زهــراء الـــﻜناني
" تايهين
بلا محطات و سفر ....
و الفرح مَر بينه صدفه
و نكسر "
ـــــــــــــــــــــــــــــــــــــــــــــــــــــــــــــــ
درت وجهي اعاين من الجامه..شفت واحد طويل وضخم..
گلبي نبض الف نبضه..هو نفسه....
اي هو..هذا صگر..
اوووكف..نزلني..لتاخذني وياك..
كمت ابجي بحرگه..و أشر ليوره..
نزلونييي..حباب..مو احاجييك..تهسترت..
شتريدون مني..محد حجى شي..تعبت من البجي..صوتي انبح..
جبت رجليه يم بطني ولفيت ايديه عليهم..بديت اغفي..
بس بطني تگعدني..مماكله صار هواي..ولا شاربه شي..
غفيت....
حسيت على ايد شخص سحبتني..فزيت..عاينت علي..
زيد : هشش..تعالي نامي..حتوكعين وتتأذين..
- سحب راسي بهدوء خلاه على رجله..
نمت..ونسيت كلشي..
كعدت لكيت نفسي على جربايه ام نفر..وضوه خفيف..
من الجهه اللخ كاعد زيد..شافني كعدت..حاجاني..
زيد : شلون صرتي..
- حركت ايدي وصحت : اااخ..
كلت بگلبي..بعده جسمي يأذيني كله..
نزلت دموعي..كتله : وين انه..هم اخذتوني..
ليش ما ترجعوني..
زيد : منكدر نرجعج هسه..كليلي محتاجه شي..
جاوبته انه وابجي : محتاجه اهلي..ماريد ابقى هنا..
شوكت ارجع..
زيد : شكد تبجين يابنت..فتره وترجعين..
- عافني وراح..ضليت ابجي..تذكرت صگر..والله هو..
گلبي علمني..
بجيت اكثر..شسوي يربي..
رفعت الردان..شفت ايدي كلهه زراك..
جان اكو حمام بالغرفه..طبيت سبحت..
اعاين على بطني..وخاصرتي..غاديه كلهه ازرك واحمر..
اووف..شسويتو بيه..
الله لا ينطيكم..هج ضعيف الحال يسوون بي..
سبحت و نشفت شعري..طلعت من الحمام..
لكيت تراك اسود..علجربايه..عاينت بالغرفه..محد اكو..
جا منو جابه..
تمددت وكلشي بيه يصيح..من الالم..ماكو هج ضرب..انتقام..
بس عيوني تتحرك..
كمت ارجف من البرد..احس تمرضت..
كمت بيه مابيه لبست التراك والصايه فوكاه..شويه دفيت .. بعدين اجه ابو لعيون لملونه..
خلالي الغده على الجربايه وراح..بدون ما يعاين علي..
احسن..كشرك..
رحت اكلت..حرت شسوي.. خايفه..رغم مكاني احسن من هذاك المكان..بس الاحساس ميروح..
فتحت البرده اعاين من الشباك..تذكرت صگر..نزلت دموعي..
شجابني هنا..وين جنت..وين صرت..ياربي متعاين علي
شوي وشفت واحد دخل من الطرمه..شال المناظر خلاهه بجيبه..
دار وجهه..شافني..ضل صافن..متفاجئ يمكن مادري..
خزرته وسديت البرده..
رجعت كعدت ع الجربايه..
نزلت دموعي..شجابني هنا..جنت يم خاله ابتسام..
تمسح على راسي..و تكلي انه امج..
جنت يم سرور و نواره..
جبت رجليه يم بطني..و لفيت ايديه عليهم..و غفيت..
كعدت وره كومه..بحيث حتى ضوه ماكو من البرده..درت وجهي و شفت زيد..
ابتعدت عنه و رحت كعدت على كرسي..
شنو هذا ما لكى مكان غير هاي الجربايه..
شافني كمت..صاح بيه..
زيد : تعالي كعدي هنا..عندي وياج كلمتين..
- بقيت كاعدة بمكاني..درت وجهي و مجاوبته..
اجه يمي..
كمشني من زندي حيل..عاينت عليه بعصبية : وخر ايدك..
- لا والله..و تحجين بعد..شلون عين عليج..
- جمعت قوتي..كافي ماسكت..اذا سكتت يسوفني ضعيفة ويسوي بيه اليعجبه..
كتله : ليش شمسويه انه..فوك ما ماخذيني و تضربوني..
عيونه صارت حمر..كمشني من شعري حيل..
كومني هو و كامش شعري..شمرني ع الجربايه..
زيد : صوجي انه اخذتج و جبتج هنا بمكان بي خير..
- ضربني راشدي..حسيت اذني وشت..مبجيت..كعد بسدي .. منزل راسه و ايده على راسه..
زيد : اريد اسألج كم سؤال..
- مجاوبته..
زيد : ليش علاقتج متوتره وي ابوج..من شوكت هل حجي..
- عاينت عليه متفاجئه..شمدري هذا..
كتله : لا.. مابيهه شي علاقتنه...
زيد : تره اعرف كل شي..لتحاولين تتهربين..
دنوة : انت شعليك..ما اعتقد هذا الشي يخصك..
زيد : والله و طلع عندج لسان يا بنت..جاوبي عدل..
- سكتت مجاوبت..هو هم سكت...
شمدري بعلاقتنه انه و ابوي..اصلا شعلي..
عافني و راح..سد الباب بدون قفل..
فرصتي هاي..بس خل اصبر شوي بعد..بين ما ينامون..
ضليت افتر بالغرفه..طابه بالحمام و طالعه..مدري شسوي..
اخاف اطلع و واحد بيهم كاعد..ادور تنكلب ضدي
ما اعرف بيش ساعه..
بس عاينت من الشباك ماكو صوت ابد..
كمت توضيت و صليت ركعتين..عسى الله يسهلهه و اطلع..
صليت و بجيت..خايفه..گلبي ما مرتاح..
بس اذا بقيت..
كلشي ممكن يصير..
فتحت الباب على كيفي..طلعت من الغرفه..
البيت كلشش ضخم..و حار..عبالك ظهر..مادري منين اطلع..
تمشت شويه ع اليسره..شفت كاونتر وطباخ وثلاجة .. يعني مطبخ..
اكيد بي باب للخارج..
فتحت الباب مالت المطبخ..لكيت حذائي بره..
دنجت لبسته..
رفعت راسي لكيت واحد هنا..هاهيه..
راح ارجع للبدايه..راح انكتل..بلعت ريكي..اا..بس ردت....
اجه تقرب مني..كمشني من شعري..
- وين رايده يا جلبة..نسيتي نفسج وين انتي..
دنوة : ل..لا والله ردت اطلع اشتم هوى..جوه حارة..
ريحته مو طيبه ابد..مبين شارب..
شالني من الصاية..
شمرني بالكع..دفرني ع جتفي..حسيته انفصخ..
سكتت..
بس دموعي تجري..ماريد احد يسمعني..بلكت يعوفني خاطر اكوم اطلع من هل مكان..راد يضربني على وجهي...
غطيت وجهي بايديه..
حجيت بصوت ناصي : لا الله يخليك..والله دتأذيني..
ضل
أنت تقرأ
ثمرة الماضي
Losoweألاحترام يصلح لمن يستحق... قصه جديده واحداث وشخصيات جديده غير عن القصه القبلها بقلمي:- زهــراء الـــﻜناني
