Uni
"သားလေး!!!"
"မေမေ လာလေ
စု ရှိတယ် "
မေမေက ရာစု အိမ်ကို လာလည်တာမို့ ရာစု အပြေးထွက်ကြိုလိုက်သည်။ မေမေက သူမင်္ဂလာဆောင်ပြီးထဲက ဖွားဖွားအိမ်ရောက်သွားလိုက်တာ အိမ်တောင်လာလည်မအားပါ ။ မအားဆို ဖွားဖွားနားမှာ နေ့နေ့ ညည အဖော်ပြုပေးနေရသည်။ ဖွားဖွားက အသက်ကြီးပြီမို့ မေမေက မျက်စေ့အောက်က အပျောက်မခံနိုင်အောင်ဖြစ်နေတော့သည်။
"သားကို မေမေ အကူအညီတောင်းစရာရှိလို့ "
"ပြောပါမေမေရဲ့ သားအမိတွေပဲ "
"မေမေနဲ့ သားလေးလေး တစ်ညအိပ်ခရီးသွားချင်လို့ ဖွားဖွားကို စောင့်ပေးပါလား "
"အော် မေမေ ရယ် ရတယ်လေ
စု သေချာ စောင့်ပေးမယ် "
မေမေနဲ့ လေးလေးက အမျိုးတွေ ရှိတဲ့အညာကို အလှူ သွားရင်း ဘုရားသွားဖူးမယ်တဲ့ ။ သူတို့ ညီအမ နှစ်ယောက်လည်း နွေကျောင်းပိတ်ရက်လေးသွားရအောင် ရာစု က နှစ်ည အိပ်အေးအေးဆေးဆေး လည်ခဲ့ဖို့ ပြောလိုက်၏။ မေမေလည်း အိမ်တွင်းပုန်းနေရတာ ကြာပြီမို့ ရာစု စိတ်အေးလက်အေး လည်ခဲ့ဖို့ မှာရသည်။ ချောမော လှပတဲ့ မေမေက သူ့ကြောင့် ငယ်ရွယ်တဲ့ ဘဝတွေ ဘယ်မှ မသွားရမလာရမို့ မေမေ့ကို စိတ်ချမ်းသာစေချင်တာပါ ။
"သားလေး မေမေ ပြန်မယ်နော် "
"ဟုတ်မေမေ ပျော်ပျော်ကြီးလည်ခဲ့ "
မေမေ ပြန်သွားပြီးတော့ ရာစု ညစာ ချက်လိုက်သည်။ အကို ပြန်လာခါနီးတာမို့ ဟင်းချက်ဖို့ပါပြင်လိုက်သည်။ အိမ်ခေါင်းရင်းက ဗူးစင်ကနေ ဗူးညွှန့်ခူးပြီး ကြော်ဖို့ လုပ်လိုက်သည်။မြို့က စျေးကားက ဝယ်ထားတဲ့ ငါးဖယ်ကို ခရမ်းချဥ်သီးနဲ့ဆီပြန်ချက်လိုက်သည်။ ငရုတ် သီး ဆားထောင်းလေးပါ ထောင်းလိုက်၏။
"သားဖြူလေးရေ
စားလေကွာ
ခဏနေ ဖေကြီး လာရင် ဖေဖေ မအားတော့ဘူး "
"ဟိတ် !!!ဘာတွေ ပြောနေတာလဲ
အကို့အတင်းတုတ်နေတာပေါ့ "
YOU ARE READING
My Owner (Completed)
Romanceမင်းက ငါ့ဘဝကို အပိုင်သိမ်းလိုက်တာကွ #ဓနပြည့်စုံ ကျနော်ဘာမှားနေလို့လည်း အကို ထားတဲ့နေရာမှာနေမယ် အကိုကျွေးတာစားမယ် အကို လုပ်သမျှလက်ခံဖို့ အဆင်သင့်ပဲလေဗျာ #ရာစုငယ်
