ثمرة الماضي

part 6

كتله كوم احضني بويه ..
وبوسني اترجاك ..
بويه شبيك ساكت ..
هذا مو ملكاك ..
تلاكيني جن ملگى الطفل للعيد ..
ها بويه كمت والموت ما خلاك ..
روحي وگلبي اخذهه بويه .. اخذهه هاك ..
ما ادري الضروره تعلت جفاك ..

زهــراء الـــﻜناني
ـــــــــــــــــــــــــــــــــــــــــــــ

ذبيت نفسي جنازه..ميت تعب..ما فكرت بشي بعد..
فزيت بنص الليل..جانت بالثنتين و نص تقريبا..
على صوت طلقات..طلعت بدون وعي بره..
و ريتني ما شفت هل منظر....
شفت باب المطبخ مفتوحه..

صحت : اخلاااص وينننج..كل ظني اخلاص بره..
اجت اخلاص تركض..و خايفه متدري شديصير..
صگر : انتي ابقي هنا..انه اروح اشوف..خاف حرامي..
بس عديت باب المطبخ صار بوجهي..
اااخ يا قساوته هل منظر...

حراره صارت براسي..و الدم مفور بجسمي..اعصابي انشدت و رخت بنفس الوكت..
رجليه متشيلني بعد..كلبي ما ادري مدا احس بنبضاته جي يدك سريع لو اصلا مدا يدك..
مثل شخص رايح يعبر شط..يتخيله مو غميج..
هناك و يغرك..المصيبه ميطلع..الا من تطلع روحه..
..مدري شلون عانتني رجلي..

صار الف شعور بالثانيه..رحت ركضت ع الباب..
مفتوحه و الدم تارس المكان..حتى ع الباب صاير..
ذبيت كل حيلي بالكع..شلته و خليت راسه بحضني..
و ايدي على صدره..صار عبارة عن دم..حتى ما يبين..
مصدوووم..منتهي..ما اعرف شجرالي..

صگر : يابه..اكعد..يابو صگر القوي..الشهم..الكفو..
ضربت على وجناته بشكل خفيف اريده يكعد..
يابه تسمعني..شبيك متجاوب..يابه حاجيني..
جاوبني..ما يجاوب..نزلت دموعي بحرگة و حراره..حركت وجناتي..

دنجت راسي عند صدره..ابجي و اشهك مثل الطفل..
حجيت بگلبي و الحسره و العتاب هل كدة..:
وين رايح من هسه..والله اعوف الشغل ميخالف بس كوم..

اعرف عاندتك و بقيت بهل شغل..بس اكعد..
والله ابطل و داعت صوتك..اااخ يا حسرتي..
يابه..يعني بعد ما اكول يابه..
محبوبتك مشتاكتلك..شلون تعوفهه وحدهه..اخلاص منو يبقالهه يابه..

انه و محمد..يابه بس ارجع..انه قابل بكل شي تسوي..
قابل بكل مشكله تجيني..يابه گلبي محترك..
وراهه الكلمات صارت متطلع من حلكي..اخربط و ماعندي كلمه صحيحه..

رفعت راسي..الدم صاير على وجناتي وايدي والتشيرت..جنت لابس تشيرت ابيض
العالم كلهه طلعت من بيوتهه بس بالباب محد تگرب..كلهه تخاف وكت طائفيه ويدرون بيه مقدم وعندي عدواني اكيد..
درت وجهي شفت اخلاص..ايدهه على حلكهه وتبجي..

اجت يمي..ناحت وبجت وصيحت..كلبت الدنيا..
انه وره هل لحظه صرت صاااامت..بس داخلي محترك..

داخلي الف والف كلمه..داخلي مشتعل نار كبره..
جهنم وبراكين بداخلي..
ريتني سامع كلامك يابه..ياريت بس..حجيت بصوت متثاقل ومتقطع..