ثمرة الماضي

part 27

ذوبت گلبي بمحبتك ..
وانت مامصدگ احبك ..
جايني ..على بيتك ..
تعبت عيوني اعلى دربك ..
بيمن احلفلك تصدگ ..
مايخونك گلبي عشگ ..
انتَ اول حب عرفته ..
مو سهل انسى واضيعه ..
انتَ حارگني بسكوتك ..
گول احبك تطفي ناري وكل لهيبة ..

الكاتـبه:- زهــراء الـــﻜناني

ــــــــــــــــــــــــــــــــــــــــــــــ،

اجة يمي اخذني من ايدي ورجعنة للسيارة.. حط ايدة بجيبة الورة..طلع ورقة مدري شنو بيهه..يمكن رقم لأن كتبة بالتلفون وكال

اليوم ارد اعرف شقصدت هذيج..دك مرة مشالوه.. بالمرة الثانيه يالله..اخذ نفس وكام يحجي بهدوء..

صگر : الو..الحجية موجودة..هلة بيج حجية..اي انه شفتج بالعيادة..حجية ارد اجي اشوفج بعدين افهمج كلشي وين اكدر اجيج..كامت توصفلة الطريق

هو يكللهه اي اندليت خلص بس مسافة الطريق..سدة وشغل السيارة..اريد اسألة وين رايحين بس مثل كل مرة..لساني مربط..بالطريق خابرة ابوي حجة وياه ع النتيجة مالت الناظور..

صگر جاوبة وصوتة مبينه علي القهرة..كلة ايجابية..ويكلي علاجهه مو يمي..حجة وياه شوي بعدين سدة..كام يصيح ويسوق سريع..ورة فترة ضرب بريك ونزل..اجة نزلني وتمشينة لبيت صاير ركن دربونة.. دك الباب طلعتلة حجية..سلم عليهه وطبينة جوة..

هي نفسهه الجانت بالعيادة..بس انه معرفتهه بالشكل معاينت لوجهه ذاك اليوم..كعدنة بصالة صغيرة..

الحجية : خير خالة..شطلع بيهه..
صگر : سوالهه سونار..كال مابيهه شي بس اتأكد اكثر بالناظور سويتلهيا ببغداد بالكرادة وانتظرت جم يوم وطلعت النتيجة مابيهه شي..

الدم التستفرغة شنو..خلصت والله شوفيهه حتى مابيهه حيل تمشي وتخلي لكمة بحلكهه..

الحجية : شوف انه عرفت والله بس كلت بلكت الله اطلع غلطانة والبنية بيهه مرض عضوي..

صگر : شلون اذا مو عضوي..

الحجية : انه بنتي كبل سنتين صارت مثلهه بالضبط.. تبجي ومتعاين بوجوه الوادم..تركت نفسهه..حتى سبح متعرف تسبح هم ضليت دكتور يوديني لدكتور اخر شي عمتي الله يرحمهه مرة جبيرة بالعمر

تعرف بهلسوالف..كلتلي هاي مسويلهه عمل بالبداية مصدكت..كتلهه هي بنتي منو شايفهه خاطر يسويلهه عمل..

كلتلي ادليج على شيخ ببغداد تروحيلة بعدين تكومين تترحميلي..هو حيكلج مسويلهه كيت وكيت..

والله واخذتهه لبغداد وحدي ابوهه متوفي..رحت للشيخ كتلة هاي بنتي يمك وماطلع اذا متصير زينة وتكلي شبيهه..

قام يقرة عليهه بصوت عالي هي تخبلت وضلت تصيح وتبجي وتعت بايدة..اخر شي كلي مسويلهه عمل بس ربج حميد فاكي..