Uni
"ကြီးလှ ရာစု လေးရှိလား "
"ရှိတယ် ဆရာလေး "
"သားလေးရေ
ဆရာ လေးသန့်စင် အိမ်လည်လာတယ် "
"လာပြီ မေမေ "
ရေချိုးပြီး အခန်းထဲမှာအဝတ်လဲနေရာကနေ လှမ်းအော်လိုက်သည်။ ဆရာလေးဆိုသူက အခြားသူတော့မဟုတ် ရာစု တို့ ရွာအထက်ကျောင်းက မူလတန်းပြ ဆရာလေး ဖြစ်၏။ ရာစုနဲ့အသက် ၅ နှစ်လောက်သာ ကွာသည်။ ပြောရမည်ဆိုရင် ဒီရွာသားတစ်ယောက်ပါပဲ ။ ရာစု ကို ချစ်ရေးဆိုထားတာ ၁နှစ်ကျော်နေပါပြီ။ ရာစုကတော့ အသက်၁၈ နှစ်ဆိုပေမယ့်အချစ်ကို ဘာမှန်းမသိသလို ဘယ်သူမှလည်း မချစ်တတ်ပါ ။ သူက ဂေးဆိုတာတော့ မေမေ့ကို ဖွင့်ပြောပြီးသားပါ ။ မိန်းကလေးတွေကို မကြိုက်ပေမယ့် ဘယ်ယောကျာ်းကိုမှလည်းရင်မခုန်ဘူးပါဘူး ။ တကယ်တန်း ရွေးရမယ်ဆိုရင်တော့ ဆရာလေးက ငြင်းစရာ မလိုတဲ့ လူတစ်ယောက်ပါ ။
"လာပါ အကို သန့်စင်
အလည်လာတာလား "
"မဟုတ်ဘူး ရာစုလေး အကို့တွက် ပုဆိုးလေး ချုပ်ပေးပါအုန်း "
သန့်စင်ကလည်း ရာစု ဆီ လာချင်တာမို့ အကြောင်းပြကာ လာရောက်ရခြင်း ဖြစ် သည်။ သူ့အမေ ရှိနေတာမို့ အိမ်ရှေ့ စားပွဲခုံ ပေါ်တွင် ရေနွေးကြမ်းသောက်ရင်းစောင့်နေလိုက်တော့သည်။
"ဆရာလေး လ္ဘက်သုတ်လည်းစားနော်
ကြီးကြီး အမေတို့ အိမ်ဘက်သွားလိုက်အုန်းမယ် "
"ဟုတ်ကဲ့ပါဗျ"
ရာစုလေး အမေ အိမ်ပြင်ရောက်တာ နဲ့ သန့်စင် လည်းရာစု စက်ချုပ်တဲ့ ဝရံတာနား ရောက်လာတော့သည်။ သူ့အတွက်အခွင့်အရေးပဲလေ လက်လွှတ်ခံလို့ ဖြစ်ပါ့မလား ။
"ရာစု လေး ဖြေးဖြေးချုပ်ပါ အကို အကြာကြီး စောင့်ပါ့မယ်
ဒီနေ့ ကျောင်းပိတ်တယ်လေ "
အကို သန့်စင် ဘာဖြစ်ချင်နေတာ သိတာမို့ရာစု အမြန်သာ ပုဆိုးချုပ်ပေးလိုက်တော့သည်။ ကိုယ့်ကို ချစ်ရေးဆိုထားတဲ့ သူတစ်ယောက်နဲ့အကြာကြီး စကားပြောဖို့ ရာစု အတွက်အဆင်ပြေမနေပါ ။
ВЫ ЧИТАЕТЕ
My Owner (Completed)
Любовные романыမင်းက ငါ့ဘဝကို အပိုင်သိမ်းလိုက်တာကွ #ဓနပြည့်စုံ ကျနော်ဘာမှားနေလို့လည်း အကို ထားတဲ့နေရာမှာနေမယ် အကိုကျွေးတာစားမယ် အကို လုပ်သမျှလက်ခံဖို့ အဆင်သင့်ပဲလေဗျာ #ရာစုငယ်
