ثمرة الماضي

part 32

متربع على گلبي بحبك ..
تنهي و تأمر يا سلطان ..
و انته المالي الدنيا عليه ..
خليني بحبك حلمان ..
متولع بيك و مجنونك ..
كل العشاك يعرفونك ...
محبوبي انتَ و ضي العيون ..
صاير انت الكل بالكل ..
صاير انت الكل بالكل ..

ـــــــــــــــــــــــــــــــــــــــــــــــــــــــــــــــ

انداريت على محمد جان كاعد يمي..كتله : محمد الله عليك خابر صگر..حموت خوف شسوي..

محمد : انه هم خفت والله..حكوم اطلع للمحل اخابر بعد وكت هسة مفتحين..لا تكولين لامي خاف يصعد سكرهه..

كمت ارجف ياربي ماكو شي..لا تصدمني مرت اللخ .. اخذ التلفون وراح..ضليت افتر بالصالة وادعي .. يارب ماكو شي مو هو والله مو هو..

تقريب النص ساعة واندكت الباب..رحت افتحهه وايدي ترجف لساني ما سكت عن الدعاء..اجه محمد..بالباب حاجيته متحملت اصبر..كتله : ها جاوبك مو..

محمد : اي جاوب لا تخافين..كال انه بسامرا اصلا مو ببغداد يعني مو يمه حتى..

جريت نفس دخل لكل جسمي..كتله : الف الحمدلله..تعال فوت يعني صدك هاي اول مره يصير شي وما ينشلع گلبي بكل مره لازم تصير شغلة تخلي السالفة تطول وتعرض همزين ما حجيت لخالة..

جان ضل بالهه ع الخالي بلاش..كمت توضيت وصليت بعدين ساعتين تقريبا ونمت..
وهاي هج مرت الايام ماكو شي جديد..

كله كاعدين بالشقة لو نطلع نتمشى..صگر بس مرتين حجيت وياه يمكن خالة بين فترة وفترة تحاجي
يكول زين..بالشهر الثالث ٢٠٠٨ وضع البصرة تأزم حيل وهواي ناس ماتت..

الله يرحم الكل بس صدك بوكتهه حمدت ربي الف مره لأن صگر انقل من البصرة للعمارة بعدين لبغداد..لو ضال بالبصرة ممكن يصيرله شي لا كالهه الله والحمدلله ما صار شي يضره..

وراهه بالشهر الخامس بلش الوضع فعلا يستقر حتى بالاخبار يكولون وصگر همات من يخابرة محمد يكله نعمة احسن من كبل بهواي..بيوم اندكت الباب العصرية..

جنت كاعدة دا اتفرج فلم وطه بحضني..كمت فتحت الباب صار امنية بوجهي دخلتهه جوه وكعدنه..رحت اجيبلهه شي جان تحجي..

امنية : لا تعبين نفسج عيوني..اجيت اودعج..
عاينت عليهه متفاجئة : ليش وين حتروحين..شنو حتشيلون

امنية بضحكة : لا ليش نشيل..حنرجع للعراق واخيرا .. طكت رويحتي من الغربة وكعدة الشقة هاي..

عفت الكلاص من ايدي ورحت يمهه..حضنتهه وبستهه : بالسلامة يارب..تعودت عليج وعلى سوالفج شوكت تطلعون

امنية : حبيبتي واني هم والله..
هسة راح عمر يحجزلنه .. ابويه خابرتو قبل فترة اسبوع تقريبا..كتلو شلونو وضع العراق كال زين مستقر ليش ما ترجعون..كتلو اشوف عمر ونجي ما مطولين..