My Owner (Completed)

Part 5 (Uni+Zawgyi)

Uni

"ညီ​လေး ရာစု !!!
ဘယ်လဲ "

"ဘုန်းကြီး​ကျောင်းအကိုသန့်စင် "

ရာစု ဒီရက်ပိုင်းလုံးဝမအားရ​အောင် သူမင်္ဂလာ​ဆောင်အတွက်အဝတ်အစား​တွေ ချုပ်​နေရသည်။ ဒီ​နေ့ ​မေနွယ်နဲ့ ​မေ​မေ က ဘုန်းကြီး​ကျောင်း မင်္ဂလာရက်သွား​ရွေးကြ၏။ ​မေ​မေက ရာစုကို ဖုန်းဆက် ​ခေါ်တာ​ကြောင့် ဘုန်းကြီး ​ကျောင်းကို ​​ခြေကျင် အမြန်လာလိုက်ရ၏။ ဆိုင်ကယ်က ​မေနွယ်အိမ်မှာ ​ရောက်​နေတာ အကို့ကို​ကြောက်လို့ အခုထိမယူရ​သေးပါဘူး ။ ​ခြေ​တောက် သံစူးထဲက အိမ်မှာပဲ ​နေပြီး အဝတ်အ စား​တွေ ချုပ်​နေတာပါ ။ အိမ်ကလည်း ပြင်လို့ အားလုံးပြီးစီးသွားပြီ​လေ ။ ရာစု အခန်းဆို ​မေနွယ်က အကျယ်ကြီးချဲ့​ပေးလိုက်ပြီးထရံ​တွေ ဖြိုချကာ အုတ်နဲ့ ​သေချာ​လေး အသစ်ပြန်လုပ်​ပေးထား၏။ သူသား ​နေလို့အဆင်​ပြေ​အောင် ခြင်လုံ ခန်းပါ ​လုပ်​ပေးထားပြီး aircon ​တောင် တပ်​ပေးထားသည်။ ရာစုက အဲ့အခန်းကို သန့်ရှင်း​​ရေးလေးဝင်လုပ်​ပေမယ့် အသစ်ကြီးဖြစ်​​နေတာ​ကတစ်​ကြောင်း ၊ မင်္ဂလာ အခန်း လုပ်မှာ ​ပြော ထားတာကတစ်​ကြောင်းပိတ်ထားပြီး မေ​မေနဲ့သာ အိမ်​ရှေ့ထွက်အိပ်ပါသည်။ ​မေ​မေကလည်း ရာစု မင်္ဂလာ​ဆောင်ပြီးရင် ဖွားဖွားတို့အိမ်မှာ ပဲ​ပြောင်း​​နေတော့မှာဆို​တော့ အ​မေ နဲ့ ​နေရတုန်းလေး ညဆို ​မေ​မေကို ဖက်အိပ်ပါသည်။ ​

"အမ် !!!"

ရာစု အကြီးအကျယ် ​ကြောက်လန့်သွား​တော့၏။ ဘုန်းကြီး​ထဲမှာ အကိုသန့်စင် ဆိုင်ကယ်​​ပေါ်က ဆင်းဆင်းခြင်း အကို ဓနနဲ့ထိပ်တိုက်ဆုံ​နေ​တော့ သည်။ ရာစုလည်းခြေကျင်လာဖို့ အဆင်မ​ပြေတာမို့အကိုသန့်စင်​နောက်က လိုက်လာရ​ပေမယ့် စိတ်ထဲတွင် မတင်မကျဖြစ်​နေ​တော့သည်။ အခု​တော့ အကို ဓန မျက်နှာကို ကြည့်ကာမှားသွားမှန်းသိလိုက်ပါပြီ။

​"ကျေးဇူးပါ အကိုသန့်စင် "

​"အေး ရာစု​လေး"

ရာစု တစ်​ယောက်အကိုသန့်စင်ကို နှုတ်ဆက်ပြီး ​ဘုန်းကျောင်း​​ပေါ်တက်သွား​တော့ အကို ဓနက စား​တော့ဝါး​တော့မယ့်မျက်နှာ​ပေးနဲ့ သူ့ကိုကြည့်​နေ​တော့သည်။ ရာစု လည်း ကိုယ်လိပ်ပြာ ကိုယ်လုံတာမို့ ပြီးမှပဲ အကို့ကိုရှင်းပြ​တော့မည်ဆိုပြီး ​မေ​မေတို့​နောက်နားတွင် ကပ်ထိုင်လိုက်ပါသည်။