្បត់ខ្ញុំ ហ្វី...»
«ស្អីគេ? ខ្ញុំនេះក្បត់លោក?» នាងលើកដៃចង្អុលមុខខ្លួនឯង ព្រមទាំងសម្លឹងគេទាំងមិនជឿនឹងអ្វីបានលឺ។
«នាងធ្វើខ្លួនគួរអោយសង្ស័យ នាងមិនដូចពីមុន!»
«ប្រាប់មកថាវាជាអ្នកណា?» គេនិយាយទាំងសម្លេងធ្ងន់ ខណៈក្រសែភ្នែកត្រជាក់ស្រេបបាញ់មករកនាង។
«គ្មានអ្នកផ្សេងចូលមករញ៉េរញ៉ៃនឹងទំនាក់ទំនងនេះស្រាប់ហើយ ក្រៅពីលោកនិងខ្ញុំ!»
«បើគ្មាន ហេតុអីនាងធ្វើខ្លួនបែបនេះ?»
«បែបណា?»
«នាងរក្សាគម្លាតពីខ្ញុំ ដូចដែលនាងកំពុងធ្វើនៅពេលនេះ!»
«ខ្ញុំក៏ជាមនុស្ស! ខ្ញុំក៏ចេះនឿយហត់នឹងធ្វើខ្លួនស្និតស្នាលនឹងលោក»
«នាងធុញខ្ញុំ?» សម្លេងគ្រលរប្រែជារឹងកំព្រឹសមួយរំពេច។
«ខ្ញុំមិនបានមកទីនេះដើម្បីរឿងនេះ! កុំអោយខ្ញុំដឹងអោយសោះថាលោកនឹងលាក់កាមេរ៉ាក្នុងផ្ទះខ្ញុំម្តងទៀត!» និយាយរួច រាងស្តើងបង្វិលខ្លួន ប្រុងនឹងចេញពីត្រង់នោះ តែមិនទាន់បានមួយជំហ៊ានស្រួលបួលផង ចង្កេះរៀវត្រូវដៃមាំក្រសោបជាប់។
YOU ARE READING
កម្តៅស្នេហ៍ (𝐥𝐨𝐯𝐞 𝐨𝐫 𝐥𝐮𝐬𝐭) - ចប់
Romance"អូននឹងព្យាយាមឈប់ស្រលាញ់បង មេក៍..." នាងខ្សឹបខ្សួលប្រាប់បុរសជាទីស្រលាញ់ដោយក្រសែភ្នែកខកដំណង។ ពីមុននាងព្យាយាមស្រលាញ់គេ តែពេលនេះនាងនឹងព្យាយាមកាត់ចិត្តពីគេវិញម្តង... (រដូវកាលទី១) Philia Eden Chamberlin, an illegitimate child who was raised with hatred. G...
