ដោះដូរ
តាមផ្លវត្រលប់ទៅភូមិគ្រឹះខាស្ពេនស័រវិញ អ្នកទាំងពីរស្ងាត់មាត់រៀងៗ ខ្លួន បន្ទាប់ពីហេតុការណ៍រឿងទាយាទកើតឡើង។ ភ្នែកបៃតងចាស់របស់ស្រីស្រស់ ផ្ចង់ទៅលើផ្លូវនៅខាងមុខ មិនបានចាប់អារម្មណ៍ដៃមាំដែលកាន់ចង្កូតឡានណែន រហូតឃើញសសៃរីកប៉ោងតាមដើមដៃ និងក្រសែភ្នែកនឹងធឹងរបស់នាយ។
«ហ្វី?»
«...» នាងងាកទៅរកប្រភពសម្លេង តែក៏គ្មានសម្លេងចេញពីបបូរមាត់ក្រហមរបស់នាង។
«យើងគួរតែមានកូន» សម្លេងប្រាកដប្រជារបស់គេពេលនេះ មិនបានកែប្រែស្ថានភាពល្អក់កករនេះឡើយ ផ្ទុយទៅវិញ មុខរបស់នារីអង្គុយក្បែរគេកាន់តែយ៉ាប់យ៉ឺនជាងមុនទៅទៀត។
«បើនោះជាអ្វីដែលលោកចង់បាន យកស្រីផ្សេងមកពពោះជំនួសបាន! ខ្ញុំមិនប្រកាន់» នាងទប់កំហឹងរបស់ខ្លួន ហើយព្យាយាមនិយាយធម្មតាបំផុតតាមដែលអាចធ្វើបាន។
«ហ្វីលៀរ៍!!!» គេគំហកដាក់នាង ហើយជើងវែងជាន់ហ្គែរកាន់តែលឿនជាងមុន។
«លោកកំពុងបើកឡាន មានស្មារតីតិចមើល៎»
«នាងគិតបានយ៉ាងម៉េច រឿងពពោះជំនួស? ខ្ពើមខ្ញុំណាស់មែនទេ ដល់ថ្នាក់មិនចង់មានកូនជាមួយគ្នា?»
«មិនមែនដូចដែលលោកគិត! ខ្ញុំមិនចង់មានកូន មិនថាជាមួយអ្នកណាមិនសំខាន់»
«ហេតុអី?» គេសួរទាំងខឹង តែក៏ចង់ស្តាប់ហេតុផលនាង។
«ចុះហេតុអីលោកចង់មានកូន មេក៍?» នាងសួរត្បកទៅវិញ នាងមិនយល់ដូចគ្នាហេតុអីគេស្រាប់តែមានៈចង់មានកូនជាមួយនាង។
«ព្រោះ...» ចម្លើយដែលប្រុងនឹងរបូតចេញពីមាត់ក្រាស់ទៅហើយ បែរជាត្រូវលេបចូលពោះវិញទាំងបង្ខំ។ មេក៍ ដកដង្ហើមធំ ហើយឆ្លើយម្តងទៀតធ្វើដូចជាគ្មានអីធំដុំ។
«ខាស្ពេនស័រ ត្រូវការអ្នកស្នងត្រកូល»
«ប្រគល់រ៉ែពេជ្រនៅភាគនិរតីអោយខ្ញុំ នោះខ្ញុំនឹងព្រមមានកូនជាមួយលោក» នាងប្រើឱកាសដែលហុចអោយ ធ្វើការដោះដូជាមួយគេនិងរឿងដែលឳពុកនាងបញ្ជា។ នាងលួចមើលមុខសង្ហារដែលប្រែជាស្ងាត់មាត់ នឹងសំណើររបស់នាងយ៉ាងអន្ទៈសារ។
YOU ARE READING
កម្តៅស្នេហ៍ (𝐥𝐨𝐯𝐞 𝐨𝐫 𝐥𝐮𝐬𝐭) - ចប់
Romance"អូននឹងព្យាយាមឈប់ស្រលាញ់បង មេក៍..." នាងខ្សឹបខ្សួលប្រាប់បុរសជាទីស្រលាញ់ដោយក្រសែភ្នែកខកដំណង។ ពីមុននាងព្យាយាមស្រលាញ់គេ តែពេលនេះនាងនឹងព្យាយាមកាត់ចិត្តពីគេវិញម្តង... (រដូវកាលទី១) Philia Eden Chamberlin, an illegitimate child who was raised with hatred. G...
