Uni
"မေနွယ် !!!"
"လာသားလေး "
"မေနွယ်
အဲ့လိုတွေဆို သားအရမ်းအားနာတာဗျာ
ရွာထဲကလည်း ပြောနေကြပြီ "
ဒေါ်နွယ်နွယ်ဝင်းက ရာစုတို့ မင်္ဂလာမဆောင်ခင် ရာစုတို့ အိမ်လေးကို ပြင်ဖို့ လူလွှတ်လိုက်သည်။ အကြောင်းကတော့ သားတော်မောင်ပါ။ ထရံအိမ်မှာ မနေနိုင်ပါဘူး ဆိုပြီး ဂျီကျနေတာမို့ ရာစု့အမေအလှနဲ့တိုင်ပင်ပြီး ပြင်ဖို့ ဆုံးဖြတ်လိုက်တာပါ ။ အဲ့လိုတွေ လုပ်ရင်ရာစုလေးက သဘောမတူဘူးဆိုတာ သိတာမို့ နှစ်ယောက်သား ကျိတ်တိုင်ပင်လိုက်တာပါ ။ အခုတောင် အလုပ်သမားတွေ သူအိမ်ရောက်ရောက်ချင်း ဆိုင်ကယ်နဲ့ အိမ်ရောက်ချလာတာသာကြည့်တော့။ အိမ်ကို ခေါ်ရင်တောင် သူ့အကိုကို မတွေ့ရဲလို့ မလာတဲ့သူက ပေါက်ချလာတာ ကြည့်တော့လေ။
"သားလေးရဲ့ ဘာမှ မလုပ်ပါဘူး
အတွင်းက ဖော်မီကာလေး ကပ်ပြီး မျက်နှာကျက် လုပ်ပေးရုံပဲ "
"မေနွယ်ကလည်းဗျာ "
တကယ်တော့ ဒေါ်နွယ်နွယ်ဝင်းက အိမ်အသစ်တစ်လုံးကို ဆောက်ပေးချင်တာပါ ။ရာစုလေး ဘယ်လိုမှလက်မခံတာသိတာမို့ အိမ်အတွင်းနံရံကိုသာ ဖော်မီကာ ကပ်ပြီး ထရံတွေ မမြင်ရအောင် လုပ်မှာဖြစ်သည်။ အိမ်မျက်နှာကျက် လည်း လုပ်ပေးပြီး အဓိက ကတော့ ရာစုလေး အခန်းကို ရှယ်ပြင်ရမှာပါ ။ အခန်းထဲမှာ နေမည့် သူ့သားစိတ်ကြိုက်လုပ်ပေးရမှာပါ ။
ရာစုကလည်းသားအမိနှစ်ယောက်ထဲမို့ သူတို့အိမ် လိုက်မနေနိုင်ဘူးလို့ ငြင်းထား၏။ ကိုယ့်သားကလည်း မွေးကထဲက ချမ်းချမ်းသာသာ နေလာရတော့ ဟိုလိုဆိုမနေဘူး ဒီလိုဆို မနေဘူး ဂျီကျနေပြန်၏။ဒေါ်နွယ်နွယ်ဝင်းလည်း ကလေးနှစ်ယောက်ကြား ညှိရတာ မလွယ်လှပေ။
"ဟောင့် ပေါက်စ မင်းအသံကြည့်ပဲ
စောစော စီးစီး သူများအိမ်မှာ ပူညံပူညံနဲ့"
"ကျနော့ နာမည် ပေါက်စ မဟုတ်ဘူး
နာမည်ရှိတယ် "
ရာစု က သူ့ကို ပေါက်စ ပေါက်စ လို့ ခေါ်နေတာ သဘောမတွေ့ပါ ။ သူ့ကျွန်လိုပဲအမြဲအထက်စီးက နေ ပေါက်စလို့ ခေါ်နေတာ မပြောချင်ပေမယ့် အရဲစွန့်ကာ ပြောလိုက်ရသည်။
KAMU SEDANG MEMBACA
My Owner (Completed)
Romansaမင်းက ငါ့ဘဝကို အပိုင်သိမ်းလိုက်တာကွ #ဓနပြည့်စုံ ကျနော်ဘာမှားနေလို့လည်း အကို ထားတဲ့နေရာမှာနေမယ် အကိုကျွေးတာစားမယ် အကို လုပ်သမျှလက်ခံဖို့ အဆင်သင့်ပဲလေဗျာ #ရာစုငယ်
