သေခြင်းတရားရဲ့ရှင်သန်ခွင့်

သေခြင်းတရားရဲ့ရှင်သန်ခွင့်{part23}

သေခြင်းတရားရဲ့ရှင်သန်ခွင့်

#အခန်း၂၃#

''ဦးမင်းဇော် ခင်ဗျားအခုဘာပြောလိုက်တယ်´´

''ဥက္ကဌကြီး အသက်ရှင်နေပါသေးတယ်လို့ပြောတာပါ´´

''ဘယ်လို!!´´

ခြင်း နားမလည်သောမျက်ဝန်းများဖြင့် ဦးမင်းဇော်အားကြည့်နေမိသည်။သို့သော် သူ့စကားကို မယုံကြည်နိုင်ပေ။

''ဒီကိစ္စတွေအားလုံးကို ဥက္ကဌရဲ့အကို ဒုဥက္ကဌသိလို့မရပါဘူး´´

''ဘာလို့လဲ ဘာလို့သိလို့မရတာလဲ´´

''ဥက္ကဌ တစ်ကယ်ပဲမမှတ်မိဘူးကို တစ်ကယ်တော့ ဒုဥက္ကဌက ဥက္ကဌထင်နေသလို ဥက္ကဌအပေါ်ကောင်းတဲ့လူမဟုတ်ပါဘူး´´

သူ့စကားကြောင့် ခြင်းရီချင်မိသည်။သူကိုယ်တိုင်ကတောင် ကောင်းခဲ့တာမဟုတ်ပဲ သူများကိုပြောချင်နေသေးတယ်။

''ဦးမင်းဇော်ပြောနေတာတွေ ကျွန်တော်ဘာတစ်ခုမှနားမလည်ဘူး ဒယ်ဒီက ကားမှောက်ပီးဆုံးသွားတာလေ ကျွန်တော်သဂြိုလ်ပေးလိုက်တာ မှတ်မိပါတယ် မဖြစ်နိုင်တာတွေ ပီးတော့ ဘာကြောင့် ကိုကြီးကိုမဟုတ်တာတွေပြောနေရတာလဲ´´

''ကျွန်တော်ပြောနေတာအမှန်ပါ ဥက္ကဌ မှတ်မိလာတဲ့တစ်နေ့ ကျွန်တော့်ကိုယုံပါလိမ့်မယ်´´

''အခုဦးမင်းဇော်စကားတွေက ကျွန်တော်တို့ညီအကိုကို စိတ်ဝမ်းကွဲအောင် တမင်လုပ်ကြံပြောနေသလိုပဲ ဘာရည်ရွယ်ချက်ရှိလဲတော့မသိပေမယ့် ကျွန်တော့်ကို အဲ့နည်းနဲ့မတိုက်ခိုက်ပါနဲ့ ကျွန်တော် ဦးမင်းဇော်ကို ယုံကြည်ခဲ့တာ ကျွန်တော့်ယုံကြည်မှု့ကို မချိုးဖောက်ပါနဲ့´´

ဦးမင်းဇော်မျက်နှာပျက်သွားတာသိသာသည်။

''တောင်းပန်ပါတယ်ဥက္ကဌ ကျွန်တော်မှားပါတယ်´´

''ဒါဆိုလဲ သွားတော့ နောက်ဆိုအဲ့လိုမဟုတ်တာတွေ လာမပြောပါနဲ့ သေသွားနဲ့ဒယ်ဒီ့ကို အားနာပါအုံး´´

''ဒါပေမယ့် ဥက္ကဌကြီးက တစ်ကယ်ပဲအသက်ရှင်နေပါသေးတယ်´´

''လာပြန်ပီ´´