My Owner (Completed)

Part 7 (Uni+Zawgyi)

Uni

"ဒေါင် ​ဒေါင် ​ဒေါင် ​ဒေါင် "

ရွာဦး​ကျောင်းက ၄နာရီ တုံး​ခေါက်သံကြားရတာမို့ ရာစု အိပ်ယာ ထဖို့ပြင်လိုက်သည်။

"အမ် !!!"

ည က အကိုနဲ့ အ​ဝေးကြီး အိပ်​ပေမယ့် အိပ်ယာနိုး​တော့ အကို့ ​ကျောပြင်ကြီးကို ဖက်ပြီး အိပ်​နေမိ​တော့သည်။ သူ့ကိုယ်သူလည်း ရှက်သွားပြီး ဘာလုပ်ရမှန်းမသိ​တော့ ပါ ။ အကို့ကိုလည်း အားနာသွား​တော့သည်။ အမြဲတမ်း လိုလို အိပ်ယာ အ​စော ထတတ်တာမို့​တော်​သေး ၏။ ဒီတိုင်းသာ အကိုက အ​စော နိုး​နေရင် သူကို​ငေါက်မှာဆိုးတာပါ ။ ရာစုက ​မေ​မေနဲ့အိပ်ရင်လည်း ရင်ခွင်ထဲဝင်အိပ်​နေကြမို့ အကျင့်ဖြစ်​နေ​တော့ သည်။ အဲ့အကျင့်ကိုပြင်ဖို့ ကြိုးစားရ​တော့မည်။ အကို့နားက အသာ​လေး ထပြီးမီးဖိုခန်းထဲဝင်ကာ မျက်နှာသစ် ၊သွားတိုက်ပြီးမနက်အာရုံဆွမ်းချိုင့်အတွက် ထမင်း​ပေါင်းအိုးတည် လိုက်သည်။ မ​နေ့ည​နေက ဝယ်ထားတဲ့ ငါးကို ဆားနဲ့နယ်ထားတာ ရေ​လေး​ဆေးပြီး ​ကြော်လိုက်သည်။ ​တောထဲက ​​​ကောက်လာတဲ့ မလွပွင့် ကို ​ရေ​နွေးပြုတ်ကာ ​မြေပဲ​​ထောင်းပြီး သုပ်လိုက်သည်။ အကို့ကြိုက် ပဲကြီး ဟင်း ရည် ကို ချက်လိုက်သည်။အိမ်ကဘုရားကို  ဆွမ်း ​တော်တင်​၊ မျက်နှာသစ်​ရေ ကပ် ၊ ​သောက်​တော်​ရေ ကပ်ပြီး​တော့ဘုရား  ရှိခိုးကန်​တော့လိုက်သည်။ ဘုန်းဘုန်း​ကျောင်းအတွက် အာရုံဆွမ်းချိုင့်ကို အိမ်​ရှေ့က ချိတ်​​လေးမှာ ချိတ်ပြီး အိမ်​​ပေါ်တက်လာသည့်အထိ ၅နာရီသာ ထိုး​သေးသည်။

"အားးး​အေးလိုက်တာ "

​ဆောင်းတွင်းမို့ ၅နာရီဆိုတာ မဲ​မှောင်​နေပြီး ​အေးစက်​နေ​တော့သည်။ ​တော ထဲအလုပ်သွားမည့် သူများက​တော့ လမ်းမှာ ကျွဲ​တွေ ၊ နွား​တွေ ကိုယ်စီဆွဲကာ သွား​နေကြပြီ​လေ ။ တစ်ချို့က​တော့ လှည်း​ပေါ်မှာ မိသားစုအလိုက် ​တောထဲ အလုပ်သွားကြ​တော့သည်။ ရာစုလည်း ​အေး​သေးတာ မို့ အိပ်ယာထဲ ပြန်ဝင်လိုက်​တော့၏။မီး​သွေးမီးဖို ပေါ်မှာအကို့အတွက် လ္ဘက်အချို ​ခြောက် နှိပ်ကာ ပြန်အိပ်လိုက်သည်။