Uni
"ဒီဗီဒိုထဲက အကို့အဝတ်အစားတွေနော်
အပေါ်ထပ်က အင်္ကျီ ၊ အောက်ထပ်က ပုဆိုးနဲ့ ဘောင်းဘီ
အတွင်းခံတွေက အောက်ဆုံးမှာနော် "
"အွန်း "
အုဝဲက မနက်ဖြန် အဝေးသင်သွားတက်မှာမို့ သူ့အတွက် စီစဥ်နေတာ ဖင်တောင်မထိုင်နိုင်အောင် ပါ ။ရေခဲသေတ္တာထဲမှာလည်းစားစရာတွေ အစုံအလင် ထည့်ထားပေးခဲ့ပြန်သည်။ သူ့အတွက်လိုအပ်တာတွေ အားလုံးကို တစ်လစာစီစဥ်ပေးနေ၏။ မသိရင် သားကို အမေက ခရီးထွက်မှာမို့ စိတ်မချသလိုမျိုးပါ ။ အုဝဲအပေါ်သူလည်းသံယောဇဥ်ခိုင်မြဲလာခဲ့ပါသည်။ ဒီနေ့ဆို တစ်နေကုန် အလုပ်မသွားဘဲ အုဝဲနားမှာ အတူရှိနေပေးခဲ့သည်။
"စုလေးရေ စုလေး !!!"
"အေး ငါဒီမှာ မိနှင်း "
"ကားက မနက် ၁၀နာရီကားတဲ့နော် "
"အေးပါ "
မိနှင်းက အိမ်ပေါ်လည်း မတက် လမ်းကနေသာ ခေါ်သွားတော့သည်။ ဒီကိစ္စလည်း အကိုနဲ့အတိုက်အခံပြောထားရတာပါ ။ အကိုက သူလိုက်ပို့ပေးလို့ပြောနေတာကြောင့်ပါ ။ ရာစု တို့တရွာလုံး အဝေးသင်သွားမယ့်သူ ၁၀ယောက်ကျော်က အိမ်တစ်လုံး ငှားနေကြမှာဖြစ်သည်။ ယောကျာ်းလေးတွေကော မိန်းကလေးတွေကော က တစ်ရွာထဲသားတွေမို့ စည်းစည်းလုံးလုံးရှိကြသည်။ ကားကလည်း express ဖြင့်သာ သွားကြမှာပါ ။ ကိုယ့်အဖွဲ့နဲ့မသွားဘဲ အကို့ကားနဲ့တစ်ယောက်ထဲခွဲသွားရမှာတော့ ရာစု လိပ်ပြာ မလုံပါ ။
"အကို ဒီမှာ ဘဏ်စာအုပ်နဲ့ လက်ဝတ် လက်စားတွေ"
"ယူသွားလေ ကွာ "
"ယူမသွားပါဘူး အကိုကလည်း
ပျောက်သွားရင်ဘယ်လိုလုပ်မလဲ
အကိုပဲသိမ်းထားပေး"
"အဟက်!!!"
ဓန တစ်ယောက် စိုးရိမ်တကြီးပြောနေတဲ့ အုဝဲလေးကို ကြည့်ကာ ရယ်ပစ် သည်။ ဘာလေးမှန်းမသိအောင် ချစ်ဖို့ကောင်းနေပြန်တော့၏။
"အကို ဒီဘောင်းဘီ ထည့်ရမှာလား"
"မထည့်နဲ့ အတိုတွေ အကျပ်တွေ လုံးဝယူမသွားနဲ့ကြားလား "
YOU ARE READING
My Owner (Completed)
Romanceမင်းက ငါ့ဘဝကို အပိုင်သိမ်းလိုက်တာကွ #ဓနပြည့်စုံ ကျနော်ဘာမှားနေလို့လည်း အကို ထားတဲ့နေရာမှာနေမယ် အကိုကျွေးတာစားမယ် အကို လုပ်သမျှလက်ခံဖို့ အဆင်သင့်ပဲလေဗျာ #ရာစုငယ်
