အလင်းနဲ့အရှင်မ ရင်တွင်းစကားများကိုအပြန်အလှန်ဖွင့်ဟပြီးတဲ့နောက် အရှင်မနဲ့သိပ်မတွေ့ဖြစ်။ လုတလော နန်းတွင်းရေးတွေသိပ်ရှုပ်နေတာကိုတော့ အလင်းတစ်စွန်းတစရိပ်မိပါတယ်။ ကြားထဲ အရှင်မလည်းအလုပ်ရှုပ်နေသည်မို့ အလင်းလည်း သွားမရှုပ်သာ။ အဆောင်ချင်းသိပ်မဝေးတာတောင် မျက်နှာလေးမြင်ရဖို့တောင်သိပ်ခက်နေလေရဲ့......လွမ်းလိုက်တာ.........အချစ်ရယ်။
နန်းတွင်းးေရး မအေးသလို အလင်းမှာလည်း ဒုက္ခမသေးလှပါ။အမွှေစိန်ရဲ့ မျက်စိဒေါက်ထောက်ကြည့်ခြင်းကိုခံနေရသည်။ဒီကောင်မလေး အလင်းကို ဘာအလိုမကျနေလဲမသိပါ။တစ်ထစ်ရှိ အလင်းပဲရန်လာရှာနေသည်.........စိတ်မရှည်တော့ပေမဲ့......အရှင်မမျက်နှာကြောင့်သာ ဒင်းကိုအချိုသပ်ပေါင်းနေရသည်။
အရှင်မနဲ့မတွေ့ရတဲ့တစ်နေ့တာတိုင်းကို မမယဥ်မွန်တို့ ကိုဝသုန်တို့ဆီသွားကာ အချိန်ဖြုန်းနေမိသည်။ချစ်မိပြန်တော့လည်း မျက်စိအောက်ကအပျောက်မခံနိုင်လောက်အောင်ကို အတ္တကြီးနေမိသည်။
လပြည့်ဝန်း၏ ဖြူပြာသောငွေရောင်တို့သည် အရှင်မအပန်းဖြေရာ အဆောင်တော်ပေါ်သို့လှပစွာဖြာကျနေသည်။
ထို့အတူ အဆောင်ရဲ့စင်္ကြံလမ်းမှာ လက်ကလေးကလေးပိုက်ကာရပ်နေတဲ့ အဖြူရောင်အရိပ်ကလေးကြောင့် ရင်ထဲထိပ်ခနဲ့ ဝမ်းသာသွားသည်။
အဆောင်တော်အနားကိုရောက်တော့ ဝတ်လွှာအဖြူလေးဟာ လရောင်ကြောင့် နဂိုထက်ပိုဖြူနေသကဲ့သို့ လုံးဝန်းနေတဲ့ လက်မောင်းသွယ်သွယ်ဟာလည်း လရောင်ကြောင့်ပိုပြီး ဖြူဝင်းနေလေသည်။ မျက်နှာဟာတည်တင်းနေပြီး ထူထဲသောမျက်ခုံးနှစ်ဖက်ဟာလည်း တစ်ခုနဲ့တစ်ခုနဲ့ထိစပ်တော့မဲ့အထိကို ကျုံ့ထားလေသည်။ အလင်းအနားရောက်သည်ကိုပင် သတိမမှုမိအောင် ဘာတွေများစိတ်ရှုပ်နေပါလိမ့်။
"အချစ်"
"ဟင်.......အမောင်"
အံ့သြသွားတဲ့ပုံကိုမျက်နှာမှာ ခဏသာမြင်လိုက်ရပြီး
အလင်းဆီကိုတိုးဝင်ပွေ့ဖက်ထားလေသည်။ရင်ခွင်ထဲခေါင်းတိုးဝှေ့ရင်း လက်အစုံဟာလည်း အလင်းခါးမှာ တင်းကြပ်စွာပွေ့ဖက်ထားရင်း လွမ်းတယ်ဟုတစ်ဖွဖွပြောနေလေရဲ့။အလင်းလည်းခပ်ဖွဖွရယ်ရင်းပြန်ဖက်ထားကာ ကျောပြင်ကိုပုတ်၍နှစ်သိမ့်ပေးလိုက်သည်။
YOU ARE READING
စေဝတ္တရာပြည်သို့ တမ်းချင်း
Fantasyအချစ်ဆိုတာ အချိန်မရွေး နေရာမရွေး ချစ်မိသွားတာမျိုး ဦးနှောဏ်ကမချစ်ဖို့ သတိပေးနေတုန်းမှာပဲ နှလုံးသားကချစ်လိုက်မိပြီ လင်းမြတ်မာန် ကျွန်တော့ရဲ့ ပထမဆုံးစိတ်ကူးယဥ်ဇာတ်လမ်းလေးပါ
