Uni
"ဘာလို့ငိုပြန်တာလဲ "
"ဟင့်....ဘာမှ မဖြစ်ပါဘူး...အင့်"
ဓန က မနက်ဖြန် ရန်ကုန်သွားဖို့ luggage ပြင်ခိုင်းနေတာကို မျက်ရည်တွေ ကြပြီး ပြင်နေ၏။ သူ့မေးတော့လည်း ဘာမှ မပြောတာမို့ ဓနဒေါသ ထွက်နေတော့သည်။ တစ်ခုခု ဆို ဘာမှ မပြောဘဲငိုတဲ့အကျင့်ကို ငေါက်ရအုန်းမည်။ မငေါက်လို့လည်းမရ ပါ ။ သူကဘာဖြစ်မှန်းမသိတော့ ကိုယ်က ၅ရက်လောက် ကုမ္ပဏီကိစ္စ ခရီး ထွက်ရမှာလေစိတ်ကဖြောင့်ပါအုန်းမလား ။ ဘာတွေက ဘာမှန်းမသိအောင် အကောင်ပေါက်လေးက မျက်ရည်ပိုကျလာတော့သည်။
"အုဝဲ ငါက မေးနေရင် ဖြေမှကြိုက်တာ
ပြော ဘာကိစ္စ ငိုနေရတာတုန်း
ငါဒေါသ ထွက်လာရင် မလွယ်ဘူးနော် "
"စု က ဒီအိမ်မှာဘဲနေချင်တာ
အိမ်ကို စိတ်မချလို့ပါဆို "
ဓန အခုမှရိုက်ရမလို၊ ငေါက်ရမလို ဖြစ်သွားတော့သည်။ သူ့အိမ်ကို ဥစ္စာ ခြောက်နေတဲ့အကောင်ပေါက်ပါ ။ ဓန ကရန်ကုန်သွားမှာမို့ သူ့ အမေအိမ်မှာ ပြန်အိပ်ခိုင်းတာကို စိတ်မကောင်း ဖြစ်နေတာ နေမှာပါ ။သူ့အိမ်မှာက အရင်လိုမဟုတ်ဘဲ ပစ္စည်းတွေက အပြည့်အစုံ ဆိုတော့ စိတ်မချတာ နေမှာပေါ့ ။
"အင်း အဲဒါဆို တစ်ယောက်ထဲတော့ စိတ်မချဘူး
မိနှင်း အဖော် ခေါ်အိပ် "
"ဟုတ်အကို "
"တော်ပြီ မျက်ရည်တွေ အခုသုတ်
ငါ ထမင်းစားမယ် "
"ဟုတ်အကို ခဏလေးနော် စု ဟင်းတွေ ပြန်နွှေးလိုက်အုန်းမယ် "
ဓန သူ့ ရှေ့က ထွက်သွားတဲ့ အုဝဲကို ကြည့်ကာ တချက်တချက် ဘာလုပ်ရမှန်း မသိ ။ ဆူရမှာလား၊ချော့ရမှာလား ဘာလုပ်ရမှန်းကို မသိပါ ။ သူ့အပေါ် အရမ်းအားကိုးတာတော့ သိ၏။ အခုလည်း သူနဲ့သာ ထမင်းစားတာ အုဝဲတစ်ယောက်ထဲဆို ထမင်းမေ့၊ဟင်းမေ့ စက်ချုပ်တော့မှာပါ ။
"အကို့ !!!ရပါပြီ "
"ဘာတွေလည်း
များလှချည်လား "
ရာစုက အကို ခရီးထွက်မှာလို့ ပြောလိုက်ထဲက လူက နေလို့မကောင်းပါ ။ တစ်ခု ခု ဟာသွားသလို ဖြစ်နေပြီးရေခဲသေတ္တာထဲမှာ တွေ့သမျှ တွေကို ချက်ပြစ်လိုက်သည်။ ဝက်အူချောင်းကြော် ၊ ဘဲဥ ပြုတ်ပြီး ကြက်သွန်နီနဲ့သုပ်၊ ကော်ဖီပန်းပွင့် ကို ကြက်ဥနဲ့ကြော် ၊ ရွာထဲက လာရောင်းတဲ့ ဗမာကြက်ကို ရေချို ချက်ကာ ပြင်ထားလိုက်သည်။ သူ့အတွက်ကတော့ ထုံးစံအတိုင်း လ္ဘက် သုပ်ချဥ်ငန်စပ်လေး သုပ်လိုက်သည်။
YOU ARE READING
My Owner (Completed)
Romanceမင်းက ငါ့ဘဝကို အပိုင်သိမ်းလိုက်တာကွ #ဓနပြည့်စုံ ကျနော်ဘာမှားနေလို့လည်း အကို ထားတဲ့နေရာမှာနေမယ် အကိုကျွေးတာစားမယ် အကို လုပ်သမျှလက်ခံဖို့ အဆင်သင့်ပဲလေဗျာ #ရာစုငယ်
